Wulu 2:3 - BAEBOLO ANZƐƐ BULUKU NWUANZANWUANZA

³ Yemɔti Wulutu hɔle kɛ ɔkakpondɛ mgbɛpɛlɛ wɔ menli bie mɔ anzi. Na ɔrale kɛ amuanrɛɛ ɛya ne mɔɔ ɔhɔle nuhua la le Bowaze mɔɔ le Yilemɛlɛke busuanli la ɛdeɛ.

Wulu 2:3 ပူးပေါင်းရင်းမြစ်များ

2 Sam 1:6

Kpavolɛ ne buale kɛ, “Ɔrale ye kɛ ɛnee mewɔ Gelebowa Boka, na menwunle kɛ Sɔɔlo hisa ye atwɛ ne na kpɔvolɛma ne konle ehwili ne mɔ nee menli mɔɔ ka mgbɔnwɔ la ɛkpumgbu ye kpalɛ.

2 Sam 20:1

Ɛnee sonlamgbane bie wɔ Gelegale. Bɛfɛlɛ ye Hyiba. Ɔ ze a le Bekelae mɔɔ vi Bɛngyaman abusua ekpunli ne anu la. Ɔwule aweɛne nu na ɔdeanle nuhua kɛ, “Yɛ nee Devidi ɛnlɛ ɛhwee ɛnyɛ. Yɛnli Gyɛsi ara agya. Yizilayɛma e! Awie biala ɛhɔ ye sua nu.”

2 Arl 8:5

Na mɔɔ Gɛheezae anloa wɔ zolɛ ɔlɛka menli mɔɔ wule na Yilaehya dunwuele bɛ la anwo edwɛkɛ yeahile belemgbunli ne la, yɛɛ raalɛ ne mɔɔ ɔ ra wule a Yilaehya dunwuele ye la ravindele ɛkɛ kɛ ɔbaha ye sua nee ye azɛlɛ nwo edwɛkɛ a. Na Gɛheezae zele kɛ, “Nana, me menle, raalɛ ne mɔɔ melɛdi ye edwɛkɛ la yemɔ ɛne, yɛɛ ɔ ra ne mɔɔ wule a Yilaehya dunwuele ye la noko ɛne.”

Edwɛkpa ne kɛmɔ Mateyu hɛlɛle la 10:29

Bɛtɔ nyamenleakatiba nwiɔ ɛkpɔsɛba ko, noko akee ko bɔbɔ ɛndɔ aze wɔ mekɛ mɔɔ bɛ Ze mɔɔ wɔ anwuma la ɛnze nu a.

Edwɛkpa ne kɛmɔ Luku hɛlɛle la 10:31

Na ɔrale kɛ sɛlɛvolɛ bie vale adenle ne azo, na mɔɔ ɔnwunle ye la, ɔbule ahane ɔhɔle.

2 Tɛs 3:12

Yɛka yɛahile menli mɔɔ le zɛhae la kɛ yɛlua Awulae Gyisɛse Kelaese duma nu, yɛbɔ bɛ kɔkɔ anzɛɛ yɛkakye bɛ kɛ, bɛbɔ ɛbɛla mɔɔ maa anzonudwolɛ la na bɛyɛ gyima mɔɔ kɛmaa bɛ sa kɛhɔ bɛ nloa dahuu la.

Wulu 2:2

Na Mowabenli Wulutu zele Nawome kɛ, “Mebodo wɔ, maa mengɔ ɛya ne mɔ anu lɔ na awie mɔɔ kɛnwu me anwunvɔne la mealuolua ye ɛya ɛdeɛ ne anu saa menwɔnyia mgbɛpɛlɛ bie a.” Nawome zele ye kɛ, “Me ra raalɛ, kɔ.”

Wulu 2:4

Bowaze vi Bɛtelɛhɛm rale na ɔrayɛle ye gyimayɛvoma ne mo ɔzele kɛ, “Ɛdɛnkɛma nee bɛ ɛdɛnla.” Bɛliele zolɛ kɛ, “Ɛdɛnkɛma ɛyila wɔ.”