Wulu 4:10 - BAEBOLO ANZƐƐ BULUKU NWUANZANWUANZA

¹⁰ Bieko, ɛnɛ Mowabenli Wulutu mɔɔ anrɛɛ le Maalɔn aye la le me ye, amaa yeawo mralɛ wɔ agyadeɛ ne mɔɔ melie la duma nu, na mɔɔ ɛwu ɛhɔ la duma amminli ɔ mediema avinli anzɛɛ ye sua zo; bɛ muala bɛdi ɛhye mɔ anwo daselɛ ɛnɛ.”

Wulu 4:10 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:27

Kendɛ na ɛ nee ɛhye bɛwie bɛ dapɛne ko anyelielɛ ne, na nzinlii yɛanlea na saa ɛkɛzonle me ɛvolɛ nsuu bieko a, meava ɔdaye noko meamaa wɔ.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:9

Onan nwunle kɛ saa ɔyɛ ye zɔhane a, mralɛ mɔɔ ɔbawo bɛ la ɛnle ye ɛdeɛ. Yemɔti ɔ nee ye hɔlale la, ɔdule ye nlanzule ne ɔguale, ammaa raalɛ ne annrenzɛ na yeanwo mralɛ yeammaa ɔ diema ne.

Edwɛndolɛ Buluku ne 109:15

Ɛdɛnkɛma, kakye ye ɛtane ne mɔ dahuu; na maa ewiade amra arɛle ɛvi ye bɔkɔɔ.

Edwɛndolɛ Buluku ne 34:16

Ɛdɛnkɛma fa ɔ nye wula nindavoma anyunlu, kɛ ɔminli bɛ bo zo wɔ ewiade.

Mrɛlɛbulɛ Buluku ne 18:22

Nrenya mɔɔ kɛgya raalɛ la ɛkpondɛ debie kpalɛ; ɔmaa ɔsɔ Ɛdɛnkɛma anye.

Mrɛlɛbulɛ Buluku ne 19:14

Sua nee anwonyia le agyadeɛ mɔɔ vi selɛma ɛkɛ, na yelɛ mɔɔ anye gyi ɔ ti anwo la Ɛdɛnkɛma a fa maa a.

Ayezaya Buluku ne 48:19

anrɛɛ bɛ bo zo amra kɛzo kɛ ɛnwea, na bɛ mra azo kɛ abɛlɛ ma; bɛ duma ɛnrɛminli ɛlɛ, anzɛɛ ɛnrɛzɛkye wɔ me nyunlu ɛlɛ.”

Hozia Buluku ne 12:12

Yɛ nlenya Gyekɔbo nriandile hɔle Mɛsɔpɔteemea, na ɔyɛle gyima, na raalɛ ti ɔnleanle mboane ɔvale ɔgyale raalɛ.

Hozia Buluku ne 3:2

Yemɔti menzule dwɛtɛ fufule bulu nee nnu nee baale nzuzuleɛ kilo ɛya ko abulanlu mengyale ye.

Zɛkalaya Buluku ne 13:2

Mekɛ ne anu, medame Ɛdɛnkɛma mese, mebaminliminli mmonle mɔɔ wɔ maanle ne anu nee bɛ aluma kɔsɔɔti abo zo, amaa bɛangakye bɛ bieko; eza mebadu kpɔmanvolɛma adalɛ nee sunsum ɛtane ne mɔ kɔsɔɔti meavi azɛlɛ ne azo.

Malakae Buluku ne 2:14

Bɛbiza kɛ, “Duzu ati a ɔnlie ɛ?” Ɔboalekɛ Ɛdɛnkɛma di ngyekyeleɛ mɔɔ bɛ nee bɛ mraalɛ mɔɔ bɛgyale bɛ bɛ mgbavolɛ nu la yɛle la anwo daselɛ. Bɛanli nɔhalɛ bɛammaa bɛ, noko bɛ mraalɛ ɔ, yɛɛ ngyekyeleɛ ne kile kɛ bɛle bɛ ye mɔ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:25

Kunlima, bɛhulo bɛ ye mɔ kɛmɔ Kelaese hulole Asɔne ne na ɔdole ye ngoane aze wɔ ɔ ti la.

Mɛla 25:6

Ralɛ nrenya mɔɔ bɛkɛlumua bɛkɛwo ye la, yemɔ a ɔdi ɔ ze ne mɔɔ ɛwu la agya a, amaa mɔɔ ɛwu la duma amminli Yizilayɛ maanle ne anu.

Kɛlata mɔɔ bɛhɛlɛle bɛhɔmanle Hibuluma la 13:4

Ɔwɔ kɛ bɛbu agyalɛ bie kpalɛ kpalɛ, na kunli nee yelɛ di nɔhalɛ maa bɛ nwo. Nyamenle badea bɛdabɛ mɔɔ bɛle adwɔmane nee bɛdabɛ mɔɔ bɛkɛdo awuvolɛvalɛ mɛla ne la.

Dwɔhyua Buluku ne 7:9

Keenama nee awie biala mɔɔ wɔ maanle ye anu la bade yɛ nwo edwɛkɛ. Bɛbarabɔ bɛayia yɛ na bɛabɔ yɛ bo zo bɔkɔɔ! Na duzu yɛɛ ɛkɛyɛ na wɔalie wɔ duma kpole ne wɔazie aze ɛ?”

Wulu 4:9

Bowaze zele mgbanyima nee menli mɔɔ wɔ ɛkɛ ne la amuala kɛ, “Bɛdabɛ bɛdi daselɛ kɛ ɛnɛ kenle ye, medɔ debie biala mɔɔ anrɛɛ le Yilemɛlɛke ɛdeɛ la, nee debie biala mɔɔ le Kaeleɔn nee Maalɔn ɛdeɛ la amuala mevi Nawome asa anu.