Wulo 8:15 - BAEBOLO ANZƐƐ BULUKU NWUANZANWUANZA

¹⁵ Ɔluakɛ Sunsum ne mɔɔ Nyamenle ɛva ɛmaa bɛ la ɛnyɛ bɛ ahanra, na ɔmmaa bɛnyɛ avoanvoanle. Sunsum ne maa bɛyɛ Nyamenle amra, na ɔlua Sunsum ne tumi zo yɛkola yɛfɛlɛ Nyamenle kɛ, “Egya! Me Papa.”

Wulo 8:15 ပူးပေါင်းရင်းမြစ်များ

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:19

Bɛgyinlanle moa moa na bɛhanle bɛhilele Mosisi kɛ, “Wɔmɔ tendɛ kile yɛ na yɛbade. Mmamaa Nyamenle tendɛ kile yɛ, anrɛɛ yɛkɛwu.”

Ayezaya Buluku ne 56:5

mebamaa bɛ duma ayɛ ngakyedeɛ mɔɔ tɛla mralɛ mraalɛ nee mralɛ mrenya wɔ me sua nu; mebamaa bɛ duma adɛnla ɛkɛ ne dahuu mɔɔ ɔnrɛkpa me sua nu ɛlɛ a.

Gyɛlɛmaya Buluku ne 3:19

Ɛdɛnkɛma se, “Yizilayɛ, mendwenlenle kɛ mefa wɔ meaboka me mra ne mɔ anwo, na meamaa wɔ azɛlɛ mɔɔ le anyelielɛ, azɛlɛ kɛnlɛma mɔɔ tɛla ewiade ye azɛlɛ biala. Ɛnee medwenle kɛ ɛkɛvɛlɛ me ‘Egya’, na ɛnrɛhakyi ɛ nzi ɛnrɛzi me bieko.

Mosisi Buluku ne mɔɔ tɔ zo nna mɔɔ bɛfɛlɛ ye Ɛdianlɛ 17:12

Yizilayɛma ne hanle hilele Mosisi kɛ, “Kɛkala ɛdeɛ, yɛ awieleɛ ne ala ɛne!

Edwɛkpa ne kɛmɔ Mateyu hɛlɛle la 25:25

Menzulole la ati, menvunle wɔ ezukoa ne menyɛle. Yemɔti wɔ ezukoa ne ɛne!’

Edwɛkpa ne kɛmɔ Maake hɛlɛle la 14:36

Na ɔzɛlɛle kɛ, “Egya! Me Papa, ɛkola debie biala yɛ; ye amaneɛnwunlɛ kɔpo ɛhye ɛkɛ ne maa me; noko akee, tɛ kɛmɔ mame mekulo la ɔ, na kɛmɔ wɔ ɛhulolɛdeɛ ne de la ɔ.”

Edwɛkpa ne kɛmɔ Luku hɛlɛle la 11:2

Gyisɛse zele bɛ kɛ, “Saa bɛyɛ nzɛlɛlɛ a bɛha ɛhye: ‘Egya, Wɔ duma ne anwo ɛde; wɔ belemgbunlililɛ ɛrɛla.

Edwɛkpa ne kɛmɔ Luku hɛlɛle la 22:42

“Egya, saa ɔyɛ wɔ ɛhulolɛ a, ye nyanenwunlɛ dwora ɛhye fi me nloa; tɛ me ɛhulolɛdeɛ ɔ, na wɔ ɛhulolɛdeɛ ɛyɛ ɛkɛ.” [

Edwɛkpa ne kɛmɔ Luku hɛlɛle la 8:28

Mɔɔ ɔnwunle Gyisɛse la, ɔdeanle nu kpole bie, ɔradule ɔdɔle ɔ nyunlu na ɔhanle ye kpole kpalɛ kɛ, “Anwuma Anwuma Nyamenle Ara Gyisɛse, ɛ nee me lɛ bie ɔ? Mekpa wɔ kyɛlɛ, mmatea me!”

Edwɛkpa ne kɛmɔ Luku hɛlɛle la 8:37

Ɛzulolɛ kpole mɔɔ hanle Gɛlasa maanlema la manle bɛzele Gyisɛse kɛ ɔvi bɛ maanle ne anu ɔhɔ. Yemɔti Gyisɛse vole ɛlɛne nu kɛ ɔkɔ.

Dw 16:8

Na ɔba a, ɔbahile yeamaa ewiade amra anwu kɛ bɛvo kpole wɔ bɛ adwenle mɔɔ bɛlɛ ye wɔ ɛtane nwo nee mɔɔ bɛlɛ ye wɔ kpalɛ nwo, nee Nyamenle ndɛnebualɛ ne anwo la anwo.

Dw 20:17

Gyisɛse zele ye kɛ, “Mmasɔ me, ɔboalekɛ metɛkɔle Selɛ ne anwo lɔ. Na wɔmɔ kɔ na kɔze me mediema ne mɔ kɛ, ‘Melɛkɔ Egya nee bɛ Ze ne, me Nyamenle nee bɛ Nyamenle ne anwo lɔ.’ ”

Ɛzoanvolɛma Gyima ne 16:29

Pilizama sinzavolɛ ne manle bɛvale kɛnlaneɛ bɛrale, na ɔvale sulosulo ɔhɔdule ɔdɔle Pɔɔlo nee Saelase agyakɛ anu.

Ɛzoanvolɛma Gyima ne 2:37

Mɔɔ menli ne dele ɛhye la, ɛzulolɛ kpole hanle bɛ na bɛbizale Pita nee ɛzoanvolɛma ne mɔ kɛ, “Ayi mɔ, duzu a ɔwɔ kɛ yɛyɛ a?”

Wulo 8:16

Nyamenle Sunsum ne nee yɛ ɛdeɛ ne bɔ nu maa yɛkola yɛka kɛ yɛle Nyamenle amra.

Wulo 8:23

Na tɛ abɔdeɛ ngome; yɛdayɛ noko mɔɔ yɛnyia Sunsum ne kɛ Nyamenle ahyɛlɛdeɛ mɔɔ lumua la, yɛte nyane wɔ yɛ nu, wɔ mekɛ mɔɔ yɛlɛkendɛ Nyamenle kɛ ɔkɛyɛ yɛ ɔ mra na ɔkɛlie yɛ sonlabaka ne la.

Wulo 8:26

Zɔhane ala yɛɛ kɛmɔ yɛnlɛ anwosesebɛ la, Sunsum Nwuanzanwuanza ne baboa yɛ a. Ɔluakɛ yɛnze nzɛlɛlɛ yɛ, kɛmɔ ɔwɔ kɛ yɛyɛ la. Sunsum ne ɔdaye a ɔsɛlɛ Nyamenle ɔmaa yɛ wɔ nyanedelɛ nee ɛkponlenlɛ mɔɔ ɛnloanlɛ ɛnrɛhola ye ka la anu a.

Wulo 9:4

Bɛle Yizilayɛma mɔɔ le Nyamenle ɔdaye ye menli mɔɔ yeyɛ bɛ ɔ mra, yeye ye anyunlunyia yehile bɛ, ɔ nee bɛ ɛyɛ ngyekyeleɛ, na yeva ye mɛla yemaa bɛ a; bɛlɛ nɔhalɛ ɛzonlenlɛ kpalɛ ne; bɛnyia Nyamenle ɛwɔkɛ ne.

1 Kɔl 2:12

Tɛ ewiade ɛhye anu sunsum a yɛnyia ye a. Sunsum ne mɔɔ vi Nyamenle ɛkɛ ne la a yɛnyia ye a, amaa yɛanwu ninyɛne mɔɔ Nyamenle ɛva ɛlo yɛ la amuala.

2 Kɔl 11:4

Ɔluakɛ bɛ nye die awie biala mɔɔ ba bɛ nwo nehane na ɔbabɔ Gyisɛse fofolɛ bie, mɔɔ tɛ yemɔ a ɔle Gyisɛse ne mɔɔ yɛbɔle ye nolo yɛhilele bɛ la anwo edwɛkɛ la anwo. Eza bɛdie sunsum nee edwɛkpa bie mɔɔ asolo bɛ na tɛ Nyamenle Sunsum ne nee Kelaese anwo Edwɛkpa ne mɔɔ bɛnyianle ye bɛvile yɛ lɔ la bɛto nu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:4

Ɛnee adalɛma bie mɔɔ ɛyɛ bɛ nwo kɛ bɛdie Kelaese bɛdi la ɛpele ɛpe adenle bie azo ɛra ayia ne bie. Menli ɛhye mɔ rale kɛ bɛbanlea kɛ yɛmɛ mɔɔ yɛdie Kelaese Gyisɛse yɛdi la yɛ nwo ɛzi ɛdɔ yɛ la. Bɛ adwenle a le kɛ bɛmaa yɛazia yɛayɛ ahanra wɔ Dwuuma mɛla ne abo,

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 1:5

Nyamenle bɔle kpɔkɛ dɛba kɛ, ɔlua Gyisɛse Kelaese anwo zo, ɔbamaa yɛayɛ ɔ mra, kɛmɔ ye ɛhulolɛdeɛ ne mɔɔ gyi ɔ nyunlu la de la.

2 Tem 1:7

Ɔluakɛ Nyamenle ammaa yɛ sunsum mɔɔ le foanvoanle a; Nyamenle manle yɛ Sunsum mɔɔ lɛ tumi nee ɛhulolɛ na ɔmaa yɛkola yɛkomo yɛ nwo zo la.

Kɛlata mɔɔ bɛhɛlɛle bɛhɔmanle Hibuluma la 2:15

na yealie bɛdabɛ mɔɔ ɔlua kɛ bɛsulo ewule la ati bɛyɛle ahanra wɔ mekɛ mɔɔ bɛde ngoane nu la.

Gyemise Kɛlata ne 2:19

Bɛdie bɛdi kɛ Nyamenle kokye a wɔ ɛkɛ a. Ɔdaye ne ala ɛne! Mbɔnsam noko die di, na ɛzulolɛ maa bɛ nwo wozo bɛ.

1 Dw 4:18

Ɛzulolɛ ɛnle ɛhulolɛ nu; ɛhulolɛ kpalɛ mɔɔ di munli la tu ɛzulolɛ kpokpoti. Ɔluakɛ awie biala mɔɔ lɛ ɛzulolɛ la ɛhulolɛ ɛnli munli, ɔboalekɛ ɛzulolɛ nee ndeanlɛ a lua a.