Wulo 7:12 - BAEBOLO ANZƐƐ BULUKU NWUANZANWUANZA

¹² Zɔhane ati, Mosisi mɛla mumua ne le nwuanzanwuanza, yɛɛ ngyehyɛlɛ ne le nwuanzanwuanza, ɔle kpalɛ, ɔtenrɛ.

Wulo 7:12 ပူးပေါင်းရင်းမြစ်များ

Nihɛmaya Buluku ne 9:13

Ɛvi anwuma ɛdwule Boka Saenae azo, ɛdendɛle ɛhilele wɔ menli ne wɔ boka ne azo; ɛmanle bɛ nɔhalɛ mɛla nee ngyehyɛlɛ na ɛhilehilele bɛ kɛ bɛli zo.

Edwɛndolɛ Buluku ne 119:127

Yemɔti mekulo wɔ mɛla ne mɔ metɛla ezukoa nvutuke, metɛla nvutuke kpalɛ mɔɔ bɛdu nu la.

Edwɛndolɛ Buluku ne 119:137

O Ɛdɛnkɛma, ɛle tenlenenli, yɛɛ wɔ ndɛnebualɛ le fɔɔnwo.

Edwɛndolɛ Buluku ne 119:140

Mezɔ wɔ ɛwɔkɛ ne menlea ye kpalɛ, na wɔ sonvolɛ mekulo ye somaa.

Edwɛndolɛ Buluku ne 119:172

Mebado wɔ edwɛkɛ ne anwo edwɛne, ɔluakɛ wɔ mɛla ne amuala le fɔɔnwo.

Edwɛndolɛ Buluku ne 119:38

Wɔ ɛwɔkɛ ne mɔɔ wɔbɔ bɛdabɛ mɔɔ bɛsulo wɔ la, moa zolɛ maa wɔ sonvolɛ.

Edwɛndolɛ Buluku ne 119:86

Wɔ mɛla ne amuala gyi kpundii; bɛfa adalɛ bɛyɛ me kpɔdekpɔde; boa me!

Wulo 12:2

Bɛmmamaa ewiade amaamuo di bɛ adwenle. Bɛmaa Nyamenle ɛhakyi bɛ adwenle bɔkɔɔ, na bɛahola bɛanwu Nyamenle ɛhulolɛdeɛ kpalɛ ne mɔɔ le kpalɛ, ɔsɔ ɛnyelɛ, na ɔdi munli la.

Wulo 3:31

Na ɛnee ɛhye kile kɛ yɛdua diedi zo yɛavuandi mɛla ne yɛagua ɔ? Kyɛkyɛ! Ɔnle zɔhane fee. Yɛdua yɛ diedi zo yɛkpogya mɛla ne zo.

Wulo 7:14

Yɛze kɛ mɛla ne le sunsum nu debie; mame, mele nwonane nu debie mɔɔ bɛdɔne me kɛ kanranli bɛmaa ɛtane a.

Wulo 7:16

Na saa meyɛ mɔɔ ɔnle kɛ meyɛ la a, ɛnee ɔkile kɛ medie meto nu kɛ mɛla ne le kpalɛ.

Mɛla 10:12

“Yizilayɛma, akee bɛdie. Mɔɔ Ɛdɛnkɛma bɛ Nyamenle ne kpondɛ wɔ bɛ ɛkɛ ne la a le kɛ: bɛzulo Ɛdɛnkɛma bɛ Nyamenle ne, bɛlua ye ndenle ne mɔ anu, bɛhulo ye, na bɛva bɛ ahonle nee bɛ ɛkɛla muala bɛzonle ye,

Mɛla 4:8

Eza maanle kpole biala ɛnle ɛkɛ mɔɔ lɛ mɛla nee amaamuo mɔɔ tenrɛ kɛ mɛla ɛhye mɔ mɔɔ melɛfa meamaa bɛ ɛnɛ la.

1 Tem 1:8

Yɛze kɛ Mɛla ne le kpalɛ, saa menli di zolɛ, kɛmɔ ɔfɛta la a.