Wulo 8:32 - BAEBOLO ANZƐƐ BULUKU NWUANZANWUANZA

³² Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Wulo 8:32 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 22:12

Ɛdɛnkɛma soanvolɛ ne zele ye kɛ, “Mmafa ɛ sa ɛka kakula ne anzɛɛ mmayɛ ye debie. Ɔluakɛ kɛkala, menwu kɛ ɛsulo Nyamenle, ɔboalekɛ wɔanva ɛ ra kokye ne wɔanyɛ me abokɛ.”

Edwɛndolɛ Buluku ne 84:11

Ɔluakɛ Ɛdɛnkɛma Nyamenle ne le sɛnzɛne nee enyinlike, ɔdaye a ɔmaa ɛlolɛ nee enililɛ a. Ɛdɛnkɛma ɛnva debie kpalɛ biala ɛnvea bɛdabɛ mɔɔ bɛle tenlenema la.

Ayezaya Buluku ne 53:10

Ɛdɛnkɛma se, “Noko ɔle me ɛhulolɛ kɛ bɛkɛbodɛboda ye, na ɔkɛnwu amaneɛ dɔɔnwo; na ɔkɛva ɔ nwo ɔkɛbɔ azu ɔkɛmaa ɛtane. Ɔbanyi yeahyɛ na yeanwu ɔ bo zo amra, na ɔlua ɔ nwo zo Ɛdɛnkɛma ɛhulolɛ ne ali munli.

Edwɛkpa ne kɛmɔ Mateyu hɛlɛle la 3:17

Na ɛnelɛ bie vi anwuma zele kɛ, “Ɛhye a le me Ra mɔɔ mekulo ye la. Me nye die ɔ nwo kpole.”

Edwɛkpa ne kɛmɔ Mateyu hɛlɛle la 7:11

Na saa bɛmɛ mɔɔ bɛle ɛtanevolɛma la bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ bɛ Ze mɔɔ wɔ anwuma la ɛnrɛva ninyɛne kpalɛ ɛnrɛmaa bɛdabɛ mɔɔ bɛbiza ye la ɛ?

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Wulo 11:21

Ɔluakɛ saa Nyamenle anvavi Dwuuma ne mɔɔ le kɛ baka ne ɔdaye ye ngane ne mɔ la a, ɛnee ɔnrɛvavi bɛdabɛ noko.

Wulo 4:25

Bɛyele Gyisɛse bɛmanle ɔwule wɔ yɛ ɛtane ti na bɛdwazole ye bɛrale ngoane nu, amaa bɛalie yɛ kɛ yɛsɔ Nyamenle anye.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Wulo 8:28

Yɛze kɛ wɔ debie biala anu, Nyamenle maa debie biala yɛ kpalɛ maa bɛdabɛ mɔɔ bɛkulo ye la, meka bɛdabɛ mɔɔ yevɛlɛ bɛ, kɛmɔ ye ngyehyɛlɛ ne de la.

1 Kɔl 2:12

Tɛ ewiade ɛhye anu sunsum a yɛnyia ye a. Sunsum ne mɔɔ vi Nyamenle ɛkɛ ne la a yɛnyia ye a, amaa yɛanwu ninyɛne mɔɔ Nyamenle ɛva ɛlo yɛ la amuala.

2 Kɔl 4:15

Ɛhye mɔ amuala lua bɛmɛ bɛ ti, amaa mɔɔ Nyamenle ɛlolɛ ne ɛlɛtɛlɛ ahɔ menli dɔɔnwo anwo zo la, bɛava moyɛlɛ bɛawula Nyamenle anyunlunyia.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

2 Kɔl 6:10

Saa bɛbɔ yɛ rɛle a, yɛ nye die yɛ nwo dahuu; ɔzɔho kɛ yɛle ehyianvolɛma, noko yɛyɛ menli dɔɔnwo sukoavolɛma; ɔzɔho kɛ yɛnlɛ bie, noko nɔhalɛ, yɛlɛ debie biala.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.