Wulo 7:1 - BAEBOLO ANZƐƐ BULUKU NWUANZANWUANZA

¹ Me mediema, melɛtendɛ meahile bɛ kɛ bɛle menli mɔɔ ze mɛla deɛ holɛ a. Se bɛze kɛ mɛla kyekye sonla wɔ mekɛ mɔɔ ɔde aze la?

Wulo 7:1 ပူးပေါင်းရင်းမြစ်များ

Ɛzela Buluku ne 7:25

“Na wɔmɔ Ɛzela, dua Nyamenle nrɛlɛbɛ ne mɔɔ yeva yemaa wɔ la azo ye menli mɔɔ ze wɔ Nyamenle ne Mɛla ne la, yɛ bɛ edwɛkɛdivolɛma nee ndɛnebuavolɛma maa bɛnlea bɛmaa pɛlepɛle ɛrɛla menli mɔɔ wɔ Yufileti Adɔleɛ la avinli. Na kilehile bɛdabɛ mɔɔ bɛnze mɛla ne la amuala.

Mrɛlɛbulɛ Buluku ne 6:23

ɔluakɛ mɛla ne le kɛnlaneɛ, ngilehilelɛ ne le wienyi, yɛɛ ahwibɛnyunlu ne kile ɛbɛlabɔlɛ adenle.

Wulo 1:13

Me mediema, mekpondɛ kɛ bɛnwu kɛ mekɛ dɔɔnwo anu mehyehyɛ kɛ anrɛɛ menwɔrakpɔla bɛ, amaa meahola meahakyi bɛ bie mɔ dɔɔnwo, kɛmɔ meyɛ ye wɔ maanle maanle dɔɔnwo zo la, noko ɔyɛ a ɛnee debie fofolɛ ɛzi me aze.

Wulo 10:1

Me mediema, me kunlu a anrɛɛ bɛlie me menli ne kɔsɔɔti ngoane. Na ɛhye ati mefa me ahonle muala mesɛlɛ Nyamenle wɔ nwolɛ dahuu.

Wulo 10:4

Ɔluakɛ Kelaese rale la yɛɛ mɛla ne tumi bɔle aze a, amaa mɔɔ kɛlie kɛli la azɔ Nyamenle anye.

Wulo 6:14

Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Wulo 6:3

Bɛdabɛ bɛze kɛ mɔɔ bɛzɔnenle yɛ bɛmanle Kelaese Gyisɛse la, ɛnee bɛzɔne yɛ bɛmaa ye ewule ne.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 9:3

meamaa medame me mbusuafo Dwuuma la. Bɛ ti me kunlu a anrɛɛ Nyamenle ɛdua me kakɛ na yekpɔkye me yevi Kelaese anwo.

1 Kɔl 9:8

Tɛ sonla tumi zo yɛɛ melua mɔɔ meka ɛhye mɔ a. Nyamenle mɛla ne ɔdaye ɔka edwɛkɛ ko ne ala.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:21

Bɛmaa membiza bɛdabɛ mɔɔ bɛkulo kɛ bɛboa mɛla ne abo la kɛ, asoo bɛnde mɔɔ mɛla mumua ne se la?