Wulu 1:16 - BAEBOLO ANZƐƐ BULUKU NWUANZANWUANZA

¹⁶ Wulutu zele ye kɛ, “Mmafoa me kɛ mengyakyi wɔ mengɔ anzɛɛ menzia na memmatoa wɔ. Ɔluakɛ me nee wɔ yɛkɔ ɛleka mɔɔ ɛlɛkɔ la, mebadɛnla ɛleka mɔɔ ɛkɛdɛnla la. Wɔ menli bayɛ me menli, na wɔ Nyamenle ne ayɛ me Nyamenle.

Wulu 1:16 ပူးပေါင်းရင်းမြစ်များ

2 Sam 15:21

Na Yeteeyae buale belemgbunli ne kɛ, “Nana, meka tease Ɛdɛnkɛma metane wɔ kɛ, ɛleka biala mɔɔ me awulae belemgbunli ne kɔ la, saa ewule nu o, ngoane nu o, wɔ sonvolɛ, me nee wɔ bahɔ.”

Edwɛndolɛ Buluku ne 45:10

O ralɛ raalɛ, yɛ ɛnzonlɛ tie, na dwenle nwo, maa ɛ rɛle ɛvi wɔ menli nee ɛ ze sua nu.

Mrɛlɛbulɛ Buluku ne 17:17

Agɔnwolɛma lɛ ɛhulolɛ mekɛ biala, yɛɛ anwongyelelɛ ti a bɛwo adiema nrenya a.

Ayezaya Buluku ne 14:1

Ɛdɛnkɛma banwu Yizilayɛma anwunvɔne na eza yeava bɛ bieko kɛ ye menli. Ɔbamaa bɛadɛnla bɛ azɛlɛ ne azo, nyɛvolɛ baraboka bɛ na bɛava bɛ nwo bɛabeta Yizilayɛma.

Daneɛle Buluku ne 2:47

Belemgbunli ne hanle hilele Daneɛle kɛ, “Nɔhalɛ, wɔ Nyamenle ne le nyamenle kɔsɔɔti bɛ Nyamenle, yɛɛ ɔle arelemgbunli kɔsɔɔti bɛ Awulae. Ɔle Nyamenle mɔɔ sa fealera nu ninyɛne gua zolɛ a. Ɔboalekɛ wɔhola wɔla me fealera nu edwɛkɛ ɛhye ali.”

Daneɛle Buluku ne 3:29

“Yemɔti medi mɛla kɛ maanle anzɛɛ menli biala anzɛɛ aneɛ biala mɔɔ kɛdendɛ ɛtane kɛtia Hyeedelake, Mihyake, yɛɛ Abɛdenɛgo Nyamenle ne la, bɛdudu bɛ abɛsa abɛsa na bɛyela bɛ azua ne mɔ. Ɔluakɛ nyamenle biala ɛnle ɛkɛ mɔɔ kola die ngoane kɛ bɛ Nyamenle ɛdeɛ ne la.”

Daneɛle Buluku ne 4:37

“Akee kɛkala, medame Nɛbukadenɛza, mefa ayɛlɛyelɛ, enililɛ mewula Anwuma Belemgbunli ne anyunlunyia. Ɔluakɛ ye gyima kɔsɔɔti le kpalɛ, yɛɛ ye ndenle le fɔɔnwo, na bɛdabɛ mɔɔ bɛmemaa bɛ nwo zo la, ɔkola ɔbɛlɛ bɛ aze.”

Hozia Buluku ne 13:4

Ɛdɛnkɛma se, “Medame a mele Ɛdɛnkɛma bɛ Nyamenle ne mɔɔ yele bɛ vile Yigyibiti la. Bɛnlɛ Nyamenle biala kɛ medame ala. Bɛye me a bɛnlɛ dievolɛ biala.

Zɛkalaya Buluku ne 8:23

Mekɛ ne anu mrenya bulu vi maanle maanle ne mɔ nee aneɛ ngakyile ne mɔ anu barazɔ Dwuunli tɛladeɛ nu na bɛaha kɛ, ‘Maa yɛ nee wɔ ɛhɔ, ɔluakɛ yɛde kɛ Nyamenle nee bɛ lua.’ ”

Edwɛkpa ne kɛmɔ Mateyu hɛlɛle la 8:19

Mɛla kilehilevolɛ bie rale ɔ nwo ɛkɛ ne razele ye kɛ, “Kilehilevolɛ, ɛleka biala mɔɔ ɛkɔ la me nee wɔ kɛhɔ.”

Dw 13:37

Pita bizale ye kɛ, “Awulae, duzu ati a menrɛhola wɔ toa kɛkala ɛ? Meziezie me nwo kɛ saa ewule bɔbɔ a menwɔwu menwɔmaa wɔ.”

Ɛzoanvolɛma Gyima ne 21:13

Na ɔbizale yɛ kɛ, “Na ɛzunlɛ ye abo ɛ? Duzu ati a bɛyɛ bɛabɔ me rɛle ɛ? Meziezie me nwo kɛ tɛ ɛkyekyelɛ mɔɔ bɛkyekye me la angome, na kɛ menwɔwu wɔ Gyɛlusalɛm wɔ Awulae Gyisɛse duma ne ati.”

1 Tɛs 1:9

Menli zɔhane mɔ ka kɛ bɛzile bɛliele yɛ wɔ mekɛ mɔɔ yɛrale bɛ nwo lɔ la. Bɛka kɛ bɛzile bɛhwenle bɛ nwo bɛvile bɛ mmonle ngakyile ne mɔ anwo, bɛhɔle Nyamenle ɛkɛ na bɛzonlenle nɔhalɛ nee tease Nyamenle ne la.

Dwɔhyua Buluku ne 24:18

Mɔɔ yɛba maanle ye anu la, Ɛdɛnkɛma lumuale yɛ nyunlu, ɔvoanle Amɔlema mɔɔ de ɛke la amuala. Yemɔti yɛdayɛ yɛbazonle Ɛdɛnkɛma; yemɔ a ɔle yɛ Nyamenle a.”

Yekile 14:4

Bɛmɛ a bɛle menli mɔɔ bɛzie bɛ nwo bɔkɔbɔkɔ mɔɔ bɛanva bɛ nwo bɛanga raalɛ biala a; bɛle amunli bɔkɔɔ. Bɛmɛ yɛɛ ɛleka biala mɔɔ Boaneralɛ ne ɛlɛkɔ la bɛdoa ye a. Bɛmɛ a bɛlie bɛ ngoane bɛvi aleɛabo amra avinli kɛ bɛle menli mɔɔ bɛlumua bɛva bɛ bɛrɛlɛ Nyamenle nee Boaneralɛ ne a.

Wulu 1:15

Na Nawome zele Wulutu kɛ, “Nea, ɛ hola ɛzia ɛhɔ ye sua zo ɔkazonle ye abusua bozonle ne mɔɔ ɔsonle ye dɛba la. Ɛdawɔ noko toa ye ɛ nee ye bɛhɔ.”

Wulu 1:17

Ɛleka mɔɔ ɛkɛwu ɛkɛla la, ɛkɛ ne yɛɛ medame mebawu meala a. Ɛdɛnkɛma ɛdua me kakɛ ɛgua me bie zo kɛ menwɔgyakyi wɔ menwɔzia a, kyesɛ ewule na akpakye yɛ mu nwiɔ yɛ avinli!”

Wulu 2:6

Kpavolɛ ne mɔɔ nea gyimayɛvoma ne anwo zo la buale kɛ, “Mowabe bɛlɛra ne mɔɔ nee Nawome vi Mowabe maanle nu rale la ɛne.

Wulu 4:15

Ɛ ra ne aye ne mɔɔ kulo wɔ la ɛyɛ mɔɔ hyia wɔ tɛla mralɛ mrenya nsuu bɔbɔ la ɛmaa wɔ. Kɛkala yemaa wɔ ralɛ nrenya mɔɔ bamaa wɔ sua nu ayɛ gbudugbudu na yeazɔ wɔ, wɔ wɔ mrelera nu a.”