Wulo 7:14 - BAEBOLO ANZƐƐ BULUKU NWUANZANWUANZA

¹⁴ Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a.

Wulo 7:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:27

Bɛrɛla, bɛmaa yɛdɔne ye yɛmaa Yehyemeeyɛlema ɛhye mɔ. Bɛmmamaa yɛfa yɛ sa yɛka ye, na ɔle yɛ diema. Yɛdayɛ ko ne ala ɔ.” Na ɔ mediema ne mɔ kponlenle zolɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 37:36

Mekɛ ne anu ɛnee Medeanema ne mɔɔ dɔle Dwosefi la ɛdɔne ye bieko wɔ Yigyibiti ɛmaa Pɔtefaa, Yigyibiti Falo ne sinzavolɛma safohyenle ne.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 40:15

Ɔluakɛ nɔhalɛ nu, bɛwuale me a bɛ nee me vi Hibulu azɛlɛ zo rale a, yɛɛ ɛke noko, metɛyɛle ɛhwee mɔɔ ɔwɔ kɛ bɛto me efiade a.”

1 Arl 21:20

Ehabe nwunle Yilaegya ala la ɔhanle kɛ, “Hue e! Me kpɔvolɛ ɛvinde me.” Yilaegya buale ye kɛ, “Ɛhɛe, mevinde wɔ! Ɔboalekɛ wɔbɔ kpɔkɛ kɛ wɔmɔ, amumuyɛ ala a ɛyɛ wɔatia Ɛdɛnkɛma a.

1 Arl 21:25

(Awie anyɛ nyɛleɛ ɛtane kpole antia Ɛdɛnkɛma, kɛmɔ Ehabe yɛle la. Ɔ ye Gyɛzɛbɛle a zile ye adua manle ɔbɔle ɛbɛla zɔhane a.

2 Arl 17:17

Bɛvale bɛ mra mrenya nee mraalɛ bɛmanle bɛyelale bɛ bɛbɔle azu bɛmanle awozonle, bɛbizale bɛ nwo wɔ menli mɔɔ tendɛ nwomenle nloa zo nee bɛdabɛ mɔɔ bɛtwe adunyi la ɛkɛ, na bɛvale bɛ mekɛ kɔsɔɔti bɛyɛle mɔɔ ɛnzɔ Ɛdɛnkɛma anye la, na bɛmanle Ɛdɛnkɛma vale ɛya.

Dwobu Buluku ne 42:6

yemɔti mebɔ anyiemgba na menlu me nwo; mebɔ ndɛtɛlɛ nee nzonle.”

Edwɛndolɛ Buluku ne 119:25

Medɔ aze; asɛɛ mewu, kɛmɔ wɔ edwɛkɛ ne se la, maa me anwosesebɛ.

Edwɛndolɛ Buluku ne 51:6

Nea, ɛkpondɛ nɔhalɛ mɔɔ wɔ sonla nu la; yemɔti kile me nrɛlɛbɛ.

Mrɛlɛbulɛ Buluku ne 30:2

“Medame, nɔhalɛ, meyɛ mgbane. Menlɛ ndelebɛbo mɔɔ sonla ɔwɔ kɛ nyia la.

Mrɛlɛbulɛ Buluku ne 30:5

“Nyamenle anloa edwɛkɛ biala yɛ nɔhalɛ; ɔle enyinlike ɔkeda bɛdabɛ mɔɔ bɛnriandi bɛba ye ɛkɛ ne la anwo zo.

Ayezaya Buluku ne 50:1

Ɛdɛnkɛma se, “Bɛ nli kɛlata ne mɔɔ mengɛlɛle membɔle ye ewole, menvoanle ye la wɔ nienwu? Anzɛɛ nwane a metua ye kakɛ, mɔɔ ɔlua zo medɔne bɛ memaa ye a? Bɛnlea, ɔlua bɛdabɛ bɛ ɛtane nee bɛ mɛladonlɛ ti yɛɛ bɛdɔne bɛ na bɛvoa bɛ nli a.

Ayezaya Buluku ne 52:3

Ɔluakɛ Ɛdɛnkɛma se, “Bɛandɔne bɛ bɛanlie debie, yemɔti bɛnrɛdua bɛ ti ezukoa biala wɔ bɛ ɛkpɔnelɛ nu.

Ayezaya Buluku ne 6:5

Na menganle kɛ, “Medame, mebɔ munzule! Meminli, ɔluakɛ mele sonla mɔɔ meka ɛtane, yɛɛ mede menli mɔɔ ka ɛtane la avinli. Noko akee menwu Belemgbunli ne, Tumivolɛ Ɛdɛnkɛma!”

Sɛlɛ 13:12

Na saa kokobɛ ne mɔɔ ɛdila ahenle la ɛkponde ɔ nwo, ɛmaa ewule ne ɛgua ye, ɛbɔ ye ɔ ti zo toonwo yedwu ɔ gyakɛ taboa ne anwo, mɔɔ sɛlɛvolɛ ne kola nwu ye la a,

Sɛlɛ 13:16

Na saa hanlɛ ne mɔɔ kpolo nzule la anyunlu to na ɔyɛ fufule a, ɛnee ɔwɔ kɛ ahenle kɔ sɛlɛvolɛ ne ɛkɛ.

Sɛlɛ 19:18

Bɛmmadi nzenralɛ anzɛɛ bɛmmafa bɛdabɛ bɛ menli ne mɔ amra mrenya anwo edwɛkɛ bɛsie bɛ kunlu. Bɛhulo bɛ gɔnwo mɔ kɛ bɛdabɛ bɛ nwo; medame a mele Ɛdɛnkɛma a.

Emɔzo Buluku ne 2:6

Ɛdɛnkɛma se, “Yizilayɛma yɛ ɛtane la ɛnee bɛyɛ, na mebadea bɛ wɔ ɛhye anwo, ɔboalekɛ bɛtɔne tenlenema bɛdie dwɛtɛ fufule, yɛɛ bɛtɔne ehyianvolɛma bɛdie mgbɔlaboa.

Edwɛkpa ne kɛmɔ Mateyu hɛlɛle la 16:23

Gyisɛse hakyile ɔ nye na ɔzele Pita kɛ, “Seetan, se di me nzi nehae! Ɛndu folɛ kpalɛ. Wɔ adwenle ne le sonla adwenle. Ɔnvi Nyamenle ɛkɛ.”

Edwɛkpa ne kɛmɔ Mateyu hɛlɛle la 18:25

Sonvolɛ ɛhye ɛnlɛ bie, yemɔti yeannyia bie yeandua kakɛ ne bie. Na ɔ menle ne zele kɛ bɛhɔdɔne ɔdaye sonvolɛ mumua ne nee ɔ ye nee ɔ mra kɛ ahanra, na bɛdɔne ye ninyɛne mɔɔ ɔlɛ la kɔsɔɔti bɛdua ye kakɛ ne.

Edwɛkpa ne kɛmɔ Mateyu hɛlɛle la 5:22

Mame, mese: Awie biala mɔɔ kɛva ɔ diema anwo ɛya la bɛkɛbua ye ewule fɔlɛ. Mɔɔ kɛyɛ ɔ diema aholoba la bɛ nee ye kɛhɔ nyianu sua nu mgbanyima ayia ne anyunlu; na mɔɔ kɛze ɔ diema kɛ, ‘Ɛle koasea!’ la, ɛva ɔ nwo ɛdo ɛbolɔ senle nu.

Edwɛkpa ne kɛmɔ Mateyu hɛlɛle la 5:28

Noko mame, mese: saa nrenya nea raalɛ maa ɔ nwo dɔ ye a ɛnee yeva ye wɔ ye ahonle nu.

Edwɛkpa ne kɛmɔ Luku hɛlɛle la 5:8

Mɔɔ Saemɔn Pita nwunle mɔɔ ɛzi la, ɔhotole Gyisɛse anyunlu ɛkɛ ne na ɔzele ye kɛ, “Awulae, twe ɛ nwo fi me nwo kɔ. Mele ɛtanevolɛ!”

Edwɛkpa ne kɛmɔ Luku hɛlɛle la 7:6

Yemɔti Gyisɛse nee bɛ hɔle. Na mɔɔ ɔka ekyii ɔdwu sua nu ɛkɛ ne la, Wulomu sogya kpanyinli ne zoanle ɔ gɔnwo mɔ manle bɛhɔyiale Gyisɛse na bɛzele ye kɛ, “Yɛmenle, mmafa ɛvɛlɛ ɛhye ɛto ɛ nwo zo na menfɛta kɛ wɔmɔ ɛkɛra me kpɔda ye abo.

Wulo 3:9

Saa ye zɛhae a, ɛnee yɛdayɛ Dwuuma yɛgyi boɛ yɛtɛla bɛdabɛ mɔɔ bɛnle Dwuuma la ɔ? Kyɛkyɛ, ɔnle zɔhane fee. Mehile nuhua dɛba kɛ Dwuuma nee bɛdabɛ mɔɔ bɛnle Dwuuma la amuala zo ɛtane.

Wulo 6:6

Yɛze kɛ yɛ su dɛba ne bɛhunle ye bɛbokale Kelaese anwo wɔ meanubaka ne azo, amaa bɛazɛkye yɛ su ɛtane ne tumi ne na yɛanyɛ ɛtane ngɛkɛlɛ bieko.

Wulo 7:18

Meze kɛ kpalɛ biala ɛnle me sonlabaka ye anu. Ɔluakɛ me kunlu a anrɛɛ meyɛ kpalɛ, noko mengola menyɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:3

Zɔhane ala yɛɛ yɛdayɛ noko yɛde a; mɔɔ ɛnee yɛle ngakula wɔ sunsum nu la yɛyɛle ngakula yɛmanle ewiade ye anu tumi muala.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 3:8

Mele Nyamenle menli ne anu kakula bɔkɔɔ, noko Nyamenle ɛmaa me adenle ɛhye kɛ membɔ Edwɛkpa ne mɔɔ fane Kelaese anwonyia ne mɔɔ ɛnlɛ neɛnleanu la anwo nolo mengile bɛdabɛ mɔɔ bɛnle Dwuuma la,

Mɛla 6:5

Bɛva bɛ ahonle muala, bɛ ɛkɛla muala, nee bɛ anwosesebɛ muala bɛhulo Ɛdɛnkɛma bɛ Nyamenle ne.

Kɛlata mɔɔ bɛhɛlɛle bɛhɔmanle Hibuluma la 4:12

Nyamenle Edwɛkɛ ne gyi zo na ɔyɛ se, ɔyɛ nla ɔtɛla dadeɛ anye nwiɔ biala. Ɔpɛ to, ɔdua ɛkɛla nee sunsum ayia zo, ɔgya mbowule agbɔkɛ nee mbowule ɛnlome ɛweɛne na ɔfede adwenle nee ahonle nu ɔnwu bɛ nzuzulɛ muala.