Wulo 7:18 - BAEBOLO ANZƐƐ BULUKU NWUANZANWUANZA

¹⁸ Meze kɛ kpalɛ biala ɛnle me sonlabaka ye anu. Ɔluakɛ me kunlu a anrɛɛ meyɛ kpalɛ, noko mengola menyɛ.

Wulo 7:18 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:5

Akee Ɛdɛnkɛma nwunle kɛ sonla amumuyɛyɛlɛ ne ɛyɛ kpole kpalɛ wɔ azɛlɛ ye azo, na ɛtane ngome ɛyi ye adwenle nee ye ahonle nu tɛkɛɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Dwobu Buluku ne 14:4

Nwane a kɛhola kɛye debie bɔkɔbɔkɔ kɛvi evinli nu a? Awie biala ɛnle ɛkɛ.

Dwobu Buluku ne 25:4

Ɛnee kɛ ɔkɛyɛ na sonla ayɛ tenlenenli wɔ Nyamenle anyunlu ɛ? Anzɛɛ kɛ ɔkɛyɛ na dasanli mɔɔ raalɛ ɛwo ye la anwo ade ɛ?

Edwɛndolɛ Buluku ne 119:173

Fa wɔ tumi ne boa me, ɔluakɛ menlea nu meva wɔ mɛla ne mɔ.

Edwɛndolɛ Buluku ne 119:176

Meminli kɛ boane; kpondɛ wɔ sonvolɛ abo zo, ɔluakɛ me rɛle ɛnvi wɔ mɛla ne mɔ.

Edwɛndolɛ Buluku ne 119:32

Mebanriandi meava wɔ mɛla ne mɔ adenle zo, saa ɛmaa me ndelebɛbo yɛ kpole a.

Edwɛndolɛ Buluku ne 119:40

Nea, me nwo ɛlɛdɔ wɔ mɛla ne mɔ; maa me ngoane wɔ wɔ tenleneyɛlɛ ne ati.

Edwɛndolɛ Buluku ne 119:5

O anrɛɛ me ndenle adenrɛ fɔɔnwo wɔ me Nyamenle ne mɛlalilɛ zo.

Edwɛndolɛ Buluku ne 51:5

Nea, bɛwole me amumuyɛ nu, yɛɛ ɛtane nu a ɔmɔ nrenzɛle me a.

Ayezaya Buluku ne 64:6

Yɛ muala yɛyɛ menli mɔɔ anwo ɛnde a, yɛɛ yɛ ɛbɛla kpalɛ biala le kɛ tɛladeɛ mɔɔ ɛhu la. Yɛ muala yɛwu kɛ ɛyɛne, yɛɛ yɛ ɛtane ne mɔ ɛyɛ kɛ anwoma la, bɛpia yɛ bɛkɔ.

Edwɛkpa ne kɛmɔ Mateyu hɛlɛle la 15:19

Ɔluakɛ ahonle nu yɛɛ adwenle ɛtane mɔɔ le kɛ sonla ɛhunlɛ, awuvolɛvalɛ, adwɔmanebɔlɛ, awule ɛyɛlɛ, daselɛ adalɛ ɛlilɛ, yɛɛ nwondomgbɔ ɛpɛlɛ vi ba a.

Edwɛkpa ne kɛmɔ Luku hɛlɛle la 11:13

Na saa bɛmɛ bɔbɔ mɔɔ bɛle ɛtanevolɛma la, bɛze kɛ ɔwɔ kɛ bɛfa ninyɛne kpalɛ bɛmaa bɛ mra a, ɛnee fane nyɛ yɛɛ Selɛ ne mɔɔ wɔ anwuma la ɛnrɛva Sunsum Nwuanzanwuanza ne ɛnrɛmaa bɛdabɛ mɔɔ bɛkɛbiza ye la ɛ?”

Dw 3:6

Mɔɔ bɛkɛlua nwonane ne azo bɛkɛwo ye la le nwonane, yɛɛ mɔɔ bɛkɛlua Sunsum ne azo bɛkɛwo ye la le sunsum.

Wulo 13:14

Na bɛva Awulae Kelaese bɛyɛ konle tɛladeɛ bɛwula, na bɛzi nwonane nu adwenle ɛvalɛ nee ye atiakunluwɔzo aze.

Wulo 7:15

Debie mɔɔ meyɛ la mende ɔ bo, ɔluakɛ mɔɔ mekpondɛ kɛ meyɛ la, mengola menyɛ, na meyɛ deɛ ko ne ala mɔɔ mengulo kɛ meyɛ la.

Wulo 7:19

Mengola menyɛ kpalɛ ne mɔɔ mekulo kɛ meyɛ la, na ɛtane ne mɔɔ mengulo kɛ meyɛ la yɛɛ meyɛ a.

Wulo 7:25

Melua yɛ Awulae Gyisɛse Kelaese anwo zo meyɛ Nyamenle mo. Ɛhye yɛɛ megyi nwo a; mefa me adwenle muala medi Nyamenle mɛla ne azo mesonle ye, na me sonlabaka ye anu a, ɛnee meli ɛtane mɛla nzi.

Wulo 7:5

Ɔluakɛ mɔɔ ɛnee yɛde yɛmaa yɛ nwo la, yɛ atiakunluwɔzo ɛtane ne mɔ manle mɛla ne dwazole yɛle gyima wɔ yɛ nu, na ɔlua zolɛ yɛ nwo rale nvasoɛ manle ewule.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:17

Ɔluakɛ sonla atiakunluwɔzo ne ko tia Nyamenle Sunsum ne, yɛɛ Nyamenle Sunsum ne ɛhulolɛdeɛ ne ko tia sonla atiakunluwɔzo ne. Bɛ mu nwiɔ bɛnga fee, amaa bɛdabɛ noko bɛanyɛ mɔɔ bɛkulo kɛ bɛyɛ la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:24

Bɛmɛ mɔɔ bɛle Kelaese Gyisɛse ɛdeɛ la, ɛbɔ bɛ su dɛba ne nee bɛ nwonane ne atiakunluwɔzo mgbane mgbane ne mɔ amuala meanubaka nu.

Pɔɔlo Kɛlata mɔɔ ɔhɛlɛle ɔhɔmanle Felepaema la 2:13

ɔluakɛ Nyamenle ɛlɛdi gyima wɔ bɛ nu dahuu, amaa bɛanyia ɛhulolɛ na bɛahola bɛayɛ mɔɔ ɔkpondɛ la.

Pɔɔlo Kɛlata mɔɔ ɔhɛlɛle ɔhɔmanle Felepaema la 3:12

Menga kɛ meho medɔ zo anzɛɛ meli munli. Metɛbɔ mɔdenle kɛ me sa kɛha ahyɛlɛdeɛ ne mɔɔ yemɔti Kelaese Gyisɛse ɛva ɔ sa ɛdo me nwo zo la.

Pɔɔlo Kɛlata mɔɔ ɔhɛlɛle ɔhɔmanle Taetɛse la 3:3

Ɔluakɛ ɛnee anrɛɛ yɛdayɛ noko yɛle ahɔnwɔne, tufoande, yɛɛ yɛminlinle. Yɛyɛle ngɛkɛlɛ yɛmanle nwonane nu atiakunluwɔzo nee anyelielɛ ngakyile kɔsɔɔti; yɛbɔle yɛ ɛbɛla ne atiakunlutane nee anyebolo nu; menli kpɔle yɛ yɛɛ yɛdayɛ noko yɛkpɔle yɛ nwo ngoko ngoko.

1 Pit 4:2

Na ɔvi mekɛ ne anu mɔɔ kɔ la, ɔmaa Nyamenle ɛhulolɛ ne dielie ye wɔ ye ɛbɛlabɔlɛ mɔɔ ɛha amozi la anu na ɔgyakyi ye atiakunluwɔzo nzi ɛlilɛ.