Wulu 3:7 - BAEBOLO ANZƐƐ BULUKU NWUANZANWUANZA

⁷ Bowaze wiele debie di na ɔvale nwanye ekyi ɔhanle ɔ nloa na ɔ nye liele la, ɔhɔlale ye ma ne azo lɔ. Wulutu yɛle nyaa nyaa hɔyele Bowaze agyakɛ anwo ɛdanlɛ ne na ɔlale ɔ gyakɛ anu ɛkɛ ne.

Wulu 3:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:34

Bɛvale aleɛ bɛvile Dwosefi ɛkponle zo a bɛrɛlɛle bɛ a, na ko biala ɛdeɛ mɔɔ ɔnyianle la, Bɛngyaman nyianle ye mɔnwo nnu. Na bɛ nee Dwosefi nlonle na bɛ nye liele.

2 Sam 13:28

Na Abesalɛm zele ye sonvolɛma ne mɔ kɛ, “Bɛdie, saa bɛnwu kɛ Amenɔn ɛbo kpalɛ kpalɛ na mese bɛ kɛ, ‘Bɛyɛ bɛmaa Amenɔn’ a, bɛhu ye. Bɛmmasulo; medame a mese a. Bɛzi ahonle na bɛli mrenyasɛm.”

1 Arl 21:7

Ɔ ye zele ye kɛ, “Na tɛ wɔmɔ a ɛsie Yizilayɛ maanle ye ɔ? Wɔmɔ dwazo di debie maa ɛ nye ɛlie na Neebɔto ɛya ne, mame, mebava meamaa wɔ!”

Ɛseta Buluku ne 1:10

Kenle nsuu ne azo, mɔɔ ɛnee belemgbunli ne ɛlɛno nza na ɔ nye ɛlie kpalɛ kpalɛ la, ɔzoanle ɔmanle bɛhɔvɛlɛle ɔdaye Belemgbunli Zɛzɛse ɔ ti anwo sonvolɛma nsuu ne mɔɔ di ɔ nzi la ɔmanle bɛrale. Bɛmɛ a le Mɛhuman, Bezeta, Haabona, Begeta, Abageta, Zita, yɛɛ Kaakase.

Edwɛndolɛ Buluku ne 104:15

yeanyia nwanye yeamaa sonla nye alie, yeanyia nwole yeamaa ɔ nyunlu ada, na yeanyia aleɛ yeamaa sonla nwo ayɛ se.

Nolo 10:19

Aleɛ maa sonla sele, nza maa sonla nye die, na ezukoa pɛ debie biala azo.

Nolo 2:24

Debie kpalɛ biala ɛnle ɛkɛ ɛmmaa sonla ɛndɛla kɛ ɔkɛli na ɔkɛnlo, na ɔkɛlielie ɔ nye wɔ ye ɛvɛlɛ nwo. Menwunle kɛ ɛhye noko vi Nyamenle ɛkɛ,

Nolo 8:15

Yemɔti menwu ye wienyi kɛ ɔwɔ kɛ sonla dielie ɔ nye, ɔboalekɛ ye fɛlɛkolilɛ mɔɔ ɔlɛ ye wɔ ye ɛbɛlabɔlɛ nu la a le kɛ ɔkɛli, ɔkɛnlo na ɔkɛlielie ɔ nye. Yeanyɛ boɛ bɔbɔ a, mekɛ mɔɔ Nyamenle ɛva ɛmaa ye wɔ ewiade, mɔɔ ɔlɛyɛ gyima la, ɔwɔ kɛ ɔdielie ɔ nye.

Nolo 9:7

Kɔ zolɛ, di wɔ aleɛ anyelielɛ nu, na fa anyelielɛ no wɔ nza, ɔluakɛ Nyamenle ɛlie debie biala mɔɔ ɛyɛ la ɛdo nu.

1 Kɔl 10:31

Bɛdie ɛ. Debie biala mɔɔ bɛyɛ la, saa aleɛ a bɛdi o, saa nzule a bɛno o, bɛyɛ bɛde Nyamenle anyunlu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:18

Bɛgyakyi nza ɛbolɛ na ɔsɛkye bɛ; bɛmaa Sunsum ne ɛyi bɛ tɛkɛɛ.

Maanlebuvolɛma Buluku ne 19:22

Na mekɛ mɔɔ bɛlɛdi debie na bɛ nye ɛlie la, arɛlevilɛ nu ala, suakpole ne azo mrenya bie mɔɔ fa bɛ gɔnwo mɔ mrenya la rabɔle yiale sua ne na bɛbɔle anlenkɛ ne anu ndinlizo. Bɛzele nrenya kpanyinli ne kɛ, “Fa nrenya ne mɔɔ wɔ wɔ sua ne anu la finde maa yɛ nee ye ɛyɛ nrenya nee nrenya.”

Maanlebuvolɛma Buluku ne 19:6

Yemɔti bɛ mu nwiɔ bɛdɛnlanle aze bɛkpulale bɛ sa na bɛnlonle. Akee raalɛ ne ɔ ze zele nrenya ne kɛ, “Maa yɛla na die ɛ nye.”

Maanlebuvolɛma Buluku ne 19:9

Na mɔɔ nrenya ne nee ye mgbɔnla ne nee ye sonvolɛ ne nyianle nwolɛ kɛ bɛkɔ la, ɔ ye ɔ ze ne zele ye kɛ, “Sɛnzɛne ne asɛɛ ɛdɔ; mesɛlɛ wɔ, da. Aleɛ ɛdwo. Die ɛ nye na ɛhyema nwonlomɔ mangyee ne ala ɛkɛhɔ na wɔadwu sua nu.”

Wulu 3:6

Yemɔti Wulutu hɔle ɛleka mɔɔ bɛkpogya ma ne la na ɔhɔyɛle kɛmɔ ɔ hu ɔ nli ne zele ye la.

Wulu 3:8

Kɛyɛ alevinli mu nwiɔ avinli yɛɛ Bowaze bɔle mgbatike dwazole a. Na ɔdole ɔ nye la ɔnwunle kɛ raalɛ bie la ɔ gyakɛ anu ɛkɛ.