Wulo 9:29 - BAEBOLO ANZƐƐ BULUKU NWUANZANWUANZA

²⁹ Ayezaya hanle dole ɛkɛ ne bieko kɛ, “Saa Tumivolɛ Awulae angyakyi menli wɔ yɛ nzi a, yɛbayɛ kɛ Sodɔm nee Gomɔla la.”

Wulo 9:29 ပူးပေါင်းရင်းမြစ်များ

Ayezaya Buluku ne 1:10

Bɛmɛ Gyɛlusalɛmma, mɔɔ bɛyɛ kɛ Sodɔm nee Gomɔla amra la, bɛyɛ ɛnzonlɛ bɛdie Ɛdɛnkɛma edwɛkɛ ne nee ye ngilehilelɛ ne.

Ayezaya Buluku ne 1:9

Saa Tumivolɛ Ɛdɛnkɛma anvavi, angyakyi yɛ menli ekyi a anrɛɛ yɛyɛle kɛ Sodɔm nee Gomɔla la.

Ayezaya Buluku ne 13:19

Na Nyamenle bazɛkye Babelonia, maanle kɛnlɛma ne mɔɔ tɛla maanle maanle kɔsɔɔti, maanle ne mɔɔ nuhua menli fa ye tu bɛ nwo la, kɛ ɔzɛkyele Sodɔm nee Gomɔla la.

Ayezaya Buluku ne 6:13

Saa menli bulu na nuhua ko ka bɔbɔ a, bɛbayela ye kɛ oku baka mɔɔ bɛpɛ ye bɛdo na bɛyela ye dosinli ne la.” (Ma ne mɔɔ anwo te la a le dosinli ne.)

Gyɛlɛmaya Buluku ne 49:18

Ɔbayɛ kɛ mɔɔ bɛzɛkyele Sodɔm nee Gomɔla nee azuamgbole mɔɔ boka bɛ la, awie ɛnrɛdɛnla zolɛ, yɛɛ awie ɛnrɛze ɛkɛ ɛlɛ.

Gyɛlɛmaya Buluku ne 50:40

Kɛ menyɛle Sodɔm nee Gomɔla nee azua mɔɔ zuozua bɛ la, zɔhane ala a mebava meayɛ Babelonia a. Awie agyakɛ ba ɛnrɛtia ɛkɛ. Medame Ɛdɛnkɛma a mese a.

Gyɛlɛmaya Awolɛyelɛ 3:22

Ɛdɛnkɛma ɛhulolɛ kpundii ne ɛmbɔ aze, ye anwunvɔnezelɛ ne abo ɛndu ɛlɛ;

Gyɛlɛmaya Awolɛyelɛ 4:6

Me menli ne ndeanlɛ ɛyɛ kpole ɛdɛla Sodɔm ɛdeɛ ne; yemɔ, bɛzɛkyele ye arɛlevilɛ nu, tɛ sonla a zɛkyele ye a.

Emɔzo Buluku ne 4:11

“Menzɛkyele bɛ bie mɔ, kɛmɔ menzɛkyele azuamgbole Sodɔm nee Gomɔla la. Bɛdabɛ mɔɔ bɛvile ɛsalɛ la le kɛ ɛyɛne mɔɔ bɛdu bɛvi senle nu la. Noko bɛanzia bɛamba me ɛkɛ.

Zɛfanaya Buluku ne 2:6

Azɛlɛ ne mɔɔ la nyevilenloa la bayɛ ndile mɔɔ mboane didi nu, mboaneneavolɛma ɛleka mɔɔ bɛpɛ bɛ ndile, yɛɛ mboane adunli ɛleka.

Mɛla 29:23

Bɛbanwu kɛ azɛlɛ ne ɛhwie, ɛhwee ɛnfifi zolɛ, bɛnlua debie zolɛ, ndile ɛnfifi zolɛ, zolɛ le sɔlefe nee ngyenle ngome, na yeyɛ kɛ Sodɔm nee Gomɔla, Ademaa nee Zɛbɔyem mɔɔ Ɛdɛnkɛma vale ɛya zɛkyele bɛ la.

Gyemise Kɛlata ne 5:4

Bɛtɛtuale bɛ gyimayɛvoma ne mɔ mɔɔ yɛ gyima wɔ bɛ ɛya ne mɔ anu la kakɛ. Bɛdie, bɛ ahatualɛ ne mɔɔ bɛ nye fuu bɛanva bɛammaa bɛ la ati, bɛlɛsu, yɛɛ menli mɔɔ boɔboale aleɛ nloa manle bɛ la ɛzunlɛ ne ɛdwu Tumivolɛ Awulae ne anzo nu.

2 Pit 2:6

saa Nyamenle anvavi na ɔdeanle azuamgbole Sodɔm nee Gomɔla, ɔvale senle ɔzɛkyele bɛ, ɔhilele kɛ kenle bie bɛdabɛ mɔɔ bɛngulo Nyamenle la kɛzi kɛwie ye la,

Dwuudu Kɛlata ne 1:7

Bɛhakye Sodɔm nee Gomɔla, nee azua mɔɔ zuozua bɛ la, menli mɔɔ wɔ azua ɛhye mɔ azo la bɔle adwɔmane nee munzule ɛbɛla, na ɔlua zolɛ kɛkala bɛdea bɛ wɔ senle ne mɔɔ ɛnnu ɛlɛ la anu, amaa yeayɛ kɔkɔbɔlɛ yeamaa menli kɔsɔɔti.