Wulu 2:20 - BAEBOLO ANZƐƐ BULUKU NWUANZANWUANZA

²⁰ Nawome buale ɔ ra ne aye ne kɛ, “Ɛdɛnkɛma ɛyila ye kɛ ɔdwenle menli mɔɔ ɛwu ɛhɔ nee anyewɔzoamra anwo la. Nrenya ne le yɛ nwo sonla. Ɔle sonla mɔɔ di agya a ɔyɛ boɛ a.”

Wulu 2:20 ပူးပေါင်းရင်းမြစ်များ

2 Sam 2:5

ɔzoanle ɔmanle bɛhɔzele bɛ kɛ, “Ɛdɛnkɛma ɛyila bɛ kɛ bɛli nɔhalɛ ɛhye bɛmaa bɛ Belemgbunli Sɔɔlo na bɛzie ye a.

2 Sam 9:1

Kenle ko Devidi bizale kɛ, “Awie tɛbɔ Sɔɔlo abusua ne anu mɔɔ Dwɔnatan ati ɔwɔ kɛ meyɛ ahunlunyele memaa ye ɔ?”

Dwobu Buluku ne 19:25

Ɔluakɛ meze kɛ me Dievolɛ ne de aze, na ɔka kenle ko a ɔbalie me;

Mrɛlɛbulɛ Buluku ne 17:17

Agɔnwolɛma lɛ ɛhulolɛ mekɛ biala, yɛɛ anwongyelelɛ ti a bɛwo adiema nrenya a.

Sɛlɛ 25:25

Saa ɛ diema bie kyia na ɔ nwo kyele ye maa ɔtɔne ye agyadeɛ ne foa ko ɔmaa wɔ a, ɔ nwo sonla kola bakpɔne deɛ ne mɔɔ ɔ diema ne ɛdɔne ye la.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:10

Medi fɛlɛko kpole wɔ Awulae ati kɛ mekɛ tendenle ye anzi, eza bɛnyia adenle bɛlɛkile kɛ bɛdwenle me nwo a. Menga kɛ bɛgyakyi me nwo ɛdwenlenlɛ, na ɛnee bɛnnyia adenle.

Wulu 2:21

Mowabenli Wulutu zele kɛ, “Eza bɔbɔ ɔhanle ɔhilele me kɛ mendɛnla ye sonvolɛ mraalɛ ne mɔ anwo ɛkɛ kɔkpula mekɛ mɔɔ bɛkɛwie ye bɛyɔba ne bu la.”

Wulu 3:12

Ɔle nɔhalɛ kɛ mele kɔliagya, megya wɔ a ɔyɛ boɛ, noko ahenle mɔɔ di agya mumua ne la wɔ ɛkɛ.

Wulu 4:14

Mraalɛ mɔɔ wɔ suakpole ne azo la zele Nawome kɛ, “Yɛyɛ Ɛdɛnkɛma mo; ɛnɛ yemaa wɔnyia anlɔnra nrenya. Yɛsɛlɛ kɛ ɔnyia duma kpole wɔ Yizilayɛ.

Wulu 4:4

Yemɔti medwenle nwolɛ kɛ meka meahile wɔ kɛ tɔ azɛlɛ ne maa menli mɔɔ wɔ ɛke nee mgbanyima mɔɔ mehɔvɛlɛvɛlɛ bɛ la ɛli nwolɛ daselɛ. Saa ɛkɛlie azɛlɛ ne a ɛnee die, saa ɛnrɛlie noko a ɛnee ka kile me maa menwu ye, ɔluakɛ awie bieko ɛnle ɛkɛ ne kɛ wɔmɔ yɛɛ mame.” Na nrenya ne mɔɔ di agya ne la zele Bowaze kɛ, “Mebalie azɛlɛ ne.”

Wulu 4:6

Kɔliagya ne zele Bowaze kɛ, “Saa zɔhane ɛdeɛ a ɛnee mekpɔlɔkpɔla me sa anwo wɔ debie biala anwo. Ɔluakɛ ɔkɛgyegye me mra ne mɔ agyalilɛ. Yemɔti memaa wɔ nwolɛ adenle. Tɔ azɛlɛ ne na mame, menrɛdɔ.”