Wulo 8:23 - BAEBOLO ANZƐƐ BULUKU NWUANZANWUANZA

²³ Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

Wulo 8:23 ပူးပေါင်းရင်းမြစ်များ

2 Edk 31:5

Mɔɔ edwɛkɛ ɛhye kpondenle na ɔdwule amaanvoa la, Yizilayɛma vale bɛ ma mɔɔ bɛlumuale bɛdele la, nwanye, nwole, wolɛ, nee bɛ bɛyɔba biala dɔɔnwo rale, yɛɛ bɛvale bɛ ninyɛne ngyɛnu bulu ɛkpɔ ko ne bɛrale.

Edwɛkpa ne kɛmɔ Luku hɛlɛle la 20:36

Bɛbayɛ kɛ anwuma soanvolɛma la na bɛnrɛwu ɛlɛ. Bɛle Nyamenle amra, ɔboalekɛ bɛdwazo bɛ bɛvi ewule nu.

Edwɛkpa ne kɛmɔ Luku hɛlɛle la 21:28

Mɔɔ ninyɛne ɛhye mɔ kɛbɔ ɔ bo kɛ bɛsisi la, anrɛɛ bɛmaa bɛ nye zo bɛnlea maanle nu, ɔboalekɛ ɛnee bɛ ngoanelielɛ ne ɛbikye.”

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Wulo 5:3

Bɔbɔ wɔ amaneɛnwunlɛ nu yɛbali fɛlɛko, ɔboalekɛ yɛze kɛ nyanelilɛ maa sonla nyia abotane,

Wulo 5:5

Anyelazo ɛhye ɛnye yɛ anrinli ɛndo yɛ sa nu, ɔluakɛ Nyamenle ɛlua Sunsum Nwuanzanwuanza ne, mɔɔ le Nyamenle ahyɛlɛdeɛ ne azo ɛva ye ɛhulolɛ ɛyi yɛ ahonle ne mɔ tɛkɛɛ.

Wulo 7:24

Me nwo yɛ anwunvɔne kpole! Na nwane a kɛlie me kɛvi nwonane ɛhye asa nu, mɔɔ ɔ nee me ɛlɛkɔ ewule nu a?

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

1 Kɔl 1:7

yemɔti bɛngyia ɛlolɛ ahyɛlɛdeɛ biala anwo, wɔ mekɛ mɔɔ bɛlɛkendɛ yɛ Awulae Gyisɛse Kelaese ɛralɛ bieko mɔɔ ɔbara la.

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

2 Kɔl 7:5

Mɔɔ yɛrale Masidonea la, yɛ nwo andɔ yɛ kpalɛ biala, ɔluakɛ ɛnee ɛleka biala mɔɔ yɛkɛhɔ la yɛyia ngyegyelɛ; gua zo a, konle; sua nu a, ɛzulolɛ ngome.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:5

Yɛmɛ, ɔlua Nyamenle Sunsum ne azo, kɛmɔ yɛdie Kelaese Gyisɛse yɛdi la ati, yɛ nye la kɛ Nyamenle ɔdaye ɔbamaa yɛazɔ ɔ nye.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:14

Sunsum ne di agyinlanu kɛ yɛbanyia mɔɔ Nyamenle ɛva ɛbɔ ye menli ɛwɔkɛ la; eza ɔmaa yɛsi pi kɛ Nyamenle bamaa menli mɔɔ le ye ɛdeɛ la anyia bɛ ti bɔkɔɔ. Bɛmaa yɛye ye anyunlunyia ne ayɛlɛ!

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:9

Ɔluakɛ wienyi nu yɛɛ kpalɛyɛlɛ, pɛlepɛlelilɛ nee nɔhalɛlilɛ dɔɔnwo vi ba a.

2 Tem 4:8

Na kɛkala konimlilɛ ahyɛlɛdeɛ ne, mɔɔ le fɔɔnwoma abɔtile ne, mɔɔ Awulae, Pɛlepɛle Ndɛnebuavolɛ ne bava amaa me wɔ Awulae Kenle ne la, wɔ ɛkɛ ne maa me, yɛɛ ɔnle ɛkɛ ɔmmaa me ngome, ɔwɔ ɛkɛ ne ɔmaa bɛdabɛ mɔɔ bɛlɛ ɛhulolɛ bɛlɛkendɛ ye ɛralɛ bieko la amuala.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:13

yɛva yɛhendɛ saleɛ Kenle ne mɔɔ yɛ nye la ye adenle wɔ melɛ mɔɔ yɛ Nyamenle bedevinli ne nee Ngoanedievolɛ Gyisɛse Kelaese bɛ anyunlunyia ne kɛra la.

Kɛlata mɔɔ bɛhɛlɛle bɛhɔmanle Hibuluma la 9:28

Zɔhane ala yɛɛ bɛvale Kelaese ɔdaye noko bɛbɔle azu kokye ala kɛ ɔranunu menli dɔɔnwo ɛtane ne mɔ a. Ɔbara bieko, na tɛ kɛ ɔ nee ɛtane bali ɔ, na ɔbalie menli ne mɔɔ ɛlɛkendɛ ye la ngoane.

1 Pit 1:7

Ninyɛne ɛhye mɔ wɔ ɛkɛ kɛ bɛfa bɛazɔ bɛ diedi bɛanlea saa ɔgyi kpundii a. Ezukoa nvutuke bɔbɔ mɔɔ sɛkye la, bɛfa senle a bɛnea kɛ ɔle kpalɛ a; zɔhane ala yɛɛ ɔwɔ kɛ bɛ diedi ne mɔɔ hyia tɛla ezukoa nvutuke la bɛsɔ ye bɛnea a, amaa yeava ayɛlɛyelɛ, anyunlunyia, yɛɛ enililɛ yearɛlɛ bɛ wɔ Kenle ne mɔɔ Gyisɛse bara la.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.