Wulo 8:25 - BAEBOLO ANZƐƐ BULUKU NWUANZANWUANZA

²⁵ Saa yɛmaa yɛ nye da debie mɔɔ yɛ nye ɛngyi nwolɛ la azo a, yɛɛ yɛfa abotane yɛkendɛ ye ɛnyianlɛ a.

Wulo 8:25 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 49:18

“O Ɛdɛnkɛma, melɛkendɛ wɔ ngoanelielɛ ne.

Edwɛndolɛ Buluku ne 27:14

Fa ɛ rɛle wula Ɛdɛnkɛma anu; mia ɛ nwo na si wɔ ahonle, ɛhɛe, fa ɛ rɛle wula Ɛdɛnkɛma anu.

Edwɛndolɛ Buluku ne 62:1

Nyamenle ala yɛɛ me ɛkɛla yɛ koonwu kendɛ ye a, ye ɛkɛ ne yɛɛ me ngoanelielɛ vi ba a.

Ayezaya Buluku ne 25:9

Mekɛ ne anu bɛbaha kɛ, “Bɛnlea, yɛ Nyamenle ne ɛne, yɛhendɛ ye, amaa yealie yɛ ngoane. Ɛdɛnkɛma ɛne, yɛhendɛ ye; bɛmaa yɛ nye ɛlie na yɛli fɛlɛko wɔ ye ngoanelielɛ ne ati.”

Ayezaya Buluku ne 26:8

Wɔ wɔ ndɛnebualɛ adenle nu yɛɛ yɛlɛkendɛ wɔ a, O Ɛdɛnkɛma; mɔɔ yɛkpondɛ la a le wɔ duma ne ɛhakyelɛ.

Edwɛkpa ne kɛmɔ Luku hɛlɛle la 21:19

Bɛgyinla kpundii, na bɛkɛnyia ngoane.”

Edwɛkpa ne kɛmɔ Luku hɛlɛle la 8:15

Ma ne mɔɔ guale azɛlɛ kpalɛ zo la a le bɛdabɛ mɔɔ saa bɛtie edwɛkɛ ne a bɛsɔ nu kpundii wɔ ahonle kpalɛ nu, na bɛfa abotane bɛyɛ tieyɛ bɛgyinla kpundii kɔkpula kɛ bɛkɛzo ma la.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

Kɔlɔ 1:11

Yɛsɛlɛ kɛ Nyamenle ɛva ye anyunlunyia tumi ne ɛwula bɛ anwosesebɛ, amaa bɛava abotane nee anyelielɛ bɛagyinla debie biala anloa,

1 Tɛs 1:3

Ɔluakɛ saa yɛkɔ yɛ Nyamenle ne nee yɛ Ze ne anyunlu a, yɛkakye kɛ bɛzile bɛhilele bɛ diedi na bɛ ɛhulolɛ manle bɛyɛle gyima ɛsesebɛ, nee kɛ bɛ anyelazo mɔɔ wɔ yɛ Awulae Gyisɛse Kelaese anu la si gyi kpundii la.

2 Tɛs 3:5

Yɛsɛlɛ kɛ Awulae ɛha bɛ ahonle ɛmaa bɛnyia Nyamenle ɛhulolɛ ne anwo ndelebɛbo kpalɛ na bɛgyinla kpundii wɔ Kelaese anwo ngilehilelɛ ne anu.

Kɛlata mɔɔ bɛhɛlɛle bɛhɔmanle Hibuluma la 10:36

Ɔwɔ kɛ bɛnyia abotane, amaa bɛahola bɛayɛ Nyamenle ɛhulolɛdeɛ na bɛanyia ye ɛwɔkɛ ne.

Kɛlata mɔɔ bɛhɛlɛle bɛhɔmanle Hibuluma la 6:12

Yɛngulo kɛ bɛkɛyɛ mgbovonle. Yɛkulo kɛ bɛsukoa menli mɔɔ bɛlua bɛ diedi nee abotane zo bɛnyia mɔɔ Nyamenle ɛva ɛbɔ ɛwɔkɛ la.

Kɛlata mɔɔ bɛhɛlɛle bɛhɔmanle Hibuluma la 6:15

Ebileham zile abotane, na ɔnyianle ɛwɔkɛ ne mɔɔ Nyamenle bɔle ye la.

Yekile 1:9

Mame a mele bɛ diema Dwɔn. Kelaese ati yɛ muala yɛle ko na yɛlɛ abotane yɛlɛnwu amaneɛ mɔɔ kile kɛ yɛ nwo fɛta ye Belemgbunlililɛ ne a. Bɛvale me bɛradole bɔra ye mɔɔ bɛfɛlɛ ye Patemɔso la azo, ɔluakɛ membɔle Nyamenle edwɛkɛ ne nee nɔhalɛ ne mɔɔ Gyisɛse yele hilele la nolo.

Yekile 13:10

Awie mɔɔ ɔwɔ kɛ bɛkye ye nuokɛ la, bɛbahye ye nuokɛ; awie mɔɔ ɔwɔ kɛ wu dadeɛ nloa la, bawu dadeɛ nloa. Ɛhye kile kɛ ɔwɔ kɛ Nyamenle menli ne nyia abotane, gyinla bɛ nwo, si ahonle, na bɛnyia diedi.

Yekile 14:12

Ɛhye kile kɛ ɔwɔ kɛ Nyamenle menli ne mɔɔ di ye mɛla ne azo na bɛdi nɔhalɛ bɛmaa Gyisɛse la bɔ mɔdenle gyinla kpundii.