Wulo 6:4 - BAEBOLO ANZƐƐ BULUKU NWUANZANWUANZA

⁴ Zɔhane ati yɛlua ɛzɔnenlɛ ne azo bɛziele yɛ bɛbokale ɔ nwo wɔ mekɛ mɔɔ ɔwule la, amaa kɛmɔ Selɛ ne vale anyunlunyia tumi ne dwazole ye vile ewule nu la, yɛdayɛ noko yɛabɔ yɛ ɛbɛla ne fofolɛ.

Wulo 6:4 ပူးပေါင်းရင်းမြစ်များ

Dw 11:40

Gyisɛse zele ye kɛ, “Metɛkanle metɛkilele wɔ kɛ saa ɛdie ɛdi a ɛkɛnwu kɛ Nyamenle anyunlunyia ne si de la ɔ?”

Dw 2:11

Gyisɛse yɛle nwanwane gyima ɛhye mɔɔ lumua la wɔ Kana mɔɔ wɔ Galeli la; ɛkɛ ne yɛɛ ɔyele ye anyunlunyia ne ɔhilele a, na ye ɛdoavolɛma ne mɔ liele ye lile.

Ɛzoanvolɛma Gyima ne 2:24

Na Nyamenle dwazole ye vile mɔwuamra anu na ɔyele ye ɔvile ewule asa nu; ɔluakɛ ɔnle kɛ ewule di ɔ nwo zo konim.

Ɛzoanvolɛma Gyima ne 2:32

Nyamenle ɛdwazo Gyisɛse ɛhye ɛvi mɔwuamra anu, kɛmɔ yɛ muala yɛdi nwolɛ daselɛ la.

Wulo 6:19

Bɛmaa menga edwɛkɛ ne sikalɛ mɔɔ bɛ adwenle so nu la. Kɛmɔ mekɛ bie bɛyɛle bɛ nwo ahanra bɛmanle ɛtane nee amumuyɛ na bɛyɛle ninyɛndane la, zɔhane ala yɛɛ kɛkala ɔwɔ kɛ bɛyɛ bɛ nwo ahanra bɔkɔɔ bɛmaa tenleneyɛlɛ a, amaa bɛ nwo ade nwuanzaanwu.

Wulo 6:3

Bɛdabɛ bɛze kɛ mɔɔ bɛzɔnenle yɛ bɛmanle Kelaese Gyisɛse la, ɛnee bɛzɔne yɛ bɛmaa ye ewule ne.

Wulo 6:8

Saa yɛ nee Kelaese ɛwu a, ɛnee yɛdie yɛdi kɛ yɛ nee ye badɛnla ngoane nu.

Wulo 6:9

Yɛze kɛ bɛdwazo Kelaese bɛvi ewule nu na ɔnrɛwu bieko; ewule ɛnlɛ ɔ nwo zo tumi bieko.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

1 Kɔl 6:14

Nyamenle a dwazole Awulae vile ewule nu a, na ɔlua ye tumi ne azo ɔbadwazo yɛdayɛ noko yeavi ewule nu.

2 Kɔl 13:4

Na saa ɔyɛle bɛtɛɛ ɔwule meanubaka ne azo bɔbɔ a, ɔlua Nyamenle tumi zo ɔde ngoane nu. Yɛdayɛ noko yɛle bɛtɛɛ wɔ Kelaese ati, na ɔlua Nyamenle tumi ne azo yɛ nee ye badɛnla na yɛ nee bɛ ali.

2 Kɔl 5:17

Zɔhane ati awie biala mɔɔ le Kelaese ɛdeɛ la le abɔdeɛ fofolɛ; dɛba ne ɛpɛ nu ɛhɔ, fofolɛ ɛra.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 4:17

Mekakye bɛ wɔ Awulae duma nu; bɛmmabɔ bɛ ɛbɛla kɛ awozonle ɛzonlenlɛma la bieko mɔɔ bɛndwenle adwenle kpalɛ a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 5:8

Dɛba ne ɛnee bɛwɔ awozinli nu, na ɛnɛ bɛyɛ Awulae menli; ɛhye ati bɛwɔ wienyi nu. Ɔwɔ kɛ bɛbɔ bɛ ɛbɛla kɛ menli mɔɔ wɔ wienyi nu la.

Kɔlɔ 3:10

Bɛva su fofolɛ ne, mɔɔ Nyamenle ne mɔɔ bɔle ye la nea ye ɛsaso zo kakyihakyi ye dahuu la bɛwula, amaa bɛanwu kɛ ɔdaye mumua ne ɔsi ɔde la.

Kɔlɔ 4:1

Menlenlɛma, bɛnlea bɛ ngɛkɛlɛ ne mɔ boɛ gyɛlɛɛnye. Bɛhakye kɛ bɛdabɛ noko bɛlɛ bɛ Menle wɔ anwuma.

1 Pit 3:21

Ɛzɔnenlɛ le sɛkɛlɛneɛ mɔɔ gyi ɛkɛ maa nzule ne a. Ɔnle sonlabaka nwo evinli ɛnrinzinlɛ, ɔle Nyamenle nyunlu modolɛ kɛ ɔmaa bɛ adwenle mɔɔ anu la ɛkɛ ne wienyi la, amaa ɔlua Awulae Gyisɛse Kelaese ewudwazo ne azo bɛalie bɛ ngoane.

1 Dw 2:6

Ɔwɔ kɛ awie biala mɔɔ nee Nyamenle le agɔnwolɛ la bɔ ye ɛbɛla kɛ Kelaese ɛdeɛ ne la.