Wulo 7:11 - BAEBOLO ANZƐƐ BULUKU NWUANZANWUANZA

¹¹ Ɛtane nyianle adenle vale mɛla bɛlɛbɛlale me, na ɔluale zolɛ ɔhunle me.

Wulo 7:11 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:13

Ɛdɛnkɛma Nyamenle bizale raalɛ ne kɛ, “Duzu debie a wɔyɛ la?” Raalɛ ne buale kɛ, “Ɛwɔlɛ ne bɛlɛbɛlale me, lile me adwenle yɛɛ menlile bie a.”

Ayezaya Buluku ne 44:20

Ɔle kpalɛ kɛ ɔkɛli nzonle bɔbɔ; adwenle ɛtane ɛminli ye, yemɔti ɔngola ɔnlie ɔ nwo anzɛɛ ɔnga kɛ amonle ne mɔɔ ɔlɛ la ɛnle nyamenle fee.

Gyɛlɛmaya Buluku ne 17:9

“Ahonle le mɛlɛbɛla tɛla debie biala, yezɛkye yebo zolɛ; nwane a kɛhola kɛde ɔ bo a?

Gyɛlɛmaya Buluku ne 49:16

Bɛ nwo ɛzulolɛ ne mɔɔ bɛka nee bɛ adubɛnwo ne ɛbɛlɛbɛla bɛ. Bɛde bodane adokule nu wɔ boka zo anwuma, noko saa bɛyɛ bɛ azua anwuma kɛ kɔleɛ bɔbɔ a, mebadwula bɛ aze. Medame Ɛdɛnkɛma a mese a.

Obadaya Buluku ne 1:3

Bɛ adubɛnwo ne ɛbɛlɛbɛla bɛ. Bɛ mgbole ne mɔɔ bɛlua a bɛka kɛ, kɛmɔ bɛkyekye bɛ suakpole ne bodane zo, na bɛwɔ awoka zo la ati, ‘Awie ɛnrɛhola yɛ ɛhwee yɛ’ la,

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 7:13

Na ɛnee ɛhye kile kɛ debie kpalɛ a hunle me la ɔ? Kyɛkyɛ! Ɛtane a hunle me a. Ɔvale kpalɛ ɔlile ɔ nyunlu ɔhunle me, amaa ye su dɛba ne avinde kɛ ɔle ɛtane. Yemɔti, bɛlua mɛla ne azo bɛhile kɛ ɛtane le kakadane kpalɛ kpalɛ.

Wulo 7:8

Ɛtane nyianle adenle wɔ mɛla ne anu na ɔvale anyebolo ngakyile muala ɔluale ndenle ngakyile nu ɔwulale me nu. Ɛtane mumua ne, saa ɛye mɛla ne ɛsie ahane a, ɔle debie wulera.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:22

Zɔhane ati, bɛdu bɛ su dɛba ne mɔɔ manle bɛbɔle ɛbɛla mɔɔ bɛdabɛ bɛkulo na ɔvale ye atiakunluwɔzo ɛtane ne ɔzɛkyele bɛ la bɛgua.

Kɛlata mɔɔ bɛhɛlɛle bɛhɔmanle Hibuluma la 3:13

Zɔhane ati, amaa ɛtane ambɛlɛbɛla bɛ biala na yeakpunli ye ahonle la, bɛboa bɛ nwo ngoko alehyenlɛ biala, kɛmɔ “Ɛnɛ” gyi ɛkɛ ne maa yɛ alehyenlɛ biala mɔɔ kɛhye yɛ nyunlu la.

Gyemise Kɛlata ne 1:22

Bɛmmabɛlɛbɛla bɛ nwo bɛyɛ mɔɔ asɛɛ bɛtie ye edwɛkɛ ne ala a; bɛyɛ mɔɔ bɛkɛde la.

Gyemise Kɛlata ne 1:26

Saa awie dwenle kɛ ɔsonle Nyamenle na ɔmmua ɔ nloa azo a, ye Nyamenlezonlenlɛ ne le mgbane, na ɔbɛlɛbɛla ɔdaye ye ɛkɛla.