Wulo 9:3 - BAEBOLO ANZƐƐ BULUKU NWUANZANWUANZA

³ meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

Wulo 9:3 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 29:14

na Leeban zele Gyekɔbo kɛ, “Amgba, ɛle me dehelɛ bɔkɔɔ!” Na ɔ nee ye dɛnlanle siane ko.

2 Sam 18:33

Nyane hanle belemgbunli ne kpole kpalɛ. Ɔhɔle ekpumgbunli ne mɔɔ wɔ anuhɔlɛ kpole ne ati zo la anu na ɔhɔzunle. Mɔɔ ɔkɔ kɔsɔɔti la ɛnee ɔlɛsu kɛ, “O me ra Abesalɛm, me ra, me ra Abesalɛm! Ɛnee ɛmmaa mame menwu, o me ra, me ra Abesalɛm.”

Ɛseta Buluku ne 8:6

Ɔluakɛ menrɛhola munzule kpole ɛhye mɔɔ bazi me menli ne mɔ anwo zo la anloa gyinla, yɛɛ menrɛhola me nwo sɔ kɛ megyinla meanlea, wɔ mekɛ mɔɔ bɛlɛku me menli ne amuala bɛabɔ bɛ bo zo la.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 32:32

Mebodo wɔ, fa bɛ ɛtane ne kyɛ bɛ. Saa ɛfa ɛkyɛ bɛ na ɔnrɛyɛ boɛ a, ɛnee pɛ me duma nu wɔ buluku ne mɔɔ ɛhɛlɛle ye nu la anu.”

Ɛzoanvolɛma Gyima ne 13:26

“Me mediema, Ebileham nlɔnra nee bɛdabɛ mɔɔ bɛnle Dwuuma na bɛsulo Nyamenle mɔɔ bɛwɔ ɛke la amuala, yɛmɛ yɛ ti yɛɛ bɛvale ngoanelielɛ nwo Edwɛkpa ɛhye bɛzoanle a!

Ɛzoanvolɛma Gyima ne 22:5

Sɛlɛvolɛ Kpanyinli ne nee ayia mgbanyima ne mɔ amuala di daselɛ kɛ mɔɔ melɛka la le nɔhalɛ. Menliele ngɛlata wɔ bɛ lɔ kɛ melɛ mekamaa mediema Dwuuma mɔɔ wɔ Dɛmasekɛse la. Na menzile nu kɛ mekahye menli ɛhye mɔ meagua bɛ anga na meava bɛ meara Gyɛlusalɛm, amaa bɛadea bɛ, kɛmɔ ɔfɛta la.

Ɛzoanvolɛma Gyima ne 28:21

Bɛzele ye kɛ, “Yɛmɛ yɛtɛnyianle ɛ nwo kɛlata biala vi Dwudiya, yɛɛ mediema ne mɔ biala ɛtɛbale ɛtɛbabɔle yɛ nehane amaneɛ biala mɔɔ le ɛtane wɔ ɛ nwo a.

Wulo 1:3

Edwɛkpa ɛhye fane ɔ Ra ne, mɔɔ le yɛ Awulae Gyisɛse Kelaese, mɔɔ saa nwonane nu a ɔle Devidi anlɔnra,

Wulo 11:1

Ɛnee akee mebiza kɛ, se ɛnee Nyamenle ɛkpo ye menli ne o? Ɔnle zɔhane fee! Medame, mele Yizilayɛnli, Ebileham anlɔnra mɔɔ vi Bɛngyaman abusua nu.

Wulo 11:14

amaa meawula me gɔnwo mɔ Dwuuma anyebolo, na ɔlua zo bɛalie bie mɔ ngoane.

Wulo 16:11

Mebiza me busuanli Dwuunli Hilodeɔn nee mediema mɔɔ doa Kelaese abo zo na bɛwɔ Naasesɛse abusua nu la amuala ahye.

Wulo 16:21

Me gɔnwo gyimayɛvolɛ Temɔte biza bɛ muala ahye. Luseɛse, Gyeesen, yɛɛ Sosepatɛ mɔɔ bɛdabɛ noko bɛle Dwuuma la se bɛbiza bɛ ahye.

Wulo 16:7

Me gɔnwo mɔ Dwuuma nwiɔ ne mɔɔ bɛguale yɛ muala efiade, mɔɔ le Andulonaekɛse nee Dwuniase, mebiza bɛ ahye, ɛzoanvolɛma ne mɔ ze bɛ kpalɛ kpalɛ, yɛɛ bɛdoale Kelaese abo zo kolaa na meahakyi mearayɛ Kelaese ɛdoavolɛ.

Wulo 9:2

yɛɛ ɔze nyane mɔɔ melɛdi wɔ me ahonle nu

1 Kɔl 12:3

Zɔhane ati ɔwɔ kɛ bɛnwu ye wienyi kɛ awie biala mɔɔ Nyamenle Sunsum ne wɔ ye nu la ɛngola ɛnga kɛ “Munzule ɛha Gyisɛse!” Yɛɛ awie biala noko ɛngola ɛnga kɛ “Gyisɛse le Awulae”, kyesɛ Sunsum Nwuanzanwuanza ne de ye nu.

1 Kɔl 16:22

Awie biala mɔɔ ɛngulo Awulae la, munzule ɛha ye. Yɛ Awulae, bɛla!

2 Kɔl 12:15

Ɔkɛyɛ me kɛnlɛma kɛ menwɔva mɔɔ melɛ la amuala, nee medame me sonlabaka ne menwɔboa bɛ. Na saa mekulo bɛ edwɛkɛ kpole zɛhae a, ɛnee kɛmɔti yɛɛ bɛmɛ bɛngulo me edwɛkɛ fee ɛ?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:8

Noko awie biala, saa yɛdayɛ o anzɛɛ Nyamenle soanvolɛma o, mɔɔ bɔ edwɛkpa gyɛne bie nolo ahile bɛ atia mɔɔ yɛha yɛhile bɛ dɛba la, munzule ɛha ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 1:9

Yɛha, na eza mesi zolɛ bieko kɛ awie biala mɔɔ kɛbɔ edwɛkpa gyɛne bie nolo kɛhile bɛ kɛtia mɔɔ bɛde na bɛlie bɛli la, munzule ɛha ye.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:10

Bɛdabɛ mɔɔ bɛdwenle kɛ bɛdi mɛla ne azo na bɛazɔ Nyamenle anye la ɛnwu amaneɛ. Ɔluakɛ Nyamenle Edwɛkɛ ne se, “Awie biala mɔɔ anli mɛla ne ngyehyɛlɛ ne amuala azo, kɛmɔ bɛhɛlɛ ye wɔ Nyamenle Mɛla buluku ne anu la, munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:5

Ngɛkɛlɛ, bɛva ɛzulolɛ nee anwowozolɛ bɛdie bɛ menle mɔ mɔɔ wɔ ewiade ye anu la kɛ asɛɛ bɛlɛsonle Awulae la.

Mɛla 21:23

ɔnle kɛ bɛmaa ye funli ne kenda baka ne azo aledwolɛ ne amuala. Ɔwɔ kɛ bɛye ye bɛsie ye kenle ko ne ala. Ɔluakɛ awie mɔɔ bɛkɛhenda ye bɛkɛhu ye la ɛbɔ Nyamenle anwo ebele na yeva munzule yeha azɛlɛ ne. Ɔnle kɛ bɛmaa ɔkenda ɛkɛ ne ɔsɛkye azɛlɛ ne mɔɔ Ɛdɛnkɛma bɛ Nyamenle ne bava amaa bɛ kɛ bɛ ɛdeɛ ɔ la.

1 Sam 14:24

Kenle ko ne Yizilayɛma adwenle zɛkyele, ɔluakɛ Sɔɔlo guale bɛ amonle kɛ, “Toonwo mɔɔ ɔkadwu nɔsolɛ la, awie biala mmadi debie kɔkpula kɛ menwɔli me kpɔvolɛma anwo zo konim la. Ɛdawɔ mɔɔ ɛkɛli debie la, munzule ɛha wɔ.” Yemɔti awie biala anva debie anga ɔ nloa.

1 Sam 14:44

Na Sɔɔlo zele kɛ, “Dwɔnatan, saa meammaa bɛangu wɔ a, Nyamenle ɛhu me.”