Wulo 8:9 - BAEBOLO ANZƐƐ BULUKU NWUANZANWUANZA

⁹ Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

Wulo 8:9 ပူးပေါင်းရင်းမြစ်များ

Yizikeɛle Buluku ne 11:19

“ ‘Mebamaa bɛanyia ahonle fofolɛ na meamaa bɛ sunsum fofolɛ. Mebaye bolɛ ahonle ne wɔ bɛ nuhua na meamaa bɛ tieyɛ ahonle.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Dw 14:17

Boavolɛ zɔhane, yemɔ a le Sunsum ne mɔɔ baye nɔhalɛ ne mɔɔ fane Nyamenle anwo la ahile bɛ la. Ewiade ɛnrɛhola ɛnrɛlie ye, ɔboalekɛ ɔnrɛnwu ye yɛɛ ɔnze ye. Na bɛmɛ bɛze ye, ɔluakɛ ɔ nee bɛ a de a yɛɛ ɔde bɛ nu.

Dw 14:23

Gyisɛse buale ye kɛ, “Awie biala mɔɔ kulo me la bali me ngilehilelɛ zo. Egya bahulo ye, na me nee Egya yɛbara ɔ nwo ɛkɛ yɛ nee ye aradɛnla.

Dw 3:34

Mɔɔ Nyamenle ɛzoa ye la ka Nyamenle anloa edwɛkɛ, ɔboalekɛ Nyamenle maa ye Sunsum ne yi ye tɛkɛɛ.

Dw 3:6

Mɔɔ bɛkɛlua nwonane ne azo bɛkɛwo ye la le nwonane, yɛɛ mɔɔ bɛkɛlua Sunsum ne azo bɛkɛwo ye la le sunsum.

Ɛzoanvolɛma Gyima ne 16:7

Mɔɔ bɛdwule Mesea maanzinli ne ɛweɛne zo la bɛbɔle mɔdenle kɛ bɛkɛhɔ Baetenea maanzinli nu, na Gyisɛse Sunsum ne ammaa bɛ adenle.

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 15:23

Bɛdwazo awie biala wɔ ye mekɛ nloa: Kelaese a lumua a, na akee saa ɔdwu ye ɛralɛ bieko a bɛadwazo bɛdabɛ mɔɔ bɛle Kelaese ɛdeɛ la.

1 Kɔl 3:16

Bɛnze kɛ bɛle Nyamenle Ɛzonlenlɛ Sua na Nyamenle Sunsum ne de bɛ nu ɔ?

1 Kɔl 6:17

Mɔɔ fa ɔ nwo beta Awulae la nee ye yɛ ko wɔ Sunsum nu.

1 Kɔl 6:19

Asoo bɛnze kɛ bɛ sonlabaka ne le Sunsum Nwuanzanwuanza ne mɔɔ Nyamenle ɛva ɛmaa bɛ na ɔde bɛ nu la ɛzonlenlɛ sua? Bɛdabɛ bɛnlɛ bɛ nwo; bɛle Nyamenle ɛdeɛ.

2 Kɔl 10:7

Anrɛɛ bɛnlea ye boɛ na bɛabua. Awie wɔ ɛkɛ ne mɔɔ ɔbu ɔ nwo kɛ ɔle Kelaese ɛdeɛ a, ɛnee bɛmaa ɔdwenle nwolɛ ɔhakye kɛ saa ɔle Kelaese ɛdeɛ a, ɛnee yɛdayɛ noko yɛle Kelaese ɛdeɛ.

2 Kɔl 6:16

Duzu ngitanwo a wɔ Nyamenle Ɛzonlenlɛ Sua nee awozonle ɛzonlenlɛ sua avinli a? Yɛle tease Nyamenle ne ɛzonlenlɛ sua! Kɛ ɔdaye Nyamenle mumua ne yeha la ɛne. Ɔse, “Mebabu me awuke wɔ me maanlema avinli na me nee bɛ adɛnla; Mebayɛ bɛ Nyamenle na bɛayɛ me menli.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:22

Kɛmɔ bɛ nee Kelaese ɛyɛ ko la, bɛdabɛ noko bɛlua Nyamenle Sunsum ne azo bɛlɛsi bɛ nee menli kɔsɔɔti kɛ sua la na Nyamenle adɛnla nu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:17

na ɔlua bɛ diedi zo ɔmaa Kelaese ɛdɛnla bɛ ahonle nu. Mesɛlɛ kɛ bɛkɛgyinla kpundii wɔ ɛhulolɛ nu,

Pɔɔlo Kɛlata mɔɔ ɔhɛlɛle ɔhɔmanle Felepaema la 1:19

ɔluakɛ meze kɛ ɔlua bɛmɛ bɛ nzɛlɛlɛ nee Gyisɛse Kelaese Sunsum ne moalɛ zo mebavi efiade ɛke.

2 Tem 1:14

Sɔ nɔhalɛ ne mɔɔ ɔlua Sunsum Nwuanzanwuanza ne mɔɔ wɔ yɛ nu la tumi zo bɛva bɛwula ɛ sa nu la anu boɛ.

1 Pit 1:11

Bɛbɔle mɔdenle kɛ bɛkɛnwu sonla holɛ ko ne mɔɔ bara nee mekɛ holɛ ko ne mɔɔ ɔbava yeara la. Ɛhye a le mɔɔ ɛnee Kelaese Sunsum ne mɔɔ wɔ bɛ nu la ɛlɛkilehile bɛ na ɔka nyane mɔɔ ɔwɔ kɛ Kelaese nwu ye nee anyunlunyia mɔɔ li ɔ nzi la anwo bie ɔkile bɛ a.

1 Dw 3:24

Awie biala mɔɔ di Nyamenle mɛla ne mɔ azo la nee Nyamenle a lua a yɛɛ Nyamenle nee ye lua. Mɔɔ maa yɛnwu kɛ Nyamenle nee yɛ lua la a le Nyamenle Sunsum ne mɔɔ Nyamenle ɛva ɛmaa yɛ la.

1 Dw 4:13

Saa yɛyɛ ye zɔhane a yɛkɛnwu kɛ yɛde Nyamenle anu na ɔdaye noko ɔde yɛ nu, ɔboalekɛ yeva ɔdaye mumua ne ye Sunsum ne yemaa yɛ.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.

Yekile 20:15

Awie biala mɔɔ bɛangɛlɛ ye duma wɔ teasema buluku ne anu la, bɛvuandinle ye bɛdole senle tandane ne anu.