Wulu 2:7 - BAEBOLO ANZƐƐ BULUKU NWUANZANWUANZA

⁷ Ɔrazɛlɛle me kɛ, ‘Mekpa wɔ kyɛlɛ, maa menluolua wɔ gyimayɛvoma ye anzi saa menwɔnyia mgbɛpɛlɛ bie a.’ Ɔrale sumunli nwonlomɔ ye na ɔtɛdiele ye ɛnwomenle bɔbɔ. Kɛkala bie yɛɛ yehɔdɛnla kpɔda ne abo lɔ ekyii a.”

Wulu 2:7 ပူးပေါင်းရင်းမြစ်များ

Mrɛlɛbulɛ Buluku ne 13:4

Mgbovonle sonla biala akunlu anu a anrɛɛ, noko ɔnnyia ɛhwee; na mɔɔ anye bolo yɛ gyima la nyia ninyɛne dɔɔnwo.

Mrɛlɛbulɛ Buluku ne 15:33

Ɛdɛnkɛma ɛzulolɛ le nrɛlɛbɛ ɛzukoalɛ, yɛɛ mɛlɛbɛnwoaze nee enililɛ a lua a.

Mrɛlɛbulɛ Buluku ne 18:23

Ehyianvolɛ tendɛ a ɔkpa kyɛlɛ, na sukoavolɛ bua nwolɛ a ɔka ye mgbane mgbane.

Mrɛlɛbulɛ Buluku ne 22:29

Ɛze sonla mɔɔ asa anloa adwinli le kɛnlɛma la ɔ? Ɔbagyinla arelemgbunli nyunlu; ɔnrɛgyinla menli mɔɔ awie ɛmbu bɛ bie la anyunlu.

Nolo 9:10

Debie biala mɔɔ ɛkɛzɔ nu kɛ ɛyɛ la, fa wɔ anwosesebɛ yɛ, ɔluakɛ gyima anzɛɛ ndwenlenwo anzɛɛ adwenle anzɛɛ nrɛlɛbɛ biala ɛnle Ɛbolɔ mɔɔ ɛlɛkɔ la.

Edwɛkpa ne kɛmɔ Mateyu hɛlɛle la 5:3

“Nyilalɛ ɛha bɛdabɛ mɔɔ bɛze kɛ bɛdi Nyamenle Sunsum ne anwo ehyia la, Ɔluakɛ bɛbanwu Anwuma Belemgbunlililɛ ne!

Wulo 12:11

Bɛyɛ gyima ɛsesebɛ, bɛmmayɛ mgbovonle, na bɛva bɛ ahonle muala bɛzonle Nyamenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:9

Bɛmaa yɛhɔ zolɛ yɛyɛ kpalɛ; ɔluakɛ saa yɛangyakyi nyele ɛyɛlɛ a, kenle bie yɛbanwu ɔ bo aleɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:21

Kɛmɔ bɛdi Kelaese eni la, bɛha bɛ nwo aze bɛmaa bɛ nwo ngoko ngoko.

Wulu 2:2

Na Mowabenli Wulutu zele Nawome kɛ, “Mebodo wɔ, maa mengɔ ɛya ne mɔ anu lɔ na awie mɔɔ kɛnwu me anwunvɔne la mealuolua ye ɛya ɛdeɛ ne anu saa menwɔnyia mgbɛpɛlɛ bie a.” Nawome zele ye kɛ, “Me ra raalɛ, kɔ.”

Wulu 2:21

Mowabenli Wulutu zele kɛ, “Eza bɔbɔ ɔhanle ɔhilele me kɛ mendɛnla ye sonvolɛ mraalɛ ne mɔ anwo ɛkɛ kɔkpula mekɛ mɔɔ bɛkɛwie ye bɛyɔba ne bu la.”

Wulu 2:6

Kpavolɛ ne mɔɔ nea gyimayɛvoma ne anwo zo la buale kɛ, “Mowabe bɛlɛra ne mɔɔ nee Nawome vi Mowabe maanle nu rale la ɛne.

Wulu 2:8

Akee Bowaze zele Wulutu kɛ, “Me ra raalɛ, tie mɔɔ meka meahile wɔ la kpalɛ. Mmakɔ ɛya gyɛne nu ɛkɔkpondɛ mgbɛpɛlɛ, yɛɛ mmafi ɛya ɛhye anu noko ɛkɔ fofolɛ nu. Ɛ nee me sonvolɛ mraalɛ ne mɔ ɛwoa ɛke ala.