Wulo 8:29 - BAEBOLO ANZƐƐ BULUKU NWUANZANWUANZA

²⁹ Bɛdabɛ mɔɔ Nyamenle ɛkpa nu ɛye bɛ la, yeva bɛ yezie ahane kɛ bɛbayɛ kɛ ɔ Ra ne la, amaa Ralɛ ne ayɛ mediema dɔɔnwo adiema kpanyinli.

Wulo 8:29 ပူးပေါင်းရင်းမြစ်များ

Edwɛndolɛ Buluku ne 1:6

Ɛdɛnkɛma ze pɛlepɛlelilɛnli adenle; amumuyɛnli adenle fa ye kɔ munzule nu.

Edwɛndolɛ Buluku ne 89:27

Na mebayɛ ye me ra mɔɔ lumua, mɔɔ le belemgbunli mɔɔ bo arelemgbunli muala anwo azo wɔ azɛlɛ ye azo a.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:12

Mosisi hanle hilele Ɛdɛnkɛma kɛ, “Nɔhalɛ, wɔze me kɛ, ‘Di menli ɛhye ati fa bɛ kɔ azɛlɛ zɔhane azo’ noko ahenle mɔɔ baboka me la, ɛtɛkanle. Wɔze me kɛ ɛze me kpalɛ kpalɛ, yɛɛ eza mezɔ ɛ nye.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 33:17

Na Ɛdɛnkɛma zele Mosisi kɛ, “Edwɛkɛ kpɔkɛ ko ɛhye mɔɔ wɔha la ati, me nee bɛ bahɔ, ɔluakɛ meze wɔ kpalɛ kpalɛ, yɛɛ wɔzɔ me nye.”

Gyɛlɛmaya Buluku ne 1:5

“Mekabɔ wɔ meado ɛ nli akunlu la ɛnee meze wɔ, yɛɛ bɛkawo wɔ la ɛnee mekpa nu meye wɔ, na meyɛ wɔ maanle maanle Nyamenle kpɔmanvolɛ.”

Edwɛkpa ne kɛmɔ Mateyu hɛlɛle la 12:50

Awie biala mɔɔ yɛ mɔɔ me Ze mɔɔ wɔ anwuma la kpondɛ la le me diema nrenya, me diema raalɛ, nee me nli.”

Edwɛkpa ne kɛmɔ Mateyu hɛlɛle la 25:40

Na mebabua bɛ kɛ, ‘Nɔhalɛ, meka meahile bɛ kɛ, suzuamgba ala mɔɔ bɛyɛle ɛhye mɔ bɛmanle me mediema ɛhye mɔ mɔɔ anwo ɛngyia la anu bie la, bɛyɛle bɛmanle me.’

Edwɛkpa ne kɛmɔ Mateyu hɛlɛle la 28:10

Gyisɛse zele bɛ kɛ, “Bɛmmasulo; bɛhɔze me mediema ne mɔ kɛ bɛhɔ Galeli, na ɛkɛ ne yɛɛ bɛkɛnwu me a.”

Edwɛkpa ne kɛmɔ Mateyu hɛlɛle la 7:23

Na mebaze bɛ kɛ, ‘Menze bɛ. Bɛvi ɛkɛ ne bɛhɔ. Nindavoma!’

Dw 17:16

Kɛmɔ menle ɛtane ewiade ɛdeɛ la, bɛdabɛ noko bɛnle ye ɛdeɛ.

Dw 17:19

yɛɛ ɔlua bɛ ti medu me nwo memaa wɔ, amaa bɛdabɛ noko bɛadu bɛ nwo nɔhalɛ nu bɛamaa wɔ.

Dw 17:26

Mela wɔ ali mehile bɛ na mebahɔ zo meayɛ ye zɔhane, amaa ɛhulolɛ ne mɔɔ ɛlɛ ye me nwo la adɛnla bɛ nu, na medame noko meadɛnla bɛ nu.”

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Wulo 11:2

Nyamenle ɛtɛkpole ye menli ne mɔɔ mɔlebɛbo ne amuala ɔkpale nu ɔyele bɛ la. Se bɛze Nyamenle Edwɛkɛ ne ɛleka mɔɔ kile kɛ ɛnee Yelaegya ɛlɛsɛlɛ Nyamenle atia Yizilayɛma la?

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 9:23

Eza noko ɔkulo kɛ ye anyunlunyia ne da ɛkɛ, na ɔwola ɔgua yɛdayɛ mɔɔ ɔwɔ kɛ ɔnwu yɛ anwunvɔne, na yeziezie yɛ kɛ yɛnyia ye anyunlunyia ne la anwo zo.

1 Kɔl 15:49

Kɛmɔ yɛle kɛ sonla ne mɔɔ Nyamenle vale ndɛtɛlɛ bɔle ye la, zɔhane ala yɛɛ yɛbayɛ kɛ sonla ne mɔɔ vi anwuma rale la a.

1 Kɔl 2:7

Nrɛlɛbɛ ne mɔɔ yɛbɔ ye nolo la le Nyamenle nrɛlɛbɛ mɔɔ vea na menli ɛnze a. Nyamenle vale ziele yɛ ɛkɛ dɛba kolaa na yeabɔ ewiade ye kɛ ɔbava yeade yɛ nyunlu.

1 Kɔl 8:3

Awie mɔɔ kulo Nyamenle la, Nyamenle ze ye.

2 Kɔl 3:18

Bɛye yɛ muala yɛ nyunlu ndanlɛ ne mɔ a Awulae anyunlunyia ne bada alielie yɛ nyunlu. Anyunlunyia ɛhye mɔɔ vi Awulae, mɔɔ le Nyamenle Sunsum ne ɛkɛ la ɛlɛkakyihakyi yɛ yeamaa yɛayɛ ye sɔhovolɛ wɔ anyunlunyia mɔɔ bo zolɛ la anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:11

Debie biala mɔɔ Nyamenle yɛ la gyi ɔdaye ye ngyehyɛlɛ nee ye kpɔkɛ mɔɔ yebɔ la azo, na kɛmɔ mɔlebɛbo ne ɔdaye ɔhyehyɛle la, yelua yɛ nee Kelaese yɛ koyɛlɛ ne azo yekpa nu yeye yɛ kɛ yɛle ye ɛdeɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:24

Bɛva bɛ su fofolɛ ne mɔɔ Nyamenle ɛbɔ ye kɛ ɔdaye ye ɛsaso na ɔkile ɔ nwo wɔ nɔhalɛ ɛbɛla mɔɔ tenrɛ na ɔle nwuanzaanwu la anu la bɛwula.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:21

Na ɔbalua tumi ne mɔɔ maa ɔkola ɔfa ninyɛne kɔsɔɔti ɔbawula ɔ bo la azo yeahakyi yɛ nwonane wulera ɛhye yeayɛ ye kɛ ye anyunlunyia nwonane ɛdeɛ ne la.

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

2 Tem 1:9

Ɔliele yɛ ngoane na ɔvɛlɛle yɛ kɛ yɛrayɛ ye menli, tɛ yɛ gyima mɔɔ yɛyɛ la ati ɔ, na ɔlua ɔdaye ye bodane nee ye ɛlolɛ ti. Ɔluale Kelaese Gyisɛse anwo zo ɔvale ɛlolɛ ɛhye ɔmanle yɛ ɔvi aloamɔleɛ,

2 Tem 2:19

Noko adiabo ne mɔɔ Nyamenle ɛwula la gyi kpundii, na bɛhɛlɛ nwolɛ kɛ, “Awulae ze bɛdabɛ mɔɔ bɛle ye ɛdeɛ la,” yɛɛ “Ɔwɔ kɛ awie biala mɔɔ bɔ Awulae duma kɛ ɔle Awulae la twe ɔ nwo fi ɛtane nwo.”

1 Pit 1:2

Nyamenle Selɛ ne luale ye bodane ne azo kpale nu yele bɛ na ɔluale ye Sunsum ne azo ɔyɛle bɛ menli mɔɔ anwo te la, kɛ bɛyɛ tieyɛ bɛmaa Gyisɛse Kelaese na ye mogya ne ade bɛ nwo. Nyamenle ɛlo bɛ na ɔmaa bɛ anzonudwolɛ molozo.

1 Pit 1:20

Nyamenle vale ye ziele ɛkɛ dɛba kolaa na bɛabɔ ewiade, yɛɛ bɛmɛ bɛ ti bɛye ye bɛhile wɔ mekɛ ye mɔɔ li amozi la anu a.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

Yekile 13:8

Menli mɔɔ wɔ ewiade la amuala bazonle ye. Bɛdabɛ mɔɔ bɛangɛlɛ bɛ aluma wɔ Boaneralɛ ne mɔɔ bɛhunle ye la ngoane buluku ne anu kolaa na bɛabɔ ewiade la a bazonle ye a.