Wulo 7:13 - BAEBOLO ANZƐƐ BULUKU NWUANZANWUANZA

¹³ Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.

Wulo 7:13 ပူးပေါင်းရင်းမြစ်များ

Edwɛkpa ne kɛmɔ Mateyu hɛlɛle la 28:8

Yemɔti ndɛndɛ ne ala bɛvale ɛzulolɛ nee fɛlɛkolilɛ bɛvile sɛka ne azo bɛhɔle, na bɛvale ɛnriandilɛ kɛ bɛkabɔ Gyisɛse ɛdoavolɛma ne amaneɛ.

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Wulo 5:20

Bɛvale mɛla ne bɛrale ala la yɛɛ mɛladonlɛ liele ebia a; noko ɛleka mɔɔ ɛtaneyɛlɛ ne zonle la, Nyamenle ɛlolɛ ne yɛle dɔɔnwo bole zolɛ.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:21

Ɛnee ɛhye kile kɛ mɛla ne tia Nyamenle ɛwɔkɛ ne mɔ ɔ? Kyɛkyɛ, ɔnle zɔhane fee. Saa mɛla bie wɔ ɛkɛ mɔɔ zolɛ ɛlilɛ maa menli ngoane a, anrɛɛ awie mɔɔ kɛli zolɛ la kɛzɔ Nyamenle anye.