Wulo 8:2 - BAEBOLO ANZƐƐ BULUKU NWUANZANWUANZA

² Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

Wulo 8:2 ပူးပေါင်းရင်းမြစ်များ

Edwɛndolɛ Buluku ne 51:12

Fa wɔ ngoanelielɛ nwo anyelielɛ ne sia bɛlɛ me, na buke wɔ munli nu sɔ me nu.

Yizikeɛle Buluku ne 1:21

Yemɔti saa tease abɔdeɛ nna ne mɔ tu bɛ bo, anzɛɛ gyinla, anzɛɛ maa bɛ nwo zo a, ehwili ne mɔ yɛ zɔhane ala. Ɔluakɛ tease abɔdeɛ ne mɔ sunsum ne wɔ ehwili ne mɔ anu.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Dw 8:32

bɛbanwu nɔhalɛ ne, na nɔhalɛ ne bamaa bɛanyia bɛ ti.”

Dw 8:36

Saa Ralɛ ne yɛ bɛ alehelɛ a, ɛnee bɛle alehelɛ amgba.

Wulo 16:3

Mebiza Pelesela nee Akoyela mɔɔ le me mediema gyimayɛvoma wɔ Kelaese Gyisɛse ɛzonlenlɛ ye anu la ahye.

Wulo 3:27

Ɛnee akee duzu a yɛfa yɛtu yɛ nwo a? Yɛnlɛ ɛhwee! Na ɛnee akee duzu ati ɔ? Ɛnee yɛ gyima kpalɛ nwo anzɛɛ? Kyɛkyɛ. Na yɛdie yɛdi la ati ɔ.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Wulo 6:14

Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Wulo 6:18

bɛliele bɛ bɛvile ɛtane nu na bɛrayɛle ahanra bɛmanle tenleneyɛlɛ.

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 7:21

Yemɔti ɛnee menwu kɛ mɛla ɛhye ɛlɛyɛ gyima wɔ me nu. Mɔɔ mekulo kɛ meyɛ kpalɛ la, ɛnee ɛtane ala a gyi me nye zo a.

Wulo 7:23

Na menwu mɛla fofolɛ bie wɔ me sonlabaka ye nvɛyeba ne mɔ amuala anu. Mɛla ɛhye ko tia mɔɔ me adwenle kulo kɛ ɔyɛ la, na ɔmaa meyɛ kanranli memaa ɛtane mɛla ne mɔɔ ɛlɛdi gyima wɔ me sonlabaka ne anu la.

Wulo 7:4

Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

2 Kɔl 3:17

Awulae ne a le Nyamenle Sunsum ne, yɛɛ ɛleka mɔɔ Awulae Sunsum ne wɔ la, fanwodi wɔ ɛkɛ.

2 Kɔl 3:6

yemɔ yɛɛ yeyɛ yɛ Ngyekyeleɛ Fofolɛ ne sonvolɛma a. Ngyekyeleɛ Fofolɛ ɛhye ɛnle mɛla mɔɔ bɛhɛlɛle a, ɔle Nyamenle Sunsum. Mɛla ne mɔɔ bɛhɛlɛle la fa ewule ba, na Nyamenle Sunsum ne maa ngoane mɔɔ ɛnlɛ awieleɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:19

Mame, mɛla ne anyunlu a, mewu; mɛla ne a hunle me a, amaa meadɛnla ngoane nu meamaa Nyamenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:2

Bɛsosɔ bɛ nwo ngoko, na bɛyɛ ye zɔhane a ɛnee bɛlɛdi Kelaese mɛla ne azo.

Gyemise Kɛlata ne 1:25

Na awie mɔɔ neɛnlea fanwodi mɛla ne mɔɔ di munli la anu, na ɔsɔ nu dwaa ɔfa ɔbɔ ye ɛbɛla, na ɔndie ye mgbane ala ɔmmaa ɔ rɛle ɛnvi, na ɔyɛ gyima mɔɔ ɔwɔ kɛ ɔyɛ la, yemɔ yɛɛ Nyamenle kɛyila ye wɔ ye ɛbɛlabɔlɛ nu a.

Yekile 11:11

Na kenle nsa nee foa ne anzi, ngoane ɛnwomenle vi Nyamenle ɛkɛ rawolole bɛ nu, na bɛdwazole, na ɛzulolɛ kpole hanle bɛdabɛ mɔɔ bɛnwunle bɛ la amuala.

Yekile 22:1

Nyamenle soanvolɛ ne eza hilele me nzule ne mɔɔ maa ngoane la azudenle ne. Ɔ nye le kɔngyekɔngye kɛ neanleɛ, na ɔse ɔvi Nyamenle nee Boaneralɛ ne belemgbunli ebia kpole ne abo,