Wulo 7:4 - BAEBOLO ANZƐƐ BULUKU NWUANZANWUANZA

⁴ Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.

Wulo 7:4 ပူးပေါင်းရင်းမြစ်များ

Ayezaya Buluku ne 54:5

Ɔluakɛ ɛ hu a le wɔ Bɔvolɛ ne, ye duma a le Tumivolɛ Ɛdɛnkɛma; Yizilayɛ Nwuanzanwuanza Ko ne a le wɔ Kpɔnevolɛ ne, bɛfɛlɛ ye ewiade amuala Nyamenle.

Ayezaya Buluku ne 62:5

Kɛ kakula nrenya si gya belamunli raalɛ la, Zɔhane ala yɛɛ ɛ mra mrenya ne mɔ bagya wɔ a. Na kɛ atɔfolɛ nrenya anye si die ye atɔfolɛ raalɛ nwo la, Zɔhane ala yɛɛ wɔ Nyamenle ne anye balie ɛ nwo a.

Edwɛkpa ne kɛmɔ Mateyu hɛlɛle la 26:26

Mɔɔ bɛlɛdi debie la, Gyisɛse vale kpanwo, ɔyilale zolɛ, ɔbubule nuhua ɔmanle ye ɛdoavolɛma ne na ɔzele bɛ kɛ, “Bɛlie bɛli, ɛhye a le me nwonane ne a.”

Edwɛkpa ne kɛmɔ Maake hɛlɛle la 4:20

Akee menli ne bie mɔ noko le kɛ ma ne mɔɔ gua azɛlɛ kpalɛ zo la. Menli ɛhye mɔ te edwɛkɛ ne, bɛdie bɛto nu, na bɛso ma: bie mɔnwo abulasa, bie mɔnwo abulasia, yɛɛ bie mɔnwo ɛya.”

Dw 15:8

Saa bɛyɛ Nyamenle ɛhulolɛdeɛ a, ɛnee bɛlɛye Egya anyunlunyia bɛahile; na ye zɛhae azo a bɛlua a bɛkɛhile kɛ bɛle me ɛdoavolɛma a.

Dw 3:29

Atɔfolɛ nrenya ne a le mɔɔ gya atɔfolɛ ne la, saa atɔfolɛ nrenya ne agɔnwo ne mɔɔ gyi ahane la te atɔfolɛ nrenya ne ane a, ɔ nye die. Me fɛlɛkolilɛ ne, ye munlililɛ kɛ de la ɛne.

Dw 6:51

Mame a mele ngoane kpanwo ne mɔɔ vi anwuma rale la. Mɔɔ kɛli kpanwo ɛhye bie la badɛnla ngoane nu dahuu. Kpanwo ne mɔɔ mefa meamaa ye la a le me nwonane ye mɔɔ meva memaa la, amaa ewiade anyia ngoane.”

Wulo 6:11

Zɔhane ala yɛɛ ɔwɔ kɛ bɛdabɛ noko bɛdwenle bɛmaa bɛ nwo kɛ bɛwu bɛvi ɛtane tumi ne abo, na ɔlua Kelaese Gyisɛse ati bɛde aze bɛmaa Nyamenle.

Wulo 6:14

Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Wulo 6:2

Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 7:3

Mekɛ mɔɔ ɔ hu de aze la saa ɔkɔ nrenya gyɛne nwo a, ɛnee yedo awuvolɛvalɛ mɛla ne; noko saa ɔ hu wu a, zɔhane mɛla ne ɛnkyekye ye bieko, yemɔti saa ɔkɔ agyalɛ fofolɛ a ɔndo awuvolɛvalɛ mɛla ne.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

1 Kɔl 10:16

Nyilalɛ dwora ne mɔɔ yɛyɛ Nyamenle mo wɔ nwolɛ la, Kelaese mogya ne a yɛkyɛ yɛno ye nu a, yɛɛ kpanwo ne mɔɔ yɛdie yɛdi la, Kelaese nwonane ne a yɛdi a.

2 Kɔl 11:2

Metwe bɛ nwo nungule, kɛmɔ Nyamenle yɛ ye ala la. Bɛle kɛ bɛlɛra mɔɔ ɛnze nrenya mɔɔ meyia ye kɛ megya ye meamaa nrenya kokye, Kelaese mumua ne.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:13

Kelaese ɛralie ndeanlɛ muala, na yelie yɛ yevi munzule mɔɔ anrɛɛ mɛla ne fa yɛ ahɔ nu la anu, ɔluakɛ Nyamenle Edwɛkɛ ne se, “Mɔɔ bɛkɛhenda ye wɔ baka zo la munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:18

Saa bɛmaa Nyamenle Sunsum ne kile bɛ adenle a, mɛla ne ɛngola ɛnkyekye bɛ bieko.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:15

Ɔluale ye sonlabaka ne azo ɔpɛle Dwuuma mɛla ne nee nwolɛ ngyehyɛlɛ ne mɔ anu na ɔlua Kelaese ati ɔmanle menli ekpunli nwiɔ ɛhye yɛle menli fofolɛ ko na yɛnyianle anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Felepaema la 1:11

Bɛzo nɔhalɛ ma kpalɛ ne mɔɔ Gyisɛse Kelaese ala a fa maa la na bɛmaa anyunlunyia nee ayɛlɛyelɛ ɛha Nyamenle.

Pɔɔlo Kɛlata mɔɔ ɔhɛlɛle ɔhɔmanle Felepaema la 4:17

Tɛ kɛ asɛɛ mekpondɛ nwanle la ati ɔ, na mekpondɛ kɛ mɔɔ bɛyɛ la anwo ba nvasoɛ dɔɔnwo.

Kɔlɔ 1:10

bɛabɔ bɛ ɛbɛla ne bɛamaa yeafɛta Awulae, dahuu bɛayɛ mɔɔ ɔkulo la, na bɛ ɛbɛlabɔlɛ ne anwo ara nvasoɛ wɔ gyima kpalɛ biala mɔɔ bɛyɛ la anu, na bɛade Nyamenle edwɛkɛ ne abo kpalɛ.

Kɔlɔ 1:22

Na kɛkala, ɔlua Kelaese ewule ne azo bɛyɛ Nyamenle agɔnwo mɔ, amaa yeava bɛ yeara ɔ nyunlu kɛ bɛ nwo te nwuanzaanwu mɔɔ fɔlɛlilɛ biala ɛnle bɛ nu a.

Kɔlɔ 1:6

Edwɛkpa ne ɛlɛso ma yɛɛ ɔlɛnyi wɔ ewiade ɛleka kɔsɔɔti, kɛmɔ ɔzile la pɛpɛ wɔ bɛ nuhua wɔ mekɛ mɔɔ bɛlumuale bɛdele Nyamenle ɛlolɛ ɛhye anwo edwɛkɛ ne na bɛdele ɔ bo bɛnwunle ye deɛ holɛ la.

Kɔlɔ 2:14

Ɔpɛle yɛ ɛtane nwo kakɛ biala mɔɔ maa mɛla ne kyekye yɛ la anu, ɔyele ye ɛkɛ ne na ɔvale ɔbɔle meanubaka ne azo.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɛlata mɔɔ bɛhɛlɛle bɛhɔmanle Hibuluma la 10:10

Ɔlua ɛhye ati, kɛmɔ Gyisɛse Kelaese yɛle mɔɔ Nyamenle kpondɛ la, ye azu ne mɔɔ ɔvale ɔ nwo ɔyɛle azubɔdeɛ ɔbɔle ye kokye ne ala la ɛde yɛ nwo bɔkɔɔ ɛvi ɛtane nwo.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

Yekile 19:7

Bɛmaa yɛ nye ɛlie na yɛli fɛlɛko; bɛmaa yɛyeyɛ ye kɛ ɔle kpole! Ɔluakɛ Boaneralɛ ne atɔfolɛlielɛ mekɛ ne ɛdwu, na ye atɔfolɛ nrenya ne ɛziezie ɔ nwo ɛwie.

Yekile 21:9

Nyamenle soanvolɛma nsuu ne mɔɔ lɛ amaneɛnwunlɛ dwora nsuu ne la anu ko rale me nwo ɛkɛ na ɔzele me kɛ, “Bɛla maa mengile wɔ Atɔfolɛ ne, mɔɔ le Boaneralɛ ne aye ne.”