Wulo 9:33 - BAEBOLO ANZƐƐ BULUKU NWUANZANWUANZA

³³ Nyamenle Edwɛkɛ ne se, “Nea, melɛfa bolɛ meado Zayɔn mɔɔ bamaa menli akpulokpula a, ɔbayɛ bodane mɔɔ bamaa bɛadu bɛagua a. Na mɔɔ kɛlie ye kɛli la arɛle ɛnrɛbɔ.”

Wulo 9:33 ပူးပေါင်းရင်းမြစ်များ

Edwɛndolɛ Buluku ne 118:22

Bolɛ ne mɔɔ suasivoma ne kpole la ɛyɛ mgbɛnezo bolɛ mɔɔ anwo hyia a.

Edwɛndolɛ Buluku ne 119:116

Maa me anwosesebɛ, kɛmɔ wɔ ɛwɔkɛ ne se la, amaa meanyia ngoane; mmamaa me anyelazo wie anyiemgba nu.

Edwɛndolɛ Buluku ne 25:20

O sinza me, na die me ngoane; mmamaa me nyunlu gua aze, ɔluakɛ menriandi mefea wɔ nu.

Ayezaya Buluku ne 28:16

Yemɔti kɛ Awulae Nyamenle ne se la ɛne, “Bɛnlea, melɛfa bolɛ meado adiabo wɔ Zayɔn. Ɔbayɛ bolɛ mɔɔ bɛzɔ bɛnlea, mgbɛnezo bolɛ mɔɔ sonle bolɛ kpalɛ wɔ adiabo kpundii nu, na meahɛlɛ zolɛ kɛ, ‘Mɔɔ die di la ɛnrɛpele ndɛ.’

Ayezaya Buluku ne 45:17

Ɛdɛnkɛma ɛlie Yizilayɛma ngoane, yemaa bɛ ngoanelielɛ mɔɔ ɛnlɛ awieleɛ, bɛ nyunlu ɛnrɛgua aze anzɛɛ bɛnrɛbɔ anyiemgba ɛlɛ.’ ”

Ayezaya Buluku ne 54:4

Mmasulo, ɔluakɛ ɛ nyunlu ɛnrɛgua aze; mmamaa wɔ ahonle tu, na awie ɛnrɛgua ɛ nyunlu aze, ɔluakɛ ɛ rɛle bavi wɔ mbɛlɛra nu anyiemgba ne, yɛɛ ɛnrɛhakye wɔ kunlanehyilɛ nyanenwunlɛ ne bieko.

Edwɛkpa ne kɛmɔ Mateyu hɛlɛle la 21:42

Gyisɛse zele bɛ kɛ, “Asoo bɛtɛkengale Nyamenle Edwɛkɛ ɛhye ɛlɛ? Ɔse, ‘Bolɛ ne mɔɔ suasivoma ne kpole la, ɛrayɛ bolɛ mɔɔ anwo hyia kpole kpalɛ kɛ sua mgbɛne zo sika la. Awulae a yɛle ɛhye a; na ɔyɛ nwanwane kpole!’

Edwɛkpa ne kɛmɔ Mateyu hɛlɛle la 21:44

Na awie biala mɔɔ kɛdɔ bolɛ ɛhye azo la kɛtete nzokanzoka, yɛɛ mɔɔ bolɛ ne kɛdɔ ɔ nwo zo la kɛdi kɛyɛ kɛ sianlɛ.”]

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

Wulo 10:11

Nyamenle Edwɛkɛ ne se, “Awie biala mɔɔ kɛlie ye kɛli la anyunlu ɛnrɛgua aze.”

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:11

Na mediema, asoo medame, saa mrenyanu nzonlɛyɛlɛ yɛɛ mebɔ nwolɛ nolo a anrɛɛ ɛnee duzu ati a bɛlɛyɛ me kpɔdekpɔde ɛ? Anrɛɛ Kelaese meanubaka ne mɔɔ mebɔ nwolɛ nolo la ɛnyɛ ngyegyelɛ biala ɛmmaa awie biala.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:20

Mɔɔ hyia me ɛsesebɛ na me nye la la a le kɛ menrɛze me gyima ne anwo nyiane ɛlɛ, na wɔ ewule nu o, ngoane nu o, menwɔnyia akɛnrasesebɛ menwɔva me nwo amuala menwɔli gyima menwɔwula Kelaese anyunlunyia.

2 Tem 1:12

Zɔhane ati yɛɛ menwu amaneɛ ɛhye mɔ a. Noko ɔnyɛ me nyiane, ɔluakɛ meze mɔɔ meva me rɛle mewula ye nu la, na medie medi kɛ ɔkɛhola ɔkɛzie mɔɔ meva mewula ɔ sa nu la gyɛlɛɛnye ɔkɛhɔkpula Awulae Kenle ne.

1 Dw 2:28

Akee me mra ngakula, bɛ nee Kelaese ɛyɛ ko ɛdɛnla, amaa saa Kenle ne dwu na ɔye ɔ nyunlu a yɛazi pi na yɛanva nyiane yɛangɔnwenwe ɛleka bie.