Wulo 8:8 - BAEBOLO ANZƐƐ BULUKU NWUANZANWUANZA

⁸ ɔboalekɛ bɛdabɛ mɔɔ bɛdi bɛ sonlabaka ne atiakunluwɔzo nzi la ɛngola ɛnzɔ Nyamenle anye.

Wulo 8:8 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Dw 3:3

Gyisɛse buale ye kɛ, “Meka nɔhalɛ meahile wɔ: awie biala ɛnrɛnwu Nyamenle Belemgbunlililɛ ne kyesɛ bɛwo ye fofolɛ.”

Dw 8:29

Eza mɔɔ zoanle me la nee me lua. Ɔtɛgyakyile me, ɔluakɛ dahuu meyɛ mɔɔ ɔkpondɛ la.”

Wulo 1:21

Bɛze Nyamenle, noko bɛnva enililɛ mɔɔ fɛta la bɛmmaa ye kɛ ɔle Nyamenle, yɛɛ bɛnva moyɛlɛ bɛmmaa ye. Adwenle mgbane mgbane yɛɛ bɛfa a, yɛɛ awozinli ɛyi bɛ adwenle ne mɔ mɔɔ nrɛlɛbɛ ɛnle nu la tetɛkɛɛ.

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Wulo 8:9

Na bɛmɛ, bɛnde bɛmmaa bɛ sonlabaka ne, na saa Nyamenle Sunsum ne wɔ bɛ nu a, ɛnee noko bɛde bɛmaa Sunsum ne. Mɔɔ ɛnlɛ Kelaese Sunsum ne bie wɔ ye nu la ɛnle Kelaese ɛdeɛ.

1 Kɔl 7:32

Mekpondɛ kɛ bɛye adwenleadwenle muala bɛfi ɛkɛ. Nrenya mɔɔ ɛngya raalɛ la dwenle Awulae gyima ne anwo, ɔluakɛ ɔbɔ mɔdenle kɛ ɔkɛzɔ Awulae anye;

Pɔɔlo Kɛlata mɔɔ ɔhɛlɛle ɔhɔmanle Felepaema la 4:18

Ahyɛlɛdeɛ biala mɔɔ bɛva bɛnwa me la me sa ɛha ye, ɔzonle somaa! Kɛkala mɔɔ me sa ɛha bɛ nwanle mɔɔ Ɛpafulodaetɛse ɛva ɛrɛlɛ me la, mengyia debie biala anwo bieko. Bɛ ahyɛlɛdeɛ ne le kɛ azubɔlɛ evuanlɛ mɔɔ Nyamenle kulo na ɔ nye sɔ ye la.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 3:20

Ngakula, bɛdie bɛ awovolɛma edwɛkɛ wɔ debie biala anu, ɔboalekɛ yemɔ a Nyamenle anye die nwolɛ a.

1 Tɛs 4:1

Awieleɛ ne, mediema, kɛmɔ bɛzukoale kɛ bɛkɛzi bɛkɛbɔ ɛbɛla kpalɛ mɔɔ sɔ Nyamenle anye la bɛvile yɛ ɛkɛ ne la, zɔhane ala yɛɛ bɛyɛ a. Na kɛkala yɛlua Awulae Gyisɛse duma nu yɛsɛlɛ bɛ kɛ bɛyɛ ye molozo.

Kɛlata mɔɔ bɛhɛlɛle bɛhɔmanle Hibuluma la 13:16

Bɛmmamaa bɛ rɛle fi kɛ bɛkɛyɛ kpalɛ na bɛkɛboa bɛ nwo ngoko ngoko, ɔboalekɛ ɛhye a le azubɔlɛ mɔɔ sɔ Nyamenle anye a.

Kɛlata mɔɔ bɛhɛlɛle bɛhɔmanle Hibuluma la 13:21

ɛmaa bɛ sa ɛha debie biala mɔɔ le kpalɛ la. Nyamenle ɛmaa bɛhola bɛyɛ mɔɔ ɔkulo la, na ɔlua Gyisɛse Kelaese anwo zo ɔva bɛ ɔyɛ gyima mɔɔ sɔ ɔ nye la. Anyunlunyia ɛha Kelaese dahuu! Amen.

1 Dw 3:22

Debie biala mɔɔ yɛkɛbiza ye la, yɛ sa ka ye, ɔluakɛ yɛdi ye mɛla ne mɔ azo na yɛyɛ mɔɔ sɔ ɔ nye la.