Wulo 7:7 - BAEBOLO ANZƐƐ BULUKU NWUANZANWUANZA

⁷ Ɛnee kɛ yɛha yɛze ɛ? Kɛ mɛla ne le ɛtane ɔ? Kyɛkyɛ, ɔnle zɔhane. Mɛla ne a manle menwunle kɛ ɛtane si de la a. Saa mɛla ne anga kɛ “Mmayɛ anyebolo” a, anrɛɛ menze kɛ bɛsi bɛyɛ anyebolo la.

Wulo 7:7 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:6

Yemɔti mɔɔ raalɛ ne nwunle kɛ baka ne ma ne le kɛnlɛma, na bɛdi a ɔle kpalɛ, na ɔwɔ kɛ sonla di bie na ɔnwu nrɛlɛbɛ la, ɔdele bie ɔlile, na ɔdele bie ɔhɔmanle ɔ hu lile.

2 Sam 11:2

Kenle ko, mɔɔ sɛnzɛne ne tolole aze bie, na Devidi vi ye ewiazo nafelɛ nu dunwuele la, ɔvole suakunlu ɛkɛ ne sua ne ati zo ɔkpɔsɛkpɔsale zolɛ. Na ɔnwunle kɛ raalɛ bie ɛlɛbia. Raalɛ ne anwo yɛ fɛ bo zolɛ.

Edwɛndolɛ Buluku ne 119:96

Menwu ɛleka mɔɔ kpalɛ biala ɔwɔ kɛ dwu la, noko wɔ mɛla ne mɔ tɛlɛ bo zolɛ.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 20:17

“Bɛmmamaa bɛ nye bolo bɛ gɔnwo sua nu; bɛmmamaa bɛ nye bolo bɛ gɔnwo aye, anzɛɛ ye sonvolɛ nrenya, anzɛɛ ye sonvolɛ raalɛ, anzɛɛ ye ɛnlankɛ nyinli, anzɛɛ ye asoaso, anzɛɛ bɛ gɔnwo debie biala.”

Maeka Buluku ne 2:2

Bɛ nye bolo awie mɔ ɛya avule na bɛsa bɛ bɛdie; bɛ nye bolo awie mɔ azua na bɛdie bɛfi bɛ sa nu; bɛsisi awie mɔ bɛdie bɛ agyadeɛ nee bɛ sua nu amra.

Edwɛkpa ne kɛmɔ Mateyu hɛlɛle la 5:28

Noko mame, mese: saa nrenya nea raalɛ maa ɔ nwo dɔ ye a ɛnee yeva ye wɔ ye ahonle nu.

Edwɛkpa ne kɛmɔ Luku hɛlɛle la 12:15

Na ɔzɔle zolɛ ɔzele menli ne amuala kɛ, “Bɛmmayɛ anyebolo wɔ adenle biala anu, ɔboalekɛ sonla ngoane ɛnle ye anwonyia anzɛɛ ye ezukoa kpole mɔɔ ɔlɛ la anu.”

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Ɛzoanvolɛma Gyima ne 20:33

Me nye ambolo awie biala ezukoa nvutuke, dwɛtɛ fufule anzɛɛ ndanlɛ.

Wulo 13:9

Mɛla ne mɔɔ se, “Mmafa awuvolɛ, mmayɛ kɔdiawu, mmawua, mmayɛ anyebolo” nee mɔɔ ɛha la amuala, bɛbɔ ye kpɔkɛ ko kɛ, “Kulo ɛ gɔnwo kɛ ɛdawɔ ɛ nwo la.”

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 3:5

Saa yɛ nyɛleɛ ɛtane ɛtane ne mɔ maa yɛnwu Nyamenle pɛlepɛlelilɛ ne wienyi a, ɛnee kɛ yɛse ɛ? Saa yɛyɛ ɛtane na Nyamenle tea yɛ a, ɛnee Nyamenle ɔdaye yeyɛ ɛtane ɔ? (Melɛtendɛ kɛ sonla ala la.)

Wulo 4:1

Ɛnee akee Ebileham, mɔɔ le azɛlɛ ye azo yɛ nlenya la, duzu a yɛka ye wɔ ɔ nwo a? Ye ɛbɛla ɛbɔlɛ ne a le boni?

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Wulo 6:15

Duzu bieko? Ɛnee kɛmɔ yɛwɔ Nyamenle ɛlolɛ ne abo na yɛnle mɛla ne abo la ati, ɔwɔ kɛ yɛkɔ zolɛ yɛyɛ ɛtane ɔ? Kyɛkyɛ, ɔnle zɔhane!

Wulo 7:11

Ɛtane nyianle adenle vale mɛla bɛlɛbɛlale me, na ɔluale zolɛ ɔhunle me.

Wulo 7:13

Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Wulo 7:8

Ɛtane nyianle adenle wɔ mɛla ne anu na ɔvale anyebolo ngakyile muala ɔluale ndenle ngakyile nu ɔwulale me nu. Ɛtane mumua ne, saa ɛye mɛla ne ɛsie ahane a, ɔle debie wulera.

1 Kɔl 15:56

Ewule bɔlɔ a le ɛtane, yɛɛ ɛtane tumi ne vi mɛla ne anu.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:3

Bɛle Nyamenle menli, zɔhane ati bɛye adwɔmanebɔlɛ anzɛɛ nyɛleɛ ɛtane ɛtane anzɛɛ anyebolo wɔ bɛ nu bɔkɔɔ.

Mɛla 5:21

“ ‘Bɛmmamaa bɛ nye bolo bɛ gɔnwo aye anzɛɛ ye sua, ye ɛya, ye sonvolɛ nrenya anzɛɛ raalɛ, ye ɛnlankɛ, ye asoaso, anzɛɛ debie biala mɔɔ le bɛ gɔnwo ɛdeɛ la.’

Kɔlɔ 3:5

Ɔwɔ kɛ bɛku nwonane nu atiakunluwɔzo ne mɔ mɔɔ wɔ bɛ nu, mɔɔ le kɛ adwɔmane, ɛbɛla mgbane mgbane ɛbɔlɛ, ɛhulolɛ ɛtane, atiakunluwɔzo ɛtane, yɛɛ anyebolo, ɔluakɛ ɛhye mɔ ɛyɛlɛ le awozonle ɛzonlenlɛ.

1 Tɛs 4:5

tɛ wɔ atiakunluwɔzo ɛtane nu, kɛmɔ menli mɔɔ ɛnze Nyamenle la yɛ ye la.

Kɛlata mɔɔ bɛhɛlɛle bɛhɔmanle Hibuluma la 7:19

Ɔluakɛ Mosisi Mɛla ne angola ammaa ɛhwee anli munli. Na kɛkala, bɛva anyelazo kpalɛ bie bɛra, mɔɔ yɛlua zo a yɛbikye Nyamenle a.

Dwɔhyua Buluku ne 7:21

ninyɛne mɔɔ yɛhonle yɛvale la menwunle anwuma tɛladeɛ kɛnlɛma bie mɔɔ bɛyɛle ye wɔ Babelonia la, dwɛtɛ fufule mɔɔ ye ɛnlomboɛ to kɛyɛ tone nu kilo nwiɔ, ezukoa nvutuke kpɔma ko mɔɔ kɛyɛ kilo foa ko la, na me nye bolole bɛ. Yemɔti menvale. Mevu meyɛ me ndanlɛ sua ne abo, na dwɛtɛ fufule ne a li ɔ bo kpalɛ a.”