Wulo 9:22 - BAEBOLO ANZƐƐ BULUKU NWUANZANWUANZA

²² Zɔhane ala yɛɛ Nyamenle ɛyɛ a. Ɔkpondɛ kɛ ye ɛya ne nee ye tumi ne da ali wienyi. Yemɔti ɔsi abotane kpole kpalɛ ɔnea bɛdabɛ mɔɔ ye ɛya ne wɔ bɛ nwo zo na ɔbazɛkye bɛ la.

Wulo 9:22 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:16

Ɛ bo zo amra awolɛndoazo fane nna ne azo amra bazia ara ɛke, ɔluakɛ Amɔlema amumuyɛ ne ɛtɛwiele munli di mɔɔ metea bɛ a.”

Edwɛndolɛ Buluku ne 90:11

Nwane a kɛnwu wɔ ɛya ne kpole, anzɛɛ wɔ ahonle futu a ɔnrɛzulo wɔ a?

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 9:16

Na mevavi wɔ, memaa wɔdɛnla ngoane nu kɛ mefa meahile me tumi ne, na wɔakponde me duma wɔ azɛlɛ ye kɔsɔɔti azo.

Mrɛlɛbulɛ Buluku ne 16:4

Debie biala mɔɔ Ɛdɛnkɛma ɛyɛ la gyi kpɔkɛ zo; amumuyɛnli ne bɔbɔ, ye mekɛ dwu a bɛbazɛkye ye.

Gyɛlɛmaya Awolɛyelɛ 3:22

Ɛdɛnkɛma ɛhulolɛ kpundii ne ɛmbɔ aze, ye anwunvɔnezelɛ ne abo ɛndu ɛlɛ;

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:11

Na Ɛdɛnkɛma zele Mosisi kɛ, “Fane nyɛ yɛɛ menli ɛhye mɔ kɛkpo me a? Meyɛ nwanwane ninyɛne dɔɔnwo memaa bɛ, na kenlenzu bɔbɔ yɛɛ bɛkɛlie me bɛkɛli a?

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:18

‘Medame Ɛdɛnkɛma, menva ɛya mgbane mgbane, melɛ ɛhulolɛ kpole, na mefa ɛtane nee mɛladonlɛ mekyɛ. Noko menrɛbu me nye menrɛgua zolɛ kɛ menwɔdea mralɛ nee nlɔnra toonwo ɔkɛdwu awolɛndoazo nsa nee nna ne anwo zo wɔ bɛ ze mɔ ɛtane ne mɔ ati,’ la azo.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 9:17

Ɔluakɛ Nyamenle Edwɛkɛ ne zele Yigyibiti belemgbunli kɛ, “Menyɛle wɔ belemgbunli kɛ mefa wɔ meahile me tumi mɔɔ melɛ ye, na meamaa me duma adɛlɛ azɛlɛ ye azo amuala.”

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”

Wulo 9:21

Mɔɔ nwo buakɛ la lɛ adenle fa ndɛtɛlɛ ne yɛ debie biala mɔɔ ɔdaye ɔkulo la, ɔkola ɔfa ndɛtɛlɛ ɛdɔkɛ ko ne ala ɔnwo mbuakɛ nwiɔ, ɔfa ko ɔyɛ ye debie mɔɔ le kɛnlɛma na ɔhyia ye la, na ɔfa ko ne noko ɔyɛ debie mɔɔ ɛnle kɛnlɛma na ɔ nwo ɛngyia kpalɛ biala la.

1 Tɛs 2:16

Bɛbɔle mɔdenle kɛ bɛtua yɛ mɔɔ yɛnga Edwɛkpa ne yɛngile bɛdabɛ mɔɔ bɛnle Dwuuma la, amaa bɛtie a bɛanyia ngoane. Bɛyɛle ɛhye bɛmanle bɛ ɛtane ne mɔ akee yɛle kpole. Na kɛkala, Nyamenle ɛya ne wɔ bɛ nwo zo.

1 Tɛs 5:9

Nyamenle angyehyɛ kɛ yɛranwu amaneɛ wɔ ye ɛya ne anu. Yevɛlɛ yɛ kɛ yɛralua yɛ Awulae Gyisɛse Kelaese anwo zo yɛnyia ngoane.

2 Tem 2:20

Wɔ awuke kpole biala anu, nyɛba nee dwora ngakyile dɔɔnwo wɔ ɛkɛ: bie mɔ wɔ nu mɔɔ bɛvale ezukoa nvutuke anzɛɛ dwɛtɛ fufule a bɛyɛle a, yɛɛ bie mɔ noko bɛvale baka anzɛɛ ɛva a bɛyɛle a; bie mɔ anwo hyia kpalɛ yɛɛ bie mɔ noko anwo ɛngyia biala.

1 Pit 2:8

Eza Nyamenle Edwɛkɛ ne bie se, “Ɛhye le bolɛ mɔɔ bamaa menli adu koti a; ɔle bodane mɔɔ bamaa bɛadu bɛagua a.” Bɛtu koti, ɔboalekɛ bɛnlie edwɛkɛ ne bɛnli; Nyamenle ngyehyɛlɛ ne kɛ de la ɛne.

1 Pit 3:20

Sunsum ɛhye mɔ a le bɛdabɛ mɔɔ bɛyɛle Nyamenle anwo anzosesebɛ wɔ mekɛ mɔɔ ɛnee Nyamenle ɛlɛkendɛ abotane nu ala yeamaa Nowa abobɔ ɛlɛne ne la. Bɛdabɛ ekyi ne ala, bɛle mɔtwɛ, mɔɔ ɛnee bɛwɔ ɛlɛne ne anu wɔ azule ne anye la yɛɛ bɛliele bɛ ngoane a.

2 Pit 2:3

Bɛ anyebolo ti, kilehilevolɛma alane ɛhye mɔ bava adalɛ edwɛkɛ abɛlɛbɛla bɛ anyia bɛ nwo zo nvasoɛ. Bɛbua bɛ ndɛne dɛbadɛba, na ɔla ɛkɛ ɔlɛkendɛ bɛ. Ahenle mɔɔ bazɛkye bɛ la ɛtɛdafele.

2 Pit 2:9

ɛnee Awulae ze kɛ ɔsi ɔdie menli kpalɛ ɔfi bɛ sɔnea nu na ɔsie amumuyɛma wɔ ndeanlɛ bo kɔkpula Ndɛnebualɛ Kenle ne a.

2 Pit 3:15

Bɛde ɔ bo kɛ yɛ Awulae abotane ne le ngoanelielɛ maa bɛ, kɛmɔ adiema Pɔɔlo ɛlua nrɛlɛbɛ mɔɔ Nyamenle ɛva ɛmaa ye la azo ɛhɛlɛ ɛrɛlɛ bɛ la.

Dwuudu Kɛlata ne 1:4

Ɔluakɛ menli bie mɔɔ ɛnze Nyamenle na bɛyɛ bɛ nzonlɛ bɛdo ɛkɛ dɛba kɛ bɛbazɛkye bɛ la ɛpe adenle bie azo ɛravea yɛ avinli. Menli ɛhye mɔ kakyi yɛ ɛlolɛ ne mɔɔ Nyamenle ɛva ɛlo yɛ mgbane la adwɔmanebɔlɛ, yɛɛ eza bɛkpo Gyisɛse Kelaese mɔɔ le yɛ Menle nee yɛ Awulae kokye la.