Wulo 8:39 - BAEBOLO ANZƐƐ BULUKU NWUANZANWUANZA

³⁹ yɛɛ tumi anzɛɛ debie biala ɛnle ewiade ye anu, anwuma anzɛɛ azɛlɛ ti anu, anzɛɛ ewiade ye anu debie biala ɛnle ɛkɛ mɔɔ kɛhola kɛkpɔkye yɛ kɛvi Nyamenle ɛhulolɛ ne mɔɔ ɔlua yɛ Awulae Kelaese Gyisɛse anwo zo yɛnyia ye la anwo.

Wulo 8:39 ပူးပေါင်းရင်းမြစ်များ

Edwɛndolɛ Buluku ne 64:6

Nwane a kɛnwu yɛ maamɔvo ɛbɛla ye anzi a? Yɛdwenle yɛbɔ amumuyɛ nrɛlɛbɛ kpɔkɛ.” Ɔluakɛ sonla biala adwenle nee ye ahonle nu le kuma!

Mrɛlɛbulɛ Buluku ne 20:5

Sonla adwenle mɔɔ wɔ ɔ ti anu la le kɛ azule buma, mɔɔ lɛ ndelebɛbo la baza bie.

Sɔlɔmɔn Edwɛne 3:4

Mevi bɛ nwo ɛkɛ ne ala la, menwunle me kulovolɛ ne. Menzɔle ye kɛ menrɛmaa ɔnrɛhɔ, kɔkpula kɛ me nee ye ɛhɔ ɔmɔ sua nu, ekpumgbunli ne mɔɔ bɛwole me nu la anu.

Ayezaya Buluku ne 10:33

Bɛnlea, Awulae, Tumivolɛ Ɛdɛnkɛma bava tumi kpole aha bɛ agua kɛ bɛdwɔlɔdwɔlɔ baka ngane la. Mɔɔ ɛnyi tendenle kpalɛ la, ɔbapɛ ye yeado na yeaha mɔɔ memaa ɔ nwo zo la aze.

Ayezaya Buluku ne 24:21

Mekɛ zɔhane Ɛdɛnkɛma badea anwuma tumivolɛma wɔ anwuma lɔ na yeadea azɛlɛ ye azo arelemgbunli wɔ aze ɛke.

Daneɛle Buluku ne 4:11

Baka ne nyinle toonwo ɔyɛle kpole kpalɛ, ɔ ti dwule Nyamenle ne ako abo lɔ mɔɔ aleɛabo amra amuala nwu ye la.

Edwɛkpa ne kɛmɔ Mateyu hɛlɛle la 24:24

Ɔluakɛ Mɛzayama adalɛ nee Nyamenle kpɔmanvolɛma alane dɔɔnwo bara; bɛbayɛ nwanwane ninyɛne mgbole mɔɔ yɛ ɛzulolɛ la dɔɔnwo, na saa bɛyɛ na ɔkɛyɛ boɛ a, bɛava bɛabɛlɛbɛla Nyamenle menli ne mɔɔ di munli bɔbɔ la na bɛaminli menli dɔɔnwo diedi.

Dw 16:27

ɔluakɛ Selɛ ne ɔdaye ɔkulo bɛ. Ɔkulo bɛ ɔluakɛ bɛkulo me na bɛlie bɛli kɛ mevi Nyamenle anwo lɔ a membale a.

Dw 17:26

Mela wɔ ali mehile bɛ na mebahɔ zo meayɛ ye zɔhane, amaa ɛhulolɛ ne mɔɔ ɛlɛ ye me nwo la adɛnla bɛ nu, na medame noko meadɛnla bɛ nu.”

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Wulo 1:7

Zɔhane ati melɛkɛlɛ kɛlata ɛhye mearɛlɛ bɛdabɛ mɔɔ Nyamenle kulo bɛ na yevɛlɛ bɛ kɛ bɛrayɛ ye menli na bɛwɔ Wulomu la amuala. Yɛ Ze Nyamenle ne nee Awulae Gyisɛse Kelaese ɛlo bɛ na ɔmaa bɛ anzonudwolɛ.

Wulo 11:33

Nyamenle anwonyia le kpole. Ye nrɛlɛbɛ nee ye adwenle le kpole bo zolɛ. Nwane a kɛhola kɛde ye kpɔkɛ mɔɔ ɔkɛbɔ la abo a?

Wulo 5:8

noko Nyamenle ɛhile kɛ ɔsi ɔkulo yɛ la, na yemɔ a le kɛ, mɔɔ ɛnee yɛtɛda nwo yɛtɛde ɛtaneyɛlɛma la, Kelaese wule manle yɛ!

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

Wulo 8:35

Nwane a kɛhola kɛhwe yɛ kɛvi Kelaese ɛhulolɛ ne anwo a? Amaneɛnwunlɛ anzɛɛ anwongyelelɛ, kpɔdekpɔdeyɛlɛ anzɛɛ ɛhɔne, ehyia, anwubɛnyunlu anzɛɛ ewule?

2 Kɔl 11:3

Noko mesulo kɛ, kɛmɔ ɛwɔlɛ ne vale adalɛ nrɛlɛbɛ bɛlɛbɛlale Yivi la, zɔhane ala yɛɛ bɛbazɛkye bɛ adwenle a, amaa bɛahwe bɛ nwo bɛavi Kelaese ɛzonlenlɛ kpalɛ ne mɔɔ di munli la anwo.

2 Kɔl 2:11

amaa Seetan anli yɛ nwo zo konim, ɔluakɛ yɛze ye ndenle ne mɔ amuala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:4

Nyamenle kpale nu yele yɛ ziele ɛkɛ manle Kelaese kolaa na yeabɔ ewiade, amaa yɛ nwo ade nwuanzaanwu mɔɔ fɔlɛlilɛ biala ɛnle yɛ nu wɔ ɔ nyunlu a. Ɔlua ye ɛhulolɛ ne ati

Pɔɔlo Kɛlata mɔɔ ɔhɛlɛle ɔhɔmanle Felepaema la 3:12

Menga kɛ meho medɔ zo anzɛɛ meli munli. Metɛbɔ mɔdenle kɛ me sa kɛha ahyɛlɛdeɛ ne mɔɔ yemɔti Kelaese Gyisɛse ɛva ɔ sa ɛdo me nwo zo la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:3

Yɛmɛ a yɛnyia nɔhalɛ mrenyanu nzonlɛyɛlɛ ne a, na tɛ bɛmɛ ɔ, ɔluakɛ yɛdua Nyamenle Sunsum ne azo a yɛsonle a, na yɛdi fɛlɛko kɛ yɛnyia Kelaese Gyisɛse wɔ yɛ ɛbɛla nu. Yɛnva yɛ rɛle yɛnwula ewiade amaamuo nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:8

Tɛ ɛhye mɔ angome, na ɛnwunlɛ mumua ne mɔɔ menwu Awulae Gyisɛse Kelaese la sonle bolɛ maa me tɛla debie biala. Ɔlua ɔ ti mevuandi debie biala megua; mebu bɛ kɛ fovolɛ zo ewula la, amaa Kelaese ayɛ me ɛdeɛ,

2 Tɛs 2:4

Saa ɔba a ɔbatia debie biala nee nyamenle biala mɔɔ menli sonle la. Ɔbavo yeagyinlegyinla bɛ bati, yeahɔdɛnla aze wɔ Nyamenle Ɛzonlenlɛ Sua ne anu na yeavɛlɛ ɔ nwo kɛ ɔdaye a ɔle Nyamenle a.

1 Dw 4:16

Yɛdayɛ mumua ne yɛze, yɛɛ yɛdie yɛdi kɛ Nyamenle kulo yɛ. Nyamenle le ɛhulolɛ, yemɔti awie biala mɔɔ lɛ ɛhulolɛ la nee Nyamenle de, yɛɛ Nyamenle nee ye de.

1 Dw 4:19

Yɛkulo Nyamenle, ɔboalekɛ ɔlumuale ɔhulole yɛ.

Yekile 12:9

Bɛvuandinle nane anwo ɛzulolɛ ne mɔɔ le kɛ ɛlɛnrɛne la bɛdole azɛlɛ ye azo. Yemɔ a le mɔmoane ɛwɔlɛ ne mɔɔ bɛfɛlɛ ye Abɔnsam anzɛɛ Seetan, mɔɔ ɛbɛlɛbɛla ewiade amra amuala la. Bɛvuandinle ye soanvolɛma ne mɔ noko bɛguale azɛlɛ ye azo.

Yekile 13:14

Ɔluale ngonyia ɛhye mɔ mɔɔ bɛmanle ye adenle bɛmanle ɔluale alumua nane ne anwo zo ɔyele la azo ɔbɛlɛbɛlale menli mɔɔ wɔ ewiade la amuala. Nane ɛhye mɔɔ tɔ zolɛ nwiɔ la zele menli kɔsɔɔti kɛ bɛyɛ ananze mɔɔ zɔho nane ne mɔɔ bɛbɔle ye hanlɛ kpole noko ɔtɛte ngoane nu la.

Yekile 19:20

Bɛhyele nane ne, nee ye kpɔmanvolɛ alane ne mɔɔ ɛlua ngonyiayelɛ zo ɛbɛlɛbɛla bɛdabɛ mɔɔ bɛlɛ nane ne nzonlɛ wɔ bɛ nwo nee bɛdabɛ mɔɔ bɛsonle ye ananze ne la. Bɛvuandinle bɛ mu nwiɔ anyewɔzo bɛguale sendɔlɔra tandane ne mɔɔ lɛ sɔlefa ɛlɛsɔ la anu.

Yekile 2:24

“Bɛdabɛ noko mɔɔ bɛha, mɔɔ bɛwɔ Tayataela, mɔɔ bɛanli ngilehilelɛ ɛtane zɛhae anzi, bɛanzukoa mɔɔ ɔyɛ a bie mɔ fɛlɛ ye ‘Seetan ngonyia’ la, bɛmɛ yɛɛ meka meahile bɛ kɛ, menrɛva ɛzonle kpole biala menrɛzoa bɛ.

Yekile 20:3

Nyamenle soanvolɛ ne vuandinle ye dole azɛlɛ kuma ne mɔɔ ɛnlɛ ɔ bo la anu, ɔhanle kuma ne ɔnwinle nwolɛ, na ɔzɔle ɔ nloa, amaa yeangola finde na yeabɛlɛbɛla maanle maanle bieko kyesɛ ɛvolɛ apenle ko ne pɛ nuhua. Ɛhye anzi bɛbazianyi ye mekɛ ekyi bie anu bɛamaa yealuolua.

Yekile 20:7

Ɛvolɛ apenle ne anzi, bɛbaye Seetan bɛavi efiade ne,