Wulo 9:5 - BAEBOLO ANZƐƐ BULUKU NWUANZANWUANZA

⁵ Bɛ bo vi Hibulu abusua mgbole ne mɔ anu, yɛɛ Kelaese ne bayɛ sonla la, ɔvi bɛ nu. Ayɛlɛyelɛ ɛha Nyamenle mɔɔ di ɔ muala azo belemgbunli la dahuu. Amen.

Wulo 9:5 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 12:3

Mebayila bɛdabɛ mɔɔ bɛyila wɔ la, Na meamaa munzule ado mɔɔ kɛzuzu munzule kɛmaa wɔ la; Na ɔlua ɛ nwo zo nyilalɛ aha maanle maanle kɔsɔɔti mɔɔ wɔ ewiade la.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:10

Belemgbunlililɛ ɛnrɛvi Dwuda sua nu, Yɛɛ mɛlalilɛma ɛnrɛkpa ye belemgbunli ebia bo, Kɔkpula kɛ ɔkɛdwu mɔɔ lɛ ye la ɛkɛ ne. Maanle maanle kɔsɔɔti badie ye.

1 Arl 1:36

Bɛnaya, mɔɔ le Gyɛhɔyada ara ne liele zolɛ, “Amen! Ɛhye ɛyɛ Ɛdɛnkɛma mɔɔ le Nana ɔdaye ye Nyamenle ne anloa edwɛkɛ.

1 Edk 16:36

Bɛye Ɛdɛnkɛma, Yizilayɛ Nyamenle ne ayɛlɛ, bɛye ye ayɛlɛ, ɛnɛ nee dahuu. Na menli ne amuala liele zolɛ “Amen,” na bɛyele Ɛdɛnkɛma ayɛlɛ.

Edwɛndolɛ Buluku ne 103:19

Ɛdɛnkɛma belemgbunli ebia ne wɔ anwuma, Ɛdɛnkɛma di debie biala anwo zo belemgbunli.

Edwɛndolɛ Buluku ne 106:48

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi tete kɔdwu mekɛ mɔɔ ɛnlɛ awieleɛ. Na menli ne amuala ɛha kɛ “Amen!” Bɛye Ɛdɛnkɛma ayɛlɛ!

Edwɛndolɛ Buluku ne 41:13

Ayɛlɛyelɛ ɛha Ɛdɛnkɛma, Yizilayɛ Nyamenle ne, ɔvi aloamɔleɛ kɔdwu melɛ mɔɔ ɛnlɛ awieleɛ! Amen! Amen!

Edwɛndolɛ Buluku ne 45:6

Wɔ belemgbunlililɛ nwuanzanwuanza ne wɔ ɛkɛ ne dahuu. Ɛfa pɛlepɛlelilɛ a ɛdi wɔ ebia ne a;

Edwɛndolɛ Buluku ne 72:19

Bɛye ye duma nwuanzanwuanza ne ayɛlɛ dahuu; bɛmaa ye anyunlunyia ɛyi ewiade tɛkɛɛ! Amen. Amen!

Edwɛndolɛ Buluku ne 89:52

Ayɛlɛyelɛ ɛha Ɛdɛnkɛma dahuu! Amen, Amen!

Ayezaya Buluku ne 11:1

Gyɛsi dosinli ne (Belemgbunli Devidi), bakpuke ɛnyelɛ wɔ ye ndinli ne mɔ anu anyi ayɛ Baka Ɛhane.

Ayezaya Buluku ne 7:14

Yemɔti Awulae ɔdaye ɔbamaa wɔ sɛkɛlɛneɛ. Bɛnlea, kakula bɛlɛra banrenzɛ yeawo ralɛ nrenya, na yeado ye Yimanoɛle.

Gyɛlɛmaya Buluku ne 28:6

“Amen! Ɛdɛnkɛma ɛmaa ɔyɛ zɔhane. Ɛdɛnkɛma ɛmaa edwɛkɛ ne mɔɔ wɔha la ɛyɛ zɔhane, na ɔva ɛzonlenlɛ ninyɛne ne mɔ nee menli mɔɔ bɛhyele bɛ bɛhɔle nlɔnu la kɔsɔɔti ɔrɛla.

Maeka Buluku ne 5:2

Na Ɛdɛnkɛma hanle kɛ, “Na wɔmɔ, O Bɛtelɛhɛm Ɛfelata, ɛle sua ekyi kpalɛ wɔ Dwuda maanle ne anu, noko wɔ nuhua yɛɛ awie vi bara, aragyinla me gyakɛ anu, na yeazie Yizilayɛma amuala a. Ye abusua ɛlɔnwɔne ne abo vi tete.”

Edwɛkpa ne kɛmɔ Mateyu hɛlɛle la 28:20

na bɛhilehile bɛ bɛmaa bɛli debie biala mɔɔ meha mehile bɛ la azo. Na bɛhakye kɛ me nee bɛ lua dahuu, kɔkpula ewiade awieleɛ.”

Edwɛkpa ne kɛmɔ Mateyu hɛlɛle la 6:13

Mmamaa yɛkɔ ngyegyelɛ nu, Ye yɛ fi munzule nu.’

Edwɛkpa ne kɛmɔ Luku hɛlɛle la 20:44

Saa Devidi vɛlɛle ye ‘Awulae’ a, ɛnee kɛ ɔsi mɔɔ Mɛzaya ne yɛ ye anlɔnra ɛ?”

Dw 10:30

Selɛ ne nee medame yɛle ko.”

Ɛzoanvolɛma Gyima ne 20:28

Bɛnlea bɛ nwo boɛ na bɛnlea mboane ne mɔ mɔɔ Sunsum Nwuanzanwuanza ne ɛva bɛ ɛwula bɛ sa nu la boɛ. Bɛnlea Nyamenle asɔne ne mɔɔ yeva ɔ Ra ne mogya a yekpondɛ la azo boɛ.

Ɛzoanvolɛma Gyima ne 3:13

Ebileham, Ayezeke nee Gyekɔbo bɛ Nyamenle ne, nee yɛ nlenya mɔ Nyamenle ne yɛɛ ɛwula ye Sonvolɛ Gyisɛse anyunlunyia a. Bɛyele ye bɛmanle mgbanyima ne mɔ na bɛkpole ye wɔ Paelɛte anyunlu, wɔ mekɛ mɔɔ ɛnee Paelɛte mumua ne kulo kɛ ɔgyakyi ye la.

Wulo 1:25

Bɛgyakyile kɛ bɛkɛlie nɔhalɛ ne mɔɔ fane Nyamenle anwo la bɛkɛli. Zɔhane ati bɛdie adalɛ ne bɛdi na bɛsonle ninyɛne mɔɔ Nyamenle ɛbɔ bɛ la, na bɛgyakyi Bɔvolɛ Nyamenle mumua ne, yemɔ yɛɛ ayɛlɛyelɛ ɛha ye dahuu a. Amen.

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 10:12

Awie biala boka ɛhye anwo, ɔboalekɛ ngakyile biala ɛnle Dwuuma nee bɛdabɛ mɔɔ bɛnle Dwuuma la avinli. Nyamenle le bɛ kɔsɔɔti bɛ Awulae ko ne ala, na ɔyila bɛdabɛ mɔɔ bɛsu bɛfɛlɛ ye la.

Wulo 11:28

Dwuuma kpole Edwɛkpa ne la ati, Nyamenle ɛyɛ kpɔvolɛ wɔ bɛmɛ mɔɔ bɛnle Dwuuma la ati. Noko kɛmɔ Nyamenle ɛkpa nu ɛye bɛ la ati, bɛle ɔ gɔnwo mɔ wɔ bɛ nlenya mɔ ati.

1 Kɔl 14:16

Na saa bɛyɛ Nyamenle mo wɔ sunsum nu ala a, ɛnee kɛ ɔkɛyɛ na awie gyɛne mɔɔ wɔ nyianu ne anu la alie bɛ moyɛlɛ nzɛlɛlɛ ne azo “Amen” ɛ? Ɔngola ɔnyɛ ye zɔhane, ɔluakɛ ɔnde mɔɔ bɛlɛka la abo.

2 Kɔl 11:31

Nyamenle mɔɔ le Awulae Gyisɛse ɔ Ze ne, yemɔ yɛɛ nyilalɛ ɛha ye duma ne dahuu a, ɔluakɛ ɔze kɛ membɔ adalɛ.

Mɛla 10:15

Noko Ɛdɛnkɛma vale ye ahonle hulole bɛ ze mɔ na ɔkpale nu ɔyele bɛ bo zo amra, mɔɔ le bɛdabɛ, ɔvile menli kɔsɔɔti anu, kɛmɔ kɛkala ɔde la.

1 Tem 3:16

Yɛka yɛto gua kɛ nɔhalɛ, awozinli nu debie mɔɔ wɔ yɛ nyamenlezonlenlɛ ne anu la yɛ nwanwane: Ɔrale ewiade kɛ sonla, noko Sunsum nu a ɔle saanwu. Nyamenle soanvolɛma nwunle ye, bɛbɔle ɔ nwo nolo wɔ maanle maanle kɔsɔɔti anu. Ewiade amra amuala liele ye lile, na bɛvale ye bɛhɔle anwuma anyu

1 Tem 6:15

Ye ɛralɛ bieko mekɛ kpalɛ ne wɔ Nyamenle Tumivolɛ Saleɛnli Kokye ne mɔɔ le arelemgbunli Belemgbunli nee awulae mɔ Awulae la asa anu.

2 Tem 2:8

Kakye Gyisɛse Kelaese, kakye ye ewudwazo ne na kakye kɛ ɔle Devidi anlɔnra. Edwɛkpa ne mɔɔ mebɔ ye nolo la ɛne.

Kɛlata mɔɔ bɛhɛlɛle bɛhɔmanle Hibuluma la 7:24

Noko Gyisɛse de aze dahuu, yɛɛ ye sɛlɛvolɛ gyima ne ɛngakyi ɛngɔ awie lɔ.

1 Dw 5:20

Yɛze kɛ Nyamenle Ara ne ɛra na yeramaa yɛ ndelebɛbo mɔɔ yɛfa yɛnwu nɔhalɛ Nyamenle ne a. Yɛ nee nɔhalɛ Nyamenle ne nee ɔ Ra Gyisɛse Kelaese a lua a. Ɛhye a le nɔhalɛ Nyamenle ne a. Ɛhye a le ngoane ne mɔɔ ɛnlɛ awieleɛ la a.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.

Yekile 22:16

“Medame Gyisɛse, yɛɛ mezoa me soanvolɛ kɛ ɔrabɔ ɛhye mɔ nolo ɔhile bɛ wɔ asɔne ne mɔ ati a. Mele Devidi anlɔnra; mame a mele nwonlomɔ ɛwɔlɔra ne mɔɔ ta kpole la a.”

Yekile 22:20

Sonla ne mɔɔ di ɛhye mɔ kɔsɔɔti anwo daselɛ la se, “Nɔhalɛ, ɔnrɛhyɛ biala na meara!” Amen! Awulae Gyisɛse, bɛla!

Yekile 5:14

Na tease abɔdeɛ nna ne liele zo, “Amen.” Na mgbanyima ne mɔ dule guale na bɛzonlenle.