Wulo 8:16 - BAEBOLO ANZƐƐ BULUKU NWUANZANWUANZA

¹⁶ Nyamenle Sunsum ne nee yɛ ɛdeɛ ne bɔ nu maa yɛkola yɛka kɛ yɛle Nyamenle amra.

Wulo 8:16 ပူးပေါင်းရင်းမြစ်များ

Hozia Buluku ne 1:10

Yizilayɛma bazo kɛ ɛnweazo anwea mɔɔ bɛngola bɛnzuzu anzɛɛ bɛngola bɛndia la, na ɛleka ne mɔɔ bɛzele bɛ kɛ, “Bɛnle me menli” la, ɛkɛ ne a bɛbaha bɛahile bɛ kɛ, “Bɛle tease Nyamenle ne amra” a,

Edwɛkpa ne kɛmɔ Mateyu hɛlɛle la 5:9

“Nyilalɛ ɛha bɛdabɛ mɔɔ bɛpele bɛkpondɛ anzonudwolɛ la; Nyamenle bavɛlɛ bɛ ɔ mra!

Edwɛkpa ne kɛmɔ Luku hɛlɛle la 20:36

Bɛbayɛ kɛ anwuma soanvolɛma la na bɛnrɛwu ɛlɛ. Bɛle Nyamenle amra, ɔboalekɛ bɛdwazo bɛ bɛvi ewule nu.

Dw 1:12

Bie mɔ dɔɔnwo liele ye na bɛliele ye bɛlile; ɛhye ati ɔmanle bɛ adenle kɛ bɛyɛ Nyamenle amra,

Ɛzoanvolɛma Gyima ne 5:32

Na yɛmɛ yɛɛ Sunsum Nwuanzanwuanza ne mɔɔ le Nyamenle ahyɛlɛdeɛ ne mɔɔ ɔfa ɔmaa bɛdabɛ mɔɔ bɛtie ye la, yɛdi ɛhye anwo daselɛ.”

Wulo 8:14

Bɛdabɛ mɔɔ Nyamenle Sunsum ne yɛ bɛ tataa la le Nyamenle amra.

Wulo 8:19

Abɔdeɛ muala ɛlɛkendɛ anwolɔlɛ kpole nu kɛ Nyamenle kɛye ɔ mra kɛhile.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

Wulo 8:26

Zɔhane ala yɛɛ kɛmɔ yɛnlɛ anwosesebɛ la, Sunsum Nwuanzanwuanza ne baboa yɛ a. Ɔluakɛ yɛnze nzɛlɛlɛ yɛ, kɛmɔ ɔwɔ kɛ yɛyɛ la. Sunsum ne ɔdaye a ɔsɛlɛ Nyamenle ɔmaa yɛ wɔ nyanedelɛ nee ɛkponlenlɛ mɔɔ ɛnloanlɛ ɛnrɛhola ye ka la anu a.

Wulo 9:26

Na ɛleka mɔɔ bɛwɔ a bɛzele bɛ kɛ, ‘Bɛnle me menli’ la, ɛkɛ ne ko ne ala yɛɛ bɛbavɛlɛ bɛ tease Nyamenle ne amra a.”

Wulo 9:8

Ɛhye kile kɛ tɛ ngakula mɔɔ bɛwo bɛ wɔ nwonane nu ngyehyɛlɛ zo la amuala a le Nyamenle amra a, na ngakula mɔɔ ɔlua Nyamenle ɛwɔkɛ ne ati bɛwole bɛ la a le bɛdabɛ mɔɔ bɛfa bɛ kɛ bɛle nlɔnra kpalɛ kpalɛ ne a.

2 Kɔl 1:12

Mɔɔ yɛfa yɛtu yɛ nwo la a le ɛhye: yɛ ti kanrɛlɛ ne di daselɛ kɛ yɛlua Nyamenle nwuanzanwuanzayɛlɛ nee nɔhalɛlilɛ, nee Nyamenle ɛlolɛ ne tumi zo yɛɛ yɛfa yɛbɔ yɛ ɛbɛla wɔ ewiade ye anu a, bɔbɔ wɔ bɛ avinli, na tɛ ewiade nrɛlɛbɛ zo a yɛlua a.

2 Kɔl 1:22

yeyɛ yɛ nzonlɛ yemaa ɔ nwo, na yeva ye Sunsum Nwuanzanwuanza ne yewula yɛ ahonle nu kɛ ninyɛne mɔɔ kenle bie ɔbava yeamaa yɛ la amuala anwo awoba a.

2 Kɔl 5:5

Nyamenle a ɛziezie yɛ ɛmaa ngakyile ɛhye a, na yeva ye Sunsum ne yeli ninyɛne mɔɔ ɔbava yeamaa yɛ la anwo agyinlanu.

2 Kɔl 6:18

Mebayɛ bɛ ze, na bɛayɛ me mra mrenya nee mraalɛ, kɛ Tumivolɛ Awulae se la ɛne!”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:26

Bɛhakye ɛhye: Bɛlie Gyisɛse bɛli la ati bɛ kɔsɔɔti bɛ nee Gyisɛse Kelaese ɛbɔ nu ɛyɛ Nyamenle amra.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:6

Kɛmɔ bɛle ɔ mra la, Nyamenle ɛzoa ɔ Ra ne Sunsum ne yemaa yerayi yɛ ahonle ne mɔ tɛkɛɛ, yemɔti yɛkola yɛka kɛ, “Egya! Me Papa!”

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:13

Bɛdabɛ noko, kɛmɔ bɛdele nɔhalɛ edwɛkɛ ne, mɔɔ le Edwɛkpa ne mɔɔ vale ngoanelielɛ rɛlɛle bɛ, na bɛliele Kelaese bɛlile la ati, Nyamenle vale ye Sunsum Nwuanzanwuanza ne, mɔɔ ɔvale ɔbɔle ɛwɔkɛ la ɔmanle bɛ, ɔvale ɔyɛle bɛ nzonlɛ kɛ bɛle ye menli.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:30

Bɛmmabɔ Nyamenle Sunsum Nwuanzanwuanza ne arɛle, ɔluakɛ Sunsum ne a le Nyamenle nzonlɛ mɔɔ yeyɛ ye bɛ nwo mɔɔ kile kɛ bɛle ye ɛdeɛ a; sɛkɛlɛneɛ ɛhye kile kɛ Kenle ne dwu a Nyamenle bakpɔne bɛ.

Mɛla 14:1

“Bɛle Ɛdɛnkɛma bɛ Nyamenle ne menli. Yemɔti saa bɛlɛsu anzɛɛ bɛlɛdi nyane bɛamaa menli mɔɔ ɛwu la a, anrɛɛ bɛmmafa debie bɛpepɛ bɛ nwo yɛɛ bɛmmakpa bɛ ti.

1 Dw 3:1

Bɛnlea kɛ Selɛ ne ɛzi ɛhulo yɛ a! Ye ɛhulolɛ kpole ne ati, bɛfɛlɛ yɛ Nyamenle amra, yɛɛ nɔhalɛ nu, yɛle ɔ mra. Debie mɔɔ yemɔti ɛtane ewiade ye ɛnze yɛ la a le kɛ yeannwu Nyamenle.

1 Dw 3:10

Ngakyile mɔɔ wɔ bɛdabɛ mɔɔ bɛle Nyamenle amra nee bɛdabɛ mɔɔ bɛle Abɔnsam amra la avinli la ɛne: awie biala mɔɔ ɛmbɔ ɛbɛla kpalɛ anzɛɛ ɛngulo ɔ diema la ɛnle Nyamenle ara.

1 Dw 3:2

Ayi mɔ, kɛkala yɛle Nyamenle amra, noko akee kɛ kenle bie yɛbazi yɛayɛ la ɛtɛdale ali. Noko yɛze kɛ mekɛ mɔɔ Kelaese bara bieko la, yɛbayɛ kɛ ɔdaye ala la, ɔluakɛ yɛbanwu ye kɛmɔ ɔde ala la.

1 Dw 4:13

Saa yɛyɛ ye zɔhane a yɛkɛnwu kɛ yɛde Nyamenle anu na ɔdaye noko ɔde yɛ nu, ɔboalekɛ yeva ɔdaye mumua ne ye Sunsum ne yemaa yɛ.

1 Dw 5:10

Zɔhane ati awie biala mɔɔ die Nyamenle Ara ne di la lɛ daselɛlilɛ ne wɔ ye nu. Awie biala mɔɔ ɛnlie Nyamenle ɛnli la ɛmaa Nyamenle ɛbɔ adalɛ, ɔluakɛ yeanlie daselɛ ne mɔɔ Nyamenle ɛli ye wɔ ɔ Ra ne anwo la yeanli.

Yekile 21:7

Mɔɔ kɛli konim la banyia agyadeɛ ɛhye avi me ɛkɛ: mebayɛ ye Nyamenle na yeayɛ me ra.