Wulu 2:8 - BAEBOLO ANZƐƐ BULUKU NWUANZANWUANZA

⁸ Akee Bowaze zele Wulutu kɛ, “Me ra raalɛ, tie mɔɔ meka meahile wɔ la kpalɛ. Mmakɔ ɛya gyɛne nu ɛkɔkpondɛ mgbɛpɛlɛ, yɛɛ mmafi ɛya ɛhye anu noko ɛkɔ fofolɛ nu. Ɛ nee me sonvolɛ mraalɛ ne mɔ ɛwoa ɛke ala.

Wulu 2:8 ပူးပေါင်းရင်းမြစ်များ

2 Arl 5:13

Na ye sonvolɛma ne mɔ hɔle ɔ nwo ɛkɛ ne na bɛzele ye kɛ, “Yɛmenle, saa Nyamenle kpɔmanvolɛ ne zele wɔ kɛ ɛyɛ debie ɛsesebɛ bie a anrɛɛ ɛnrɛyɛ ɔ? Duzu ati yɛɛ akee ɛnrɛhɔdɔ Azule ne anu fane nsuu ne na ɛnrɛde kpɔkɛ ɛ?”

Sɛlɛ 19:9

“Saa bɛbu bɛ ɛya nu bɛyɔba ne a, bɛmmabu toonwo bɛkɔ ɛya ne anloa kpalɛ, yɛɛ bɛbu a, ɔ bo zo ɔ bo zo ne mɔ, bɛmmasia bɛ nzi bɛkɔsesa.

Edwɛkpa ne kɛmɔ Mateyu hɛlɛle la 9:2

Menli bie vale awie mɔɔ ɛdwidwe na ɔla ɛkpa zo la rɛlɛle ye kɛ ɔyɛ ye ayile. Mɔɔ Gyisɛse nwunle bɛ diedi ne la, ɔzele nrenya ne kɛ, “Me ra nrenya, to ɛ rɛle azule nu! Bɛva wɔ ɛtane ne mɔ bɛhyɛ wɔ.”

Edwɛkpa ne kɛmɔ Mateyu hɛlɛle la 9:22

Gyisɛse hakyile ɔ nye na ɔnwunle ye la, ɔzele raalɛ ne kɛ, “Ralɛ raalɛ, maa ɛ rɛle ɛdɔ wɔ azule nu. Wɔ diedi ɛmaa ɛ nwo ɛza.” Na ɛkɛ ne ala raalɛ ne anwo zale.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:8

Me mediema, mɔɔ meka meadwula me edwɛkɛ ne la a le kɛ, bɛdwenle ninyɛne mɔɔ le nɔhalɛ, mɔɔ lɛ duma, ninyɛne mɔɔ le fɔɔnwo, mɔɔ anwo te, mɔɔ le kɛnlɛma, mɔɔ sɔ ɛnyelɛ, nee mɔɔ di munli na ayɛlɛyelɛ wɔ nwolɛ la anwo.

Wulu 2:7

Ɔrazɛlɛle me kɛ, ‘Mekpa wɔ kyɛlɛ, maa menluolua wɔ gyimayɛvoma ye anzi saa menwɔnyia mgbɛpɛlɛ bie a.’ Ɔrale sumunli nwonlomɔ ye na ɔtɛdiele ye ɛnwomenle bɔbɔ. Kɛkala bie yɛɛ yehɔdɛnla kpɔda ne abo lɔ ekyii a.”

Wulu 2:9

Di bɛdabɛ mɔɔ bɛlɛte ma ne la anzi kpalɛ na toa bɛ kɔ ɛleka mɔɔ bɛkɔ la. Meha mehile mgbavolɛ ne mɔ kɛ awie biala mmafa ɔ sa ka wɔ. Saa nzuhɔne ɛlɛku wɔ a, kɔ ɛleka mɔɔ nzule ne wɔ la na no mɔɔ mgbavolɛ ne mɔ ɛhɔza ɛra la bie.”

1 Sam 3:16

Yilae vɛlɛle Samoɛle kɛ, “Me ra Samoɛle!” Samoɛle liele zolɛ, “Mewɔ ɛke.”

1 Sam 3:6

Ɛdɛnkɛma vɛlɛle Samoɛle bieko. Ɛnee Samoɛle ɛtɛnwunle Ɛdɛnkɛma deɛ holɛ, ɔboalekɛ ɛnee Ɛdɛnkɛma ɛtɛtendɛle ɛtɛkilele ye ɛlɛ. Yemɔti ɔdwazole ɔhɔle Yilae ɛkɛ na ɔhanle kɛ, “Ɛvɛlɛle me, mame ɛne!” Na Yilae buale ye kɛ, “Me ra, metɛfɛlɛle wɔ, sia kɔla.”