Wulo 6:23 - BAEBOLO ANZƐƐ BULUKU NWUANZANWUANZA

²³ Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

Wulo 6:23 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 2:17

na kpalɛ nee ɛtane ɛnwunlɛ baka ne, yemɔ mmadi ye ma ne bie, ɔluakɛ kenle ko ne mɔɔ ɛkɛli bie la, ɛbawu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 3:19

Ɛbahwi ɛ ti anwo na wɔanyia aleɛ wɔali, kɔkpula mekɛ mɔɔ ɛkɛzia ɛkɛhɔ azɛlɛ ye anu bieko la, ɔluakɛ nuhua yɛɛ ɛvi ɛrale a; ɛle ndɛtɛlɛ na ɛbazia wɔahɔ ndɛtɛlɛ nu.”

Mrɛlɛbulɛ Buluku ne 11:19

Sonla mɔɔ gyi kpundii wɔ tenleneyɛlɛ nu la banyia ngoane, na mɔɔ di ɛtaneyɛlɛ nzi la bawu.

Ayezaya Buluku ne 3:11

Munzule ɛha amumuyɛnli ne! Ɔnrɛwie boɛ ɛlɛ, ɔluakɛ mɔɔ yeyɛ la, bɛbayɛ ye bie bɛazie ɔ bo zo.

Ayezaya Buluku ne 3:9

Bɛ mɔguazo ne di daselɛ tia bɛ. Bɛka bɛ nyɛleɛ ɛtane ne mɔ baguasee kɛ Sodɔm la. Bɛnvea nwolɛ. Munzule ɛha bɛ! Ɔluakɛ bɛhwe munzule bɛmaa bɛ nwo.

Yizikeɛle Buluku ne 18:20

Sonla biala mɔɔ kɛyɛ ɛtane la, bawu. Ralɛ nrenya ɛnrɛnwu amaneɛ wɔ ɔ ze ɛtane ne mɔ ati, yɛɛ selɛ ɛnrɛnwu amaneɛ wɔ ralɛ nrenya ɛtane ne mɔ ati. Sonlakpalɛ biala banyia ye kpalɛyɛlɛ nwo ahatualɛ, yɛɛ amumuyɛnli biala banyia ye amumuyɛ nwo ahatualɛ.

Yizikeɛle Buluku ne 18:4

Bɛnwu ye kɛ awie biala ngoane le me ɛdeɛ. Bɛ nlenya mɔ ngoane ne le me ɛdeɛ, yɛɛ ngakula ne mɔ ngoane le me ɛdeɛ. Awie biala mɔɔ kɛyɛ ɛtane la, bawu.

Edwɛkpa ne kɛmɔ Mateyu hɛlɛle la 25:46

Na bɛkɛdea ɛhye mɔ ndeanlɛ mɔɔ ɛnlɛ awieleɛ a, na bɛava menli kpalɛ ne mɔ bɛahɔ ngoane mɔɔ ɛnlɛ awieleɛ la anu.”

Dw 10:28

Memaa bɛ ngoane mɔɔ ɛnlɛ awieleɛ, yemɔti bɛnrɛwu ɛlɛ, yɛɛ awie ɛnrɛhola ɛnrɛlie bɛ ɛnrɛvi me sa nu.

Dw 17:2

Ɔluakɛ wɔmaa ye menli kɔsɔɔti anwo zo tumi, amaa yeava ngoane mɔɔ ɛnlɛ awieleɛ la yeamaa menli mɔɔ wɔva bɛ wɔmaa ye la.

Dw 3:36

Awie biala mɔɔ die Ralɛ ne di la lɛ ngoane mɔɔ ɛnlɛ awieleɛ, na mɔɔ kɛkpo kɛ ɔnrɛlie Ralɛ ne ɔnrɛli la ɛnrɛnyia ngoane mɔɔ ɛnlɛ awieleɛ la ɛlɛ, Nyamenle ndeanlɛ ne wɔ ɔ nwo zo dahuu.

Dw 4:14

na mɔɔ kɛnlo nzule ne mɔɔ mebava meamaa ye la bie la, nzuhɔne ɛnrɛhu ye ɛlɛ. Nzule ne mɔɔ mebava meamaa ye la bahakyi nzubula wɔ ye nu mɔɔ bamaa ye ngoane nzule nee ngoane mɔɔ ɛnlɛ awieleɛ a.”

Dw 4:36

Mɔɔ bu bɛyɔba ne la bɛtua ye kakɛ na ɔsoa nzoleɛ ne ɔkɔ ngoane mɔɔ ɛnlɛ awieleɛ la anu, amaa mɔɔ dua nee mɔɔ bu la abɔ nu ali fɛlɛko.

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Dw 6:27

Bɛmmayɛ gyima bɛkpondɛ aleɛ mɔɔ ɛngyɛ na azɛkye la; bɛyɛ gyima bɛkpondɛ aleɛ mɔɔ fa bɛ kɔ ngoane mɔɔ ɛnlɛ awieleɛ la anu la. Aleɛ ɛhye yɛɛ medame Sonla Ra, mebava meamaa bɛ a, ɔboalekɛ Nyamenle Selɛ ne ɛlie me ɛdo nu na yemaa me tumi kɛ menyɛ ye zɔhane.”

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:68

Saemɔn Pita buale ye kɛ, “Awulae, nwane ɛkɛ a yɛkɔ a? Wɔmɔ a ɛlɛ edwɛkɛ mɔɔ maa ngoane mɔɔ ɛnlɛ awieleɛ a.

Wulo 1:32

Bɛze noko kɛ Nyamenle mɛla ne kile kɛ bɛdabɛ mɔɔ bɛbɔ ɛbɛla zɛhae mɔ la fɛta ewule, noko bɛyɛ, yɛɛ bɛsi awie mɔ adua bɛmaa bɛyɛ bie.

Wulo 2:7

Menli bie wɔ ɛkɛ mɔɔ bɛmɛ, abotane nee kpalɛyɛlɛ ala a bɛli ɔ nzi a, na bɛkpondɛ anyunlunyia, enililɛ nee ngoane mɔɔ ɛnlɛ awieleɛ la. Na bɛmɛ noko ala yɛɛ Nyamenle bamaa bɛ ngoane mɔɔ ɛnlɛ awieleɛ a.

Wulo 5:12

Yemɔti kɛmɔ ɛtane luale sonla ko anwo zo a rale ewiade, na sonla ko ne ɛtane ne vale ewule rale la, yɛɛ ewule dele kpondenle aleɛabo amra anwo zo a, ɔluakɛ menli kɔsɔɔti ɛyɛ ɛtane.

Wulo 5:17

Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Wulo 6:16

Bɛdabɛ bɛze ye wienyi kɛ saa bɛbu bɛ nwo bɛmaa awie kɛ bɛsonle ye kɛ bɛle ahanra a, ɛnee bɛle ahanra bɛmaa ahenle ne mɔɔ bɛsonle ye la. Saa ɛtane a le bɛ menle a, bɛbanyia nwolɛ ewule, saa bɛtie Nyamenle noko a, bɛbalie bɛ bɛamaa bɛazɔ Nyamenle anye.

Wulo 6:21

Na duzu nvasoɛ yɛɛ bɛnyianle ye wɔ ninyɛne mɔɔ bɛyɛle na ɛnɛ bɛse nwolɛ nyiane la anwo a? Nyɛleɛ ɛhendeɛ ne mɔ awieleɛ a le ewule!

Wulo 8:13

Ɔluakɛ saa bɛtɛnla bɛmaa bɛ sonlabaka ne a, bɛbawu; na saa bɛtɛnla bɛmaa Sunsum ne a, bɛbahu nyɛleɛ ɛtane ne mɔɔ wɔ bɛ nu la, na bɛanyia ngoane.

Wulo 8:38

Ɔluakɛ meze ye wienyi kɛ debie biala ɛnrɛhola ɛnrɛkpɔkye yɛ ɛnrɛvi Kelaese ɛhulolɛ ne anwo; ewule o, ngoane o, Nyamenle soanvolɛma o, anzɛɛ awozinli nu tumivolɛma biala, wɔ ɛnɛ edwɛkɛ mɔɔ bazi anzɛɛ kenlebie ɛdeɛ mɔɔ bara la anu,

Wulo 8:39

yɛɛ tumi anzɛɛ debie biala ɛnle ewiade ye anu, anwuma anzɛɛ azɛlɛ ti anu, anzɛɛ ewiade ye anu debie biala ɛnle ɛkɛ mɔɔ kɛhola kɛkpɔkye yɛ kɛvi Nyamenle ɛhulolɛ ne mɔɔ ɔlua yɛ Awulae Kelaese Gyisɛse anwo zo yɛnyia ye la anwo.

Wulo 8:6

Saa ɛmaa nwonane nu adwenleadwenle keda ɛ nwo zo a, ɔwie ewule; yɛɛ saa ɛmaa Sunsum nu adwenleadwenle keda ɛ nwo zo a, ɔwie ngoane nee anzonudwolɛ.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:10

Bɛdabɛ mɔɔ bɛdwenle kɛ bɛdi mɛla ne azo na bɛazɔ Nyamenle anye la ɛnwu amaneɛ. Ɔluakɛ Nyamenle Edwɛkɛ ne se, “Awie biala mɔɔ anli mɛla ne ngyehyɛlɛ ne amuala azo, kɛmɔ bɛhɛlɛ ye wɔ Nyamenle Mɛla buluku ne anu la, munzule ɛha ye.”

Pɔɔlo Kɛlata mɔɔ ɔhɛlɛle ɔhɔmanle Taetɛse la 1:2

Yɛ nyamenlezonlenlɛ ne gyi anyelazo zo kɛ kenle bie yɛbanyia ngoane mɔɔ ɛnlɛ awieleɛ la. Nyamenle, mɔɔ ɔmbɔ adalɛ ɛlɛ la, vale ngoane ɛhye bɔle yɛ ɛwɔkɛ kolaa na yeabɔ ewiade.

Gyemise Kɛlata ne 1:15

Saa ye munzule atiakunluwɔzo ne nrenzɛ a ɔwo ɛtane, yɛɛ ɛtane wie nyi a ɔwie ewule.

1 Dw 2:25

Mɔɔ Kelaese ɛva ɛbɔ yɛ ɛwɔkɛ la a le ngoane ne mɔɔ ɛnlɛ awieleɛ la.

Yekile 21:8

Na avoanvoanle, menli mɔɔ ɛnlɛ diedi, ngunzima, ahɔdiawu, adwɔmanema, nindavoma, awozonle ɛzonlenlɛma, nee adalɛma amuala, bɛ ɛleka a le tandane ne mɔɔ senle nee sɔlefa ɛlɛsɔ nu la anu. Senle tandane ɛhye a le ewule ne mɔɔ tɔ zolɛ nwiɔ la.”