Wulu 1:17 - BAEBOLO ANZƐƐ BULUKU NWUANZANWUANZA

¹⁷ Ɛleka mɔɔ ɛkɛwu ɛkɛla la, ɛkɛ ne yɛɛ medame mebawu meala a. Ɛdɛnkɛma ɛdua me kakɛ ɛgua me bie zo kɛ menwɔgyakyi wɔ menwɔzia a, kyesɛ ewule na akpakye yɛ mu nwiɔ yɛ avinli!”

Wulu 1:17 ပူးပေါင်းရင်းမြစ်များ

2 Sam 15:21

Na Yeteeyae buale belemgbunli ne kɛ, “Nana, meka tease Ɛdɛnkɛma metane wɔ kɛ, ɛleka biala mɔɔ me awulae belemgbunli ne kɔ la, saa ewule nu o, ngoane nu o, wɔ sonvolɛ, me nee wɔ bahɔ.”

2 Sam 19:13

Bɛze Ameesa kɛ, ɔle me nwo sonla. Saa meandu Dwowabe, meanva ɔdaye Ameesa meanyɛ me Safohyenlema Kpanyinli mɔɔ nea me ɛlɔnema ne anwo zo la a, Nyamenle ɛdua me kakɛ ɛgua me bie zo.”

2 Sam 3:35

Alehyenlɛ ne anu, menli ne bodole Devidi kɛ ɔli debie, na ɔzele kɛ, “Nyamenle ɛdua me kakɛ ɛgua me bie zo kɛ menwɔli debie kolaa na sɛnzɛne adɔ a.”

2 Sam 3:9

Ɛdɛnkɛma bɔle Devidi ɛwɔkɛ kɛ ɔbalie belemgbunli maanle ne yeavi Sɔɔlo nee ɔ bo zo amra asa anu, na yeazie Devidi Yizilayɛ nee Dwuda belemgbunli, ɔvi maanle ne ati mɔɔ kɔdwu ɔ bo la. Saa meannea meammaa ɛwɔkɛ ɛhye anyɛ zɔhane a Nyamenle ɛhu me.”

1 Arl 13:31

Bɛziele ye bɛwiele la Nyamenle kpɔmanvolɛ kpanyinli ne hanle hilele ɔ mra ne mɔ kɛ, “Saa mewu a bɛva me bɛrado Nyamenle sonla ye anwo ɛke, wɔ nla ko ne ala anu.

1 Arl 19:2

Ɛhye ati Gyɛzɛbɛle zoanle manle bɛhɔhanle bɛhilele Yilaegya kɛ, “Ɛhunlɛ mɔɔ wɔhu ahɔmenle ne mɔ la, saa ɛhyema bekezɛ ɛnee metɛkunle ɛdawɔ noko a awozonle ne mɔ ɛdua me kakɛ ɛgua me bie zo.”

1 Arl 2:23

Na belemgbunli ne hanle Ɛdɛnkɛma kɛ, “Deɛ ɛhye mɔɔ Adonaegya ɛbiza la, saa meammaa yeanva ɔ ti kanrɛlɛ ne yeandua a Nyamenle ɛdua me kakɛ ɛgua me bie zolɛ.

1 Arl 20:10

“Bɛneheedade se, ‘Saa me nee wɔ anli, meanva menli meammaa bɛambanzɛkye Samɛlea a, awozonle mɔɔ wɔ me maanle ye anu la ɛdua me kakɛ ɛgua me bie zo.’ ”

2 Arl 6:31

Na ɔzele kɛ, “Saa ɛnɛ kenle ye meammaa bɛanye Hyeefate ara Yilaehya ati ne bɛanvi zo a, Nyamenle ɛdua me kakɛ ɛgua me bie zo.”

Edwɛndolɛ Buluku ne 45:10

O ralɛ raalɛ, yɛ ɛnzonlɛ tie, na dwenle nwo, maa ɛ rɛle ɛvi wɔ menli nee ɛ ze sua nu.

Ɛzoanvolɛma Gyima ne 11:23

Mɔɔ ɔhɔdwule na ɔnwunle kɛ Nyamenle ɛzi ɛlo menli ne la, ɔlile fɛlɛko na ɔzile bɛ kɛnra kɛ bɛva bɛ ahonle muala bɛzɔ diedi ne anu kpalɛ na bɛli nɔhalɛ bɛmaa Awulae.

Ɛzoanvolɛma Gyima ne 20:24

Noko me ngoane ɛdeɛ, mendwenle nwolɛ, amaa meahola meawie Awulae Gyisɛse gyima ne mɔɔ yeva yemaa me kɛ membɔ Edwɛkpa ne mɔɔ fane Nyamenle ɛlolɛ ne anwo la nolo.

Wulu 1:16

Wulutu zele ye kɛ, “Mmafoa me kɛ mengyakyi wɔ mengɔ anzɛɛ menzia na memmatoa wɔ. Ɔluakɛ me nee wɔ yɛkɔ ɛleka mɔɔ ɛlɛkɔ la, mebadɛnla ɛleka mɔɔ ɛkɛdɛnla la. Wɔ menli bayɛ me menli, na wɔ Nyamenle ne ayɛ me Nyamenle.

Wulu 4:15

Ɛ ra ne aye ne mɔɔ kulo wɔ la ɛyɛ mɔɔ hyia wɔ tɛla mralɛ mrenya nsuu bɔbɔ la ɛmaa wɔ. Kɛkala yemaa wɔ ralɛ nrenya mɔɔ bamaa wɔ sua nu ayɛ gbudugbudu na yeazɔ wɔ, wɔ wɔ mrelera nu a.”

1 Sam 14:44

Na Sɔɔlo zele kɛ, “Dwɔnatan, saa meammaa bɛangu wɔ a, Nyamenle ɛhu me.”

1 Sam 20:13

Saa ɔlɛ ɛ nwo adwenle ɛtane biala na meammaa wɔande, na eza meanlie wɔ ngoane a, Ɛdɛnkɛma ɛdua me kakɛ ɛgua me bie zo. Ɛdɛnkɛma nee wɔ ɛlua, kɛmɔ ɔ nee egya lua la.

1 Sam 25:22

Menli zɔhane mɔ, saa meangu bɛ meambɔ bɛ bo zo kolaa na maanle nu atete a, Nyamenle ɛhu me.”

1 Sam 3:17

Yilae bizale ye kɛ, “Duzu edwɛkɛ a Ɛdɛnkɛma hanle hilele wɔ a? Mmafa ɛfea me. Debie biala mɔɔ wɔde la saa ɛfa ɛfea me a Nyamenle badua wɔ kakɛ yeagua wɔ bie zolɛ”