Wulo 9:21 - BAEBOLO ANZƐƐ BULUKU NWUANZANWUANZA

²¹ Mɔɔ nwo buakɛ la lɛ adenle fa ndɛtɛlɛ ne yɛ debie biala mɔɔ ɔdaye ɔkulo la, ɔkola ɔfa ndɛtɛlɛ ɛdɔkɛ ko ne ala ɔnwo mbuakɛ nwiɔ, ɔfa ko ɔyɛ ye debie mɔɔ le kɛnlɛma na ɔhyia ye la, na ɔfa ko ne noko ɔyɛ debie mɔɔ ɛnle kɛnlɛma na ɔ nwo ɛngyia kpalɛ biala la.

Wulo 9:21 ပူးပေါင်းရင်းမြစ်များ

Mrɛlɛbulɛ Buluku ne 16:4

Debie biala mɔɔ Ɛdɛnkɛma ɛyɛ la gyi kpɔkɛ zo; amumuyɛnli ne bɔbɔ, ye mekɛ dwu a bɛbazɛkye ye.

Ayezaya Buluku ne 10:15

Ɛdɛnkɛma ɛlɛbiza kɛ, “Asoo akuma baha kɛ ɔ nwo yɛ se tɛla ahenle mɔɔ ɛlɛfa ye abu baka la? Asoo sɛlada bamemaa ɔ nwo zo ahile ahenle mɔɔ ɛlɛfa ye apɛ baka la? Asoo baka anzɛɛ kpɔma kola sonla zo maa? Sonla a maa baka anzɛɛ kpɔma zo a.”

Ayezaya Buluku ne 45:9

Ɛdɛnkɛma se, “Munzule ɛha sonla ne mɔɔ nee ye Bɔvolɛ dwudwu la, ɔle kɛ buakɛ wɔ mɔɔ nwonle ye la asa anu. Asoo ndɛtɛlɛ bahola aha ahile mɔɔ ɛlɛfa ye anwo debie la kɛ, ‘Duzu a ɛlɛnwo la?’ anzɛɛ ‘Wɔ dwora ne ɛnlɛ ɔ sa?’

Ayezaya Buluku ne 64:8

Noko akee, O Ɛdɛnkɛma, wɔmɔ a ɛle yɛ ze a; yɛmɛ, yɛle ndɛtɛlɛ, yɛɛ wɔmɔ a ɛle nwovolɛ ne a; yɛ muala yɛle ɛ sa anloa gyima.

Gyɛlɛmaya Buluku ne 22:28

Na menganle kɛ, “Ɛnee Gyɛhɔyakɛn a ɛhakyi dwora ebule mɔɔ bɛkpo ye na awie ɛnva ye bieko la ɔ? Duzu ati a bɛvuandi ye nee ɔ mra bɛhɔgua ɛleka mɔɔ bɛnze la ɛ?”

Hozia Buluku ne 8:8

Yizilayɛ ɛli akoatɔ; kɛkala bɛhyɛ bɛ maanle maanle ne mɔ anu na bɛyɛ kɛ buakɛ mgbane bie la.

Ɛzoanvolɛma Gyima ne 9:15

Awulae zele ye kɛ, “Wɔmɔ kɔ, na meye ye kɛ ɔrayɛ me sonvolɛ, ɔva me duma ɔhɔ bɛdabɛ mɔɔ bɛnle Dwuuma la anu nee arelemgbunli nee Yizilayɛma kɔsɔɔti anwo zo.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Wulo 9:18

Yemɔti, Nyamenle ɔdaye ye ɛhulolɛdeɛ zo ɔse bie anwunvɔne yɛɛ ɔmaa bie noko yɛ anzosesebɛ.

Wulo 9:20

Na ayi, ɛdawɔ bɔbɔ a le nwane na wɔayeye Nyamenle anloa azo? Buakɛ ɛngola ɛmbiza mɔɔ nwonle ye la kɛ, “Duzu ati a ɛnwonle me zɛhae ɛ?”