Wulu 2:4 - BAEBOLO ANZƐƐ BULUKU NWUANZANWUANZA

⁴ Bowaze vi Bɛtelɛhɛm rale na ɔrayɛle ye gyimayɛvoma ne mo ɔzele kɛ, “Ɛdɛnkɛma nee bɛ ɛdɛnla.” Bɛliele zolɛ kɛ, “Ɛdɛnkɛma ɛyila wɔ.”

Wulu 2:4 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:19

Mekpa nu meye ye, amaa yeanlea yeamaa ɔ mra nee ye sua nu amra alua Ɛdɛnkɛma adenle ne azo, na bɛayɛ menli mɔɔ le tenlene na bɛdi pɛlepɛle a, amaa meava debie biala mɔɔ meva mebɔ Ebileham ɛwɔkɛ la meamaa ye.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:3

Nyamenle Bedevinli ne ɛyila wɔ na ɔmaa wɔ mralɛ dɔɔnwo na bɛyɛ mɔnwo amaa bɛayɛ ɛlɔne.

1 Edk 2:51

Ɔ ra nrenya ne mɔɔ tɔ zolɛ nwiɔ mɔɔ bɛfɛlɛ ye Salema la a kyekyele Bɛtelɛhɛm a, yɛɛ ɔ ra nrenya ne mɔɔ tɔ zolɛ nsa la, bɛfɛlɛ ye Hɛlɛfe. Yemɔ a ɔkyekyele Bɛtegeeda a.

Edwɛndolɛ Buluku ne 118:26

Nyilalɛ ɛha sonla ne mɔɔ dua Ɛdɛnkɛma duma nu wolo la! Yɛlɛ Ɛdɛnkɛma Sua nu nyilalɛ yɛyila wɔ.

Edwɛndolɛ Buluku ne 134:3

Ɛdɛnkɛma ɛyila bɛ ɛvi Zayɔn, yemɔ mɔɔ ɔbɔle anwuma nee aze la!

Gyɛlɛmaya Buluku ne 31:23

Tumivolɛ Ɛdɛnkɛma, Yizilayɛ Nyamenle ne se, “Saa memaa me menli ne kpazi bieko a, bɛbaha wɔ Dwuda maanle ne anu azuamgbole ne mɔ azo kɛ, ‘Ɛdɛnkɛma ɛyila wɔ, O Boka nwuanzanwuanza, tenleneyɛlɛ tɛnlabelɛ.’

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 6:24

Ɛdɛnkɛma ɛyila bɛ na ɔva bɛ ɔzie gyɛlɛɛnye;

Edwɛkpa ne kɛmɔ Luku hɛlɛle la 1:28

Nyamenle soanvolɛ ne rale ɔ nwo ɛkɛ ne na ɔzele ye kɛ, “Ɔmɔ mɔɔ Nyamenle ɛlo wɔ a, ahye o! Awulae nee wɔ de, na yeyila wɔ kpole!”

2 Tɛs 3:16

Yɛsɛlɛ kɛ Awulae mumua ne, mɔɔ le anzonudwolɛ maavolɛ la ɛmaa bɛ nzo nu ɛdwo bɛ mekɛ biala nee adenle biala anu. Awulae nee bɛ ɛdɛnla.

1 Tem 6:2

Ahanra mɔɔ bɛ menle mɔ le diedima la mmakpo kɛ bɛnrɛli bɛ menle mɔ eni, kɛmɔ bɛle bɛ mediema la ati. Ɔwɔ kɛ bɛsonle bɛ kpalɛ, ɔboalekɛ bɛ gyimayɛlɛ nwo nvasoɛ ne kɔ diedima mɔɔ bɛkulo bɛ edwɛkɛ la lɔ. Kilehile na bɔ ninyɛne ɛhye mɔ nolo.

2 Tem 4:22

Awulae nee wɔ sunsum ɛdɛnla. Nyamenle ɛlo bɛ muala.

Dwɔhyua Buluku ne 24:15

Saa bɛ kunlu ɛndwo kɛ bɛkɛzonle ye a, ɛnee ɛnɛ demua ye, bɛhile mɔɔ bɛkɛzonle ye la, awozonle ne mɔ mɔɔ bɛ nlenya mɔ zonlenle bɛ wɔ Mɛsɔpɔteemea la anzɛɛ saa Amɔlema mɔɔ bɛ azɛlɛ zo a bɛde la awozonle ne mɔ a. Na mame, me nee me sua nu amra, yɛbazonle Ɛdɛnkɛma.”

Maanlebuvolɛma Buluku ne 6:12

Na Ɛdɛnkɛma soanvolɛ ne yele ɔ nwo hilele ye na ɔzele ye kɛ, “Nrenya katakyie, Ɛdɛnkɛma nee wɔ lua.”

Maanlebuvolɛma Buluku ne 6:16

Na Ɛdɛnkɛma soanvolɛ ne zele ye kɛ, “Me nee wɔ bahɔ. Ɛbahu Medeanema kɔsɔɔti kɛ asɛɛ bɛle sonla kokye ala.”

Wulu 2:3

Yemɔti Wulutu hɔle kɛ ɔkakpondɛ mgbɛpɛlɛ wɔ menli bie mɔ anzi. Na ɔrale kɛ amuanrɛɛ ɛya ne mɔɔ ɔhɔle nuhua la le Bowaze mɔɔ le Yilemɛlɛke busuanli la ɛdeɛ.

Wulu 2:5

Akee Bowaze bizale ye sonvolɛ ne mɔɔ nea gyimayɛvoma ne anwo zo la kɛ, “Bɛlɛra ɛhye vi nienwu?”

Wulu 4:11

Na bɛdabɛ mɔɔ bɛyiale ɛkɛ ne la amuala nee mgbanyima ne mɔ hanle kɛ, “Ɛhɛe, yɛdi nwolɛ daselɛ. Yɛsɛlɛ kɛ Ɛdɛnkɛma ɛmaa raalɛ ne mɔɔ ɛlɛba wɔ sua nu la ɛyɛ kɛ Relahyɛle nee Liya mɔɔ bɛ kunlu mralɛ a kyekyele Yizilayɛ maanle ye la. Nyamenle ɛmaa ɛkpazi wɔ Ɛfelate na ɛyɛ mandimase wɔ Bɛtelɛhɛm ɛke.

1 Sam 17:37

Ɛdɛnkɛma mɔɔ liele me vile awenade nee bedi ne mɔ asa anu la balie me avi Filisitianli ɛhye asa anu.” Sɔɔlo zele Devidi kɛ, “Kɔ, Ɛdɛnkɛma nee wɔ ɛhɔ.”