Wulo 8:24 - BAEBOLO ANZƐƐ BULUKU NWUANZANWUANZA

²⁴ Anyelazo ɛhye azo yɛɛ ɔlua mɔɔ bɛlie yɛ ngoane a. Na yemɔ a le kɛ, awie ɛmmaa ɔ nye ɛnla debie mɔɔ ɔ nye gyi nwolɛ la azo. Na nwane bɔbɔ yɛɛ kɛmaa ɔ nye kɛla debie mɔɔ ɔ nye gyi nwolɛ la azo a?

Wulo 8:24 ပူးပေါင်းရင်းမြစ်များ

Edwɛndolɛ Buluku ne 146:5

Nyilalɛ ɛha sonla ne mɔɔ ye boavolɛ a le Gyekɔbo Nyamenle ne, na ye anyelazo wɔ Ɛdɛnkɛma ye Nyamenle ne nu la,

Edwɛndolɛ Buluku ne 33:18

Bɛnlea, Ɛdɛnkɛma anye wɔ bɛdabɛ mɔɔ bɛsulo ye, yɛɛ bɛdabɛ mɔɔ bɛ nye la ye ɛhulolɛ kpundii ne azo la anwo zo,

Edwɛndolɛ Buluku ne 33:22

O Ɛdɛnkɛma, maa wɔ ɛhulolɛ kpundii ne ɛrɛla yɛ nwo zo, ɔluakɛ yɛ anyelazo a le wɔ.

Mrɛlɛbulɛ Buluku ne 14:32

Amumuyɛnli ninyɛndane ɛyɛlɛ maa ɔkpo aze, na tenlenenli nyia ɛvealeka wɔ ye nɔhalɛlilɛ nwo.

Gyɛlɛmaya Buluku ne 17:7

“Nyilalɛ ɛha sonla ne mɔɔ kɛva ɔ rɛle kɛwula medame Ɛdɛnkɛma me nu la.

Zɛkalaya Buluku ne 9:12

Bɛzia bɛrɛla bɛ ɛvealeka ne, O bɛmɛ pilizama mɔɔ bɛlɛ anyelazo a, ɛnɛ meka meahile bɛ kɛ, debie biala mɔɔ bɛminli ye la, mebamaa bɛanyia ye mɔnwo.

Wulo 12:12

Bɛmaa bɛ anyelazo ɛmaa bɛ nye ɛlie, bɛzi abotane wɔ bɛ amaneɛnwunlɛ nu, na bɛyɛ nzɛlɛlɛ dahuu.

Wulo 15:13

Nyamenle mɔɔ le yɛ nzuzuguazo la ɛmaa bɛ anyelielɛ nee anzonudwolɛ wɔ bɛ diedi mɔɔ wɔ ye nu la ati, amaa bɛalua Sunsum Nwuanzanwuanza ne tumi zo bɛ anyelazo anyi.

Wulo 15:4

Debie biala mɔɔ bɛhɛlɛ ye wɔ Nyamenle Edwɛkɛ ne anu la wɔ ɛkɛ ne kilehile yɛ, amaa yɛagyinla kpundii, yɛazi yɛ ahonle yɛalua mɔɔ Nyamenle Edwɛkɛ ne fa maa yɛ la azo yɛanyia anyelazo.

Wulo 4:18

Ebileham liele Nyamenle ɛwɔkɛ ne lile na ɔmanle ɔ nye lale zo ɛsesebɛ, wɔ mekɛ mɔɔ ɛnee anyelazo ɛwie la, kɛ ɔbayɛ “maanle maanle bɛ ze.”

Wulo 5:2

Gyisɛse lua yɛ diedi zo ɛva yɛ ɛra Nyamenle ɛlolɛ ne mɔɔ ɛnɛ yɛde nu la abo. Yemɔti yɛdi fɛlɛko anyelazo nu kɛ yɛbanyia Nyamenle anyunlunyia ne.

Wulo 8:20

Ɔluakɛ abɔdeɛ muala mgbane mɔɔ ɛyɛ la, tɛ ɔdaye ye ɛhulolɛ zo ɔ, na Nyamenle ngyehyɛlɛ ɔ. Noko anyelazo ɛhye wɔ ɛkɛ ne kɛ

1 Kɔl 13:13

Yemɔti, ninyɛne nsa ɛhye mɔ a wɔ ɛkɛ ne mɔɔ ɛmpɛ nu ɛnze yɛɛ ɛmkpa ɛlɛ a, bɛmɛ a le: diedi, anyelazo, yɛɛ ɛhulolɛ, na bɛ nuhua kpole kpalɛ mɔɔ sonle bolɛ la a le ɛhulolɛ.

2 Kɔl 4:18

Ɛhye ati yɛ nye ɛnla ninyɛne mɔɔ ɛnyelɛ nwu bɛ la azo; yɛ nye la ninyɛne mɔɔ ɛnyelɛ ɛnnwu bɛ la azo. Ninyɛne mɔɔ ɛnyelɛ nwu bɛ la ɛngyɛ na apɛ nu aze, na mɔɔ ɛnyelɛ ɛnnwu bɛ la wɔ ɛkɛ ne dahuu.

2 Kɔl 5:7

Ɔluakɛ yɛfa diedi a yɛbɔ yɛ ɛbɛla a, na tɛ deɛ mɔɔ ɛnyelɛ nwu ye la ɔ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Kɔlɔ 1:23

Zɔhane ati, ɔwɔ kɛ bɛkɔ zolɛ bɛsɔ bɛ diedi ne anu ɛsesebɛ, bɛgyinla bɛ ti na bɛgyinla kpundii. Saa bɛyɛ ye zɔhane a yɛɛ awie ɛnrɛhola ɛnrɛzɛkye bɛ anyelazo ne mɔɔ bɛnyianle ye wɔ mekɛ mɔɔ bɛdele Edwɛkpa ne la a. Edwɛkpa ɛhye, bɛbɔ ye nolo bɛhile abɔdeɛ muala mɔɔ wɔ aleɛabo la, yɛɛ medame, Pɔɔlo a bɛyɛ me nwolɛ sonvolɛ a.

Kɔlɔ 1:27

Nyamenle ngyehyɛlɛ ne a le kɛ ɔkɛye ye fealera nu kpɔkɛ ne mɔɔ ɔbɔle, mɔɔ anyunlunyia nee anwonyia ɛyi ye tɛkɛɛ, na ɔwɔ ɛkɛ ɔmaa maanle maanle kɔsɔɔti la ɔkɛhile ye menli ne. Fealera nu kpɔkɛ ɛhye a le kɛ Kelaese ne de bɛ nu, na ɔbamaa bɛanyia anyelazo kɛ kenle bie bɛbanyia Nyamenle anyunlunyia ne bie.

Kɔlɔ 1:5

ɔboalekɛ bɛlɛ anyelazo bie mɔɔ bɛ sa baha ye wɔ anwuma a. Anyelazo ɛhye a bɛdele nwolɛ edwɛkɛ alumua ne, wɔ mekɛ mɔɔ bɛvale Edwɛkpa ne bɛrɛlɛle bɛ la.

1 Tɛs 5:8

Na yɛmɛ, yɛle alehyenlɛ nu amra, yemɔti bɛmaa yɛzie yɛ nye gyɛlɛmgbɛɛnye na yɛva diedi nee ɛhulolɛ yɛyɛ bulalɛ enyinlike yɛbutu yɛ kɛnra azo, na yɛva yɛ ngoane ɛnyianlɛ nwo anyelazo yɛhakyi bulalɛ kyɛlɛ yɛzoa.

2 Tɛs 2:16

Yɛ Awulae Gyisɛse Kelaese mumua ne nee yɛ Ze Nyamenle ne, mɔɔ hulole yɛ na ye ɛlolɛ ti yemaa yɛ anwosesebɛ mɔɔ ɛnlɛ awieleɛ nee anyelazo kpalɛ la,

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:7

amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.

Kɛlata mɔɔ bɛhɛlɛle bɛhɔmanle Hibuluma la 11:1

Diedi a le kɛ yɛkɛzi pi wɔ ninyɛne mɔɔ yɛ nye la zolɛ la anwo, na yɛkɛlie ninyɛne mɔɔ ɛnyelɛ ɛnnwu bɛ la yɛkɛdo nu kɛ bɛwɔ ɛkɛ.

1 Pit 1:21

Ɔlua ɔ nwo zo yɛɛ bɛlie Nyamenle ne mɔɔ dwazole ye vile ewule nu na ɔmanle ye anyunlunyia la bɛli, na kɛkala bɛ diedi nee bɛ anyelazo ɛragyinla Nyamenle anwo zo a.

1 Pit 1:3

Ayɛlɛyelɛ ɛha Nyamenle, yɛ Awulae Gyisɛse Kelaese ɔ Ze ne! Yelua ye ɛlolɛ kpole ne azo yedwazo Gyisɛse Kelaese yevi ewule nu na yemaa yɛnyia ngoane fofolɛ nwo anyelazo mɔɔ ɛnwu ɛlɛ a.

1 Dw 3:3

Awie biala mɔɔ lɛ anyelazo ɛhye wɔ Kelaese anu kɛ yɛbayɛ kɛ Kelaese ala la maa ɔ nwo te kɛ Kelaese la.