Wulo 8:31 - BAEBOLO ANZƐƐ BULUKU NWUANZANWUANZA

³¹ Saa ɔle zɛhae ɛdeɛ a, ɛnee akee kɛ yɛzi yɛha ye ɛ? Saa Nyamenle gyi yɛ nzi a nwane a kɛhola yɛ a?

Wulo 8:31 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:1

Ɛhye mɔ anzi, Ebilam dele Ɛdɛnkɛma edwɛkɛ ne wɔ ɛnyelɛzodeɛnwunlɛ nu kɛ, “Ebilam, mmasulo, na mebabɔ ɛ nwo bane. Wɔ ahatualɛ bayɛ kpole kpalɛ.”

1 Arl 8:57

Ɛdɛnkɛma yɛ Nyamenle ne nee yɛ ɛlua, kɛmɔ ɔ nee yɛ ze mɔ luale la; ɔmmagyakyi yɛ yɛɛ ɔmmakpo yɛ.

2 Arl 6:16

Yilaehya zele ye kɛ, “Mmasulo, ɛlɔnema mɔɔ nee yɛ lua la zonle tɛla bɛ.”

1 Edk 19:15

Mɔɔ Amɔnoma nwunle kɛ Seleama ɛgua ndwɛlɛ aze la, bɛnriandile Abehyae na bɛziale bɛhɔle bɛ suakpole ne azo. Na Dwowabe nee ye ɛlɔnema ziale hɔle Gyɛlusalɛm.

1 Edk 5:22

Bɛhunle bɛ kpɔvolɛma ne anu dɔɔnwo, ɔboalekɛ ɛnee konle ne le Nyamenle konle. Na bɛdɛnlanle maanle zɔhane anu toonwo ɔhɔdwule mekɛ mɔɔ bɛhyele Yizilayɛma nuokɛ bɛhɔle nlɔnu la.

Edwɛndolɛ Buluku ne 118:6

Ɛdɛnkɛma wɔ me afoa, menzulo. Duzu a sonla kɛhola kɛyɛ me a?

Edwɛndolɛ Buluku ne 46:11

Tumivolɛ Ɛdɛnkɛma nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 46:7

Tumivolɛ Nyamenle ne nee yɛ de; Gyekɔbo Nyamenle ne le yɛ ɛvealeka.

Edwɛndolɛ Buluku ne 56:11

Nyamenle ne mɔɔ me rɛle wɔ ye nu la, mewɔ ye nu a menzulo. Duzu yɛɛ sonla kɛhola kɛyɛ me a?

Edwɛndolɛ Buluku ne 56:4

Nyamenle ne mɔɔ ye edwɛkɛ ti meye ye ayɛlɛ la, me rɛle wɔ ye nu a menzulo, Duzu a sonla kɛhola kɛyɛ me a?

Edwɛndolɛ Buluku ne 56:9

Saa mekɛ dwu na mefɛlɛ wɔ a, me kpɔvolɛma bagua ye bɛ nzi. Meze ɛhye, ɔboalekɛ Nyamenle gyi me nzi.

Ayezaya Buluku ne 41:10

Bɛmmasulo, ɔluakɛ me nee bɛ lua; bɛmmamaa bɛ ahonle tu, medame a mele bɛ Nyamenle a. Mebamaa bɛ anwosesebɛ, mebaboa bɛ, mebava me konimlilɛ tumi ɛsalɛ ne meazɔ bɛ.

Ayezaya Buluku ne 54:17

noko akodeɛ biala mɔɔ bɛyɛ bɛatia wɔ la ɛnrɛyɛ kpalɛ ɛlɛ; yɛɛ awie biala mɔɔ kɛva edwɛkɛ kɛdo ɛ nwo zo la, ɛbaha wɔado ɔ nwo zo. Ɛdɛnkɛma sonvolɛma agyadeɛ, nee bɛ ti mɔɔ medie la a le ɛhye. Medame Ɛdɛnkɛma a mese a.”

Ayezaya Buluku ne 8:10

Bɛyia nu bɛva adwenle, noko ɔnrɛyɛ boɛ; bɛbɔ nu bɛbɔ kpɔkɛ, noko ɔnrɛyɛ boɛ, ɔluakɛ Nyamenle nee yɛ de.

Gyɛlɛmaya Buluku ne 1:19

Bɛbaho bɛatia wɔ, na bɛnrɛhola wɔ, ɔluakɛ me nee wɔ lua kɛ medie ɛ ti. Medame Ɛdɛnkɛma a mese a.”

Gyɛlɛmaya Buluku ne 20:11

Na Ɛdɛnkɛma gyi me nzi, ɔle konle nu katakyie, yemɔti menli mɔɔ yɛ me kpɔdekpɔde la badu agua, bɛnrɛhola me nwo zo fo. Bɛ nzuzulɛ ɛnrɛyɛ ɛkɛ, bɛ nyunlu bagua aze kpole, na bɛ rɛle ɛnrɛvi bɛ anyiemgba ɛbɔlɛ ne ɛlɛ.

Gyɛlɛmaya Buluku ne 42:11

Bɛmmasulo Babelonia belemgbunli ne mɔɔ bɛsulo ye la bieko. Bɛmmasulo ye, ɔluakɛ medame Ɛdɛnkɛma, me nee bɛ lua yɛɛ mebalie bɛ meavi ɔ sa nu.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 14:9

Bɛmmate Ɛdɛnkɛma anwo atua; yɛɛ bɛmmasulo menli mɔɔ de azɛlɛ ne azo la, ɔluakɛ bɛnle ɛhwee wɔ yɛ nye zo. Bɛ nwo banebɔlɛ ne ɛbubu, yɛɛ Ɛdɛnkɛma nee yɛ lua; bɛmmasulo, yɛbaza bɛ yɛalie bɛ debie biala.”

Edwɛkpa ne kɛmɔ Mateyu hɛlɛle la 1:23

“Bɛlɛra mɔɔ ɛnze nrenya la banrenzɛ awo ralɛ nrenya na bɛbavɛlɛ ye Yemanoɛle.” (Ɔ bo a le “Nyamenle nee yɛ de.”)

Wulo 3:5

Saa yɛ nyɛleɛ ɛtane ɛtane ne mɔ maa yɛnwu Nyamenle pɛlepɛlelilɛ ne wienyi a, ɛnee kɛ yɛse ɛ? Saa yɛyɛ ɛtane na Nyamenle tea yɛ a, ɛnee Nyamenle ɔdaye yeyɛ ɛtane ɔ? (Melɛtendɛ kɛ sonla ala la.)

Wulo 4:1

Ɛnee akee Ebileham, mɔɔ le azɛlɛ ye azo yɛ nlenya la, duzu a yɛka ye wɔ ɔ nwo a? Ye ɛbɛla ɛbɔlɛ ne a le boni?

Mɛla 33:29

Yizilayɛma, nyilalɛ ɛha bɛ! Nwane mɔ bɔbɔ a le kɛ bɛdabɛ a? Bɛmɛ mɔɔ Ɛdɛnkɛma ɛlie bɛ, yebɔ bɛ nwo bane, na ɔle bɛ dadeɛ bɛfa bɛdi konim a. Bɛ kpɔvolɛma badu agua bɛ nyunlu, na bɛatietia bɛ nwo zo.

Dwɔhyua Buluku ne 10:42

Dwɔhyua lile arelemgbunli ɛhye mɔ amuala anwo zo konim, ɔvale bɛ azɛlɛ ne, ɔboalekɛ Ɛdɛnkɛma, Yizilayɛ Nyamenle ne, honle manle Yizilayɛma.

1 Dw 4:4

Me mra ngakula, bɛmɛ bɛle Nyamenle ɛdeɛ, na bɛli Nyamenle kpɔmanvolɛma adalɛ ɛhye mɔ anwo zo konim, ɔluakɛ sunsum ne mɔɔ wɔ bɛ nu la le kpole tɛla sunsum ne mɔɔ wɔ ɛtane ewiade ye amra anu la.

1 Sam 14:6

Dwɔnatan zele kpavolɛ ne mɔɔ soa ye konle ninyɛne ne la kɛ, “Maa yɛhɔ menli ne mɔɔ ɛnze Nyamenle la azokoɛleɛ lɔ; ɔkɛyɛ kɛ Ɛdɛnkɛma bayɛ gyima ne amaa yɛ, ɔluakɛ kanzɛ yɛanzo bɔbɔ a, debie biala ɛnle ɛkɛ mɔɔ kola tua Ɛdɛnkɛma adenle mɔɔ ɔnrɛmaa ɔnrɛlie yɛ a.”