Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Wulo 8:17 - BAEBOLO ANZƐƐ BULUKU NWUANZANWUANZA

17 Na saa yɛle ɔ mra a, ɛnee yɛdi agya, yɛɛ ye ɛlolɛ ne mɔɔ yeva yezie ɛkɛ yemaa ɔ mra la yɛbanyia bie, na yɛ nee Kelaese ava mɔɔ Nyamenle ɛva ɛzie ɛkɛ ɛmaa ye la, ɔluakɛ saa yɛ nee Kelaese di nyane a yɛ nee ye kɛnyia ye anyunlunyia ne.

အခန်းကိုကြည့်ပါ။ ကော်ပီ




Wulo 8:17
35 ပူးပေါင်းရင်းမြစ်များ  

Akee Gyisɛse zele ye ɛdoavolɛma ne kɛ, “Saa awie biala kpondɛ kɛ ɔ nee me dua a, ɛnee ɔkpo ɔ nwo, ɔva ye (amaneɛnwunlɛ) meanubaka ne ɔdo ɔ kɔme zo na ɔdoa me.


Ɔ menle ne zele ye kɛ, ‘Mo, wɔbɔ mɔdenle bɔkɔɔ; ɛle sonvolɛ kpalɛ mɔɔ di nɔhalɛ a! Wɔbɔ mɔdenle wɔnlea ezukoa ekyi ye azo boɛ, yemɔti mebava wɔ meazie ninyɛne mgbole nloa. Bɛla balie ɛ nye wɔ me nwo ɛke!’


“Me mboane ekpunli ekyi, bɛmmasulo, ɔluakɛ bɛ Ze mɔɔ wɔ anwuma la kulo kɛ bɛnyia Belemgbunlililɛ ne.


Asoo bɛnnwu ye kɛ ɔwɔ kɛ Mɛzaya ne nwu amaneɛ ɛhye mɔ amuala na yeahɔ ye anyunlunyia ne anu?”


“Egya! Wɔva bɛ wɔmaa me, na mekpondɛ kɛ bɛ nee me tɛnla ɛleka mɔɔ mewɔ la, amaa bɛanwu me anyunlunyia ne mɔɔ ɛvale ɛmanle me la, ɔluakɛ ɛhulole me kolaa na bɛabɔ ewiade ye.


Bɛmanle diedima ne mɔ anwosesebɛ na bɛzele bɛ kɛ bɛzɔ diedi ne anu kpundii. Bɛhilehilele bɛ kɛ ɔwɔ kɛ yɛnwu amaneɛ dɔɔnwo na yɛanwu Nyamenle Belemgbunlililɛ ne.


“Kɛkala mefa bɛ mewula Nyamenle nee ye edwɛkɛ ne mɔɔ ɛlolɛ wɔ nu la asa anu. Ɔdo bɛ ngoane nu na ɔva ye nyilalɛ ne mɔɔ yeva yezie ye menli ne ɛkɛ ne la ɔmaa bɛ.


Mesoa wɔ, amaa wɔahɔbuke bɛ nye na wɔahwe bɛ wɔavi awozinli nu nee Seetan tumi ne abo wɔara wienyi nu nee Nyamenle ɛkɛ, amaa ɔlua bɛ diedi mɔɔ wɔ me nu la azo bɛanyia ɛtanefakyɛ na bɛanyia ɛleka wɔ Nyamenle menli ne mɔɔ yekpa nu yeye bɛ la avinli.’


Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.


Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.


Nyamenle Edwɛkɛ ne se, “Debie mɔɔ sonla ɛtɛnwunle ye anzɛɛ ɛtɛtele ɛlɛ, debie mɔɔ sonla andwenle kɛ ɔkɛzi ɛlɛ la, yemɔ a le deɛ ne mɔɔ Nyamenle ɛziezie ɛdo ɛkɛ ne ɛmaa bɛdabɛ mɔɔ bɛkulo ye la a.”


Kɛmɔ yɛ nee Kelaese nwu ye amaneɛ ne mɔ la, zɔhane ala yɛɛ ɔlua ɔ nwo zo yɛ nee ye nyia ye arɛlekyekyelɛ ne mɔ a.


Yemɔti yɛ nye la bɛ nwo zo ɛsesebɛ; yɛze kɛ, kɛmɔ bɛ nee yɛ nwu yɛ amaneɛnwunlɛ ne mɔ la, zɔhane ala yɛɛ bɛ nee yɛ nyia yɛ arɛlekyekyelɛ ne mɔɔ yɛ sa ka ye noko la a.


Saa bɛle Kelaese ɛdeɛ a, ɛnee bɛle Ebileham nlɔnra mɔɔ asa baha Nyamenle ahyɛlɛdeɛ ne mɔɔ ɔvale ɔbɔle ɛwɔkɛ ne la a.


Ɛhye kile kɛ bɛnle ngɛkɛlɛ bieko, na bɛle Selɛ ne amra. Na saa bɛle ɔ mra a, ɛnee bɛdi agya.


Edwɛkɛ mɔɔ ɛnee vea ɛkɛ ne la a le kɛ, ɔlua Edwɛkpa ne azo, bɛdabɛ mɔɔ bɛnle Dwuuma nee Dwuuma bɔ nu nyia Nyamenle nyilalɛ ne mɔ; bɛyɛ menli ko na bɛnyia Nyamenle ɛwɔkɛ ne mɔɔ Kelaese Gyisɛse ati ɔbɔle la.


Nyamenle a ɛmaa adenle kɛ bɛlie Kelaese bɛli na bɛnwu amaneɛ wɔ ɔ ti a.


Mɔɔ mekpondɛ la a le kɛ menwɔnwu Kelaese na menwɔde ye ewudwazo tumi ne me nu, na me nee ye yɛkɛnwu amaneɛ na menwɔyɛ kɛ ɔdaye wɔ ye ewule nu,


Kɛkala, bɛdabɛ bɛ ti ɔyɛ me fɛ kɛ melɛnwu amaneɛ a, ɔluakɛ melua me nwonane nu amaneɛnwunlɛ ye azo melɛboa meamaa Kelaese amaneɛnwunlɛ wɔ ye Asɔne ne ati ali munli.


amaa ɔlua ye ɛlolɛ zo yɛazɔ Nyamenle anye na yɛanyia ngoane ne mɔɔ ɛnlɛ awieleɛ mɔɔ yɛ nye la zolɛ la.


Ɛnee Nyamenle soanvolɛma a le nwane mɔ? Bɛmɛ a le sunsum bie mɔ mɔɔ sonle Nyamenle na ɔsoɔzoa bɛ ɔmaa bɛkɔboa bɛdabɛ mɔɔ ɔwɔ kɛ bɛnyia ngoane la.


na kenle nsa ye ɛdeɛ, yelua ɔ Ra ne anwo zo a yedendɛ yehile yɛ a. Ɔ Ra ne anwo zo a ɔluale ɔbɔle ewiade a, na yemɔ yɛɛ Nyamenle ɛkpa nu ɛye ye kɛ awieleɛ ne debie biala le ye ɛdeɛ a.


Nyamenle kpondɛ kɛ bɛdabɛ mɔɔ ɔwɔ kɛ bɛnyia ɛwɔkɛ ne bie la nwu kɛ ɔnrɛhakyi ye adwenle ɛlɛ; ɛhye ati ɔvale ndane ɔbokale ye ɛwɔkɛ ne anwo.


Me mediema kulovolɛma, bɛdie! Bɛdabɛ mɔɔ bɛle ehyianvolɛma wɔ aleɛabo la, bɛmɛ a Nyamenle ɛkpa nu ɛye bɛ, ɛyɛ bɛ diedi nu sukoavolɛma na bɛnyia Nyamenle belemgbunlililɛ ne, mɔɔ yeva yebɔ ɛwɔkɛ yemaa bɛdabɛ mɔɔ bɛkulo ye la a.


Ɔlua zolɛ yɛ nye la nyilalɛ bebelebe ne mɔɔ Nyamenle ɛva ɛzie ye menli ne la azo. Bɛmɛ bɛ ti, yeva nyilalɛ ɛhye mɔɔ ɛmkpɔlɔ, ɔnzɛkye, yɛɛ ɔndu anzɛɛ ɔmkpa la yezie anwuma lɔ yemaa bɛ.


Bɛli fɛlɛko kɛ bɛ nee Kelaese ɛlɛnwu amaneɛ a, amaa saa bɛye ye bɛkile anyunlunyia nu a bɛali fɛlɛko kpole.


Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.


Mɔɔ kɛli konim la, mebamaa ye adenle meamaa yearadɛnla me nwo ɛkɛ ne wɔ me belemgbunli ebia ne azo, kɛmɔ meli konim na mede Egya anwo ɛkɛ ne wɔ ye belemgbunli ebia ne azo la.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ