Wulu 1:1 - BAEBOLO ANZƐƐ BULUKU NWUANZANWUANZA

^1-2 Mekɛ mɔɔ ɛnee maanlebuvolɛma a bu Yizilayɛ maanle ne la, ɛhɔne kpole bie zile maanle ne anu. Zɔhane ati nrenya bie mɔɔ vi Bɛtelɛhɛm mɔɔ wɔ Dwuda maanle nu na ɔbɔ Ɛfelate abusua ne bie la vale ɔ ye nee ɔ mra mrenya nwiɔ mɔɔ ɔlɛ bɛ la lɔle nu hɔle Mowabe maanle nu. Bɛfɛlɛ nrenya ne Yilemɛlɛke, bɛfɛlɛ ɔ ye Nawome yɛɛ ɔ mra mrenya nwiɔ ne noko aluma a le Maalɔn yɛɛ Kaeleɔn. Bɛhɔle Mowabe maanle nu bɛhɔdɛnlanle ɛkɛ ne.

Wulu 1:1 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:10

Akee ɛhɔne zile Keena azɛlɛ zo. Yemɔti Ebilam hɔdɛnlanle Yigyibiti, ɔluakɛ ɛhɔne ne mɔɔ zile azɛlɛ ne azo la le kpole kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 26:1

Saa ɛye ɛhɔne ne mɔɔ Ebileham mekɛ zo rale la a, ɛhɔne bieko rale azɛlɛ ne azo. Na Ayezeke hɔle Filisitiama Belemgbunli Abemɛlɛke anwo lɔ wɔ Gilaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 43:1

Akee ɛhɔne ne yɛle kpole wɔ Keena.

2 Sam 21:1

Belemgbunli Devidi mekɛ zo, ɛhɔne kpole bie rale toonwo ɛvolɛ nsa. Devidi bizale Ɛdɛnkɛma nwolɛ bie. Na Ɛdɛnkɛma zele ye kɛ, “Sɔɔlo nee ye abusua ne di fɔlɛ kɛ bɛha mogya bɛgua a, ɔboalekɛ bɛhunle Gebɛyɔnoma dɔɔnwo somaa.”

1 Arl 18:2

Yemɔti Yilaegya zile nu hɔle kɛ ɔlɛ ɔ nwo ɔkahile Ehabe. Mekɛ ne anu ɛnee Samɛlea ɛhɔne ɛdeɛ ne akee anu ɛyɛ se kpole kpalɛ.

1 Edk 2:51

Ɔ ra nrenya ne mɔɔ tɔ zolɛ nwiɔ mɔɔ bɛfɛlɛ ye Salema la a kyekyele Bɛtelɛhɛm a, yɛɛ ɔ ra nrenya ne mɔɔ tɔ zolɛ nsa la, bɛfɛlɛ ye Hɛlɛfe. Yemɔ a ɔkyekyele Bɛtegeeda a.

1 Edk 2:54

Salema a kyekyele Bɛtelɛhɛm a. Ɔ bo zo amra a le Nɛtofatema, Atolo Bɛte Dwowabema, yɛɛ Zolama. Menli ɛhye mɔ bɔ Manahate abusua ne bie.

Edwɛndolɛ Buluku ne 105:16

Ɔmanle ɛhɔne zile azɛlɛ ne azo, ɔmanle bɛ aleɛ kɔsɔɔti wiele.

Edwɛndolɛ Buluku ne 107:34

azɛlɛ mɔɔ kye aleɛ la kakyi ngyenle azɛlɛ, wɔ menli ne ɛtane ne mɔ ati.

Gyɛlɛmaya Buluku ne 14:1

Edwɛkɛ mɔɔ Ɛdɛnkɛma hanle wɔ nzule ɛhɔne ne anwo hilele Gyɛlɛmaya la ɛne:

Yizikeɛle Buluku ne 14:13

“Sonla ra, saa maanle bie anu amra yɛ ɛtane tia me, bɛgyakyi me bɛkɔsonle nyamenle gyɛne, na meka kɛ metea maanle zɔhane, mefa ɛhɔne nee sane mebato maanle ne anu, na mɔɔ menli nee nane ɛlɛwu la,

Yizikeɛle Buluku ne 14:21

Awulae Nyamenle ne se, “Na saa akee mefa me ndeanlɛ fane nna ɛhye mɔ: konle, ɛhɔne, nanemgbole mɔɔ di menli, yɛɛ ewulenzane megua Gyɛlusalɛmma anwo zo, kɛ mefa meaminli menli nee nyɛmoa abo zo ɛ!

Sɛlɛ 26:19

Mebazɛkye bɛ adubɛnwo anwosesebɛ biala; ezule ɛnrɛdɔ, na bɛ azɛlɛ ne bahwie ayɛ ketekete kɛ bolɛ.

Emɔzo Buluku ne 4:6

Ɛdɛnkɛma se, “Medame a memanle ɛhɔne zile bɛ azuamgbole ne mɔ azo na aleɛ wiele bɛ azua nu a, noko bɛanzia bɛamba me ɛkɛ.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Mɛla 28:38

“Bɛbalua ma dɔɔnwo wɔ bɛ ɛya nu, noko bɛ bɛyɔba bayɛ ekyi bie, ɔluakɛ mbɛbɛ bali bɛ muala.

Maanlebuvolɛma Buluku ne 12:8

Gyɛfeta wule la, Yebezan mɔɔ vi Bɛtelɛhɛm la a ralile Yizilayɛma ati a.

Maanlebuvolɛma Buluku ne 17:7

Mekɛ ne anu ala ɛnee kpavolɛ bie vi Bɛtelɛhɛm mɔɔ wɔ Dwuda la ɛrazokoɛ ɛkɛ. Kpavolɛ ne le Livaenli.

Maanlebuvolɛma Buluku ne 17:8

Ɔvi Bɛtelɛhɛm ɔdule kɛ ɔkakpondɛ ɛleka fofolɛ yeadɛnla. Ɔkɔ na ɔhɔdwule Yifelaem awoka ne mɔ azo azua ne mɔ ko azo la, ɔhɔle Maeka awuke ne anu.