Wulo 6:2 - BAEBOLO ANZƐƐ BULUKU NWUANZANWUANZA

² Kyɛkyɛ! Saa ɛtane maa yɛwu a, ɛnee kɛ yɛsi yɛtɛnla ɛtane nu bieko ɛ?

Wulo 6:2 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 39:9

Melɛ tumi wɔ awuke ye anu kɛ ɔdaye ala la, yɛɛ ɔtɛtuale me kɛ memmafa me sa meka debie biala kɛ ɛdawɔ ala, ɔboalekɛ ɔ ye a le wɔ. Duzu ati yɛɛ akee menwɔyɛ amumuyɛ kpole ɛhye, na menwɔyɛ ɛtane menwɔtia Nyamenle ɛ?”

Edwɛndolɛ Buluku ne 119:104

Medua wɔ mɛla ne mɔ azo menyia ndelebɛbo, yemɔti mekyi adalɛ adenle biala.

Edwɛkpa ne kɛmɔ Luku hɛlɛle la 20:16

Ɔkɛrahu abunsama ne mɔ amuala, na ɔkɛva ɛya ne ɔkɛwula abunsama fofolɛ asa anu.” Menli ne mɔ dele ɛhye la, bɛzele kɛ, “Kyɛkyɛ, ɔnrɛyɛ ye zɔhane.”

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Wulo 6:15

Duzu bieko? Ɛnee kɛmɔ yɛwɔ Nyamenle ɛlolɛ ne abo na yɛnle mɛla ne abo la ati, ɔwɔ kɛ yɛkɔ zolɛ yɛyɛ ɛtane ɔ? Kyɛkyɛ, ɔnle zɔhane!

Wulo 7:4

Mediema, kɛ bɛ edwɛkɛ ne de la ɛne. Kɛmɔ ɔlua Kelaese anwo zo yɛwu la, Mosisi mɛla ne ɛnlɛ yɛ nwo zo tumi bieko, na yɛle Kelaese mɔɔ bɛdwazo ye bɛvi ewule nu la ɛdeɛ, amaa yɛ nwo ara nvasoɛ amaa Nyamenle.

Wulo 7:6

Na kɛkala mɔɔ yɛnle mɛla ne tumi bo, na yɛwu yɛvi mɔɔ bɔle yɛ kpanwu la asa anu la, yɛnzonle kɛmɔ ɛnee yɛwɔ mɛla ne abo la. Yɛsonle wɔ adenle fofolɛ ne mɔɔ Sunsum Nwuanzanwuanza ne kile la anu.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 2:19

Mame, mɛla ne anyunlu a, mewu; mɛla ne a hunle me a, amaa meadɛnla ngoane nu meamaa Nyamenle.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 6:14

Na mame, ɔkɛbɔ me tɔ kɛ menwɔdu me nloa anu a kyesɛ debie ko anwo ala, yemɔ a le Awulae Kelaese Gyisɛse meanubaka ne. Ɔluakɛ ye meanubaka ne ati, ewiade le debie funli maa me, yɛɛ medame mumua ne mewu memaa ewiade.

Kɔlɔ 2:20

Saa bɛ nee Kelaese ɛwu na bɛnyia bɛ ti wɔ awozinli ewiade ye sunsum nu tumima ne mɔ asa anu a, ɛnee akee duzu ati a bɛbɔ bɛ ɛbɛla kɛ asɛɛ bɛde aze bɛmaa ewiade ɛ? Duzu ati a bɛdi mɛla anzɛɛ ngyehyɛlɛ mɔɔ le kɛ,

Kɔlɔ 3:3

Ɔluakɛ bɛwu na bɛva bɛ ngoane bɛboka Kelaese ɛdeɛ ne bɛvea Nyamenle anu.

1 Pit 1:14

Bɛyɛ tieyɛ bɛmaa Nyamenle na bɛmmamaa bɛ atiakunluwɔzo sie bɛ kɛ dɛba ne mɔɔ ɛnee bɛnze nwolɛ bie la.

1 Pit 2:24

Kelaese ɔdaye mumua ne ɔliele yɛ ɛtane ne mɔ wɔ ye sonlabaka ne anu ɔhɔle meanubaka ne azo, amaa yɛawu yɛamaa ɛtane na yɛadɛnla yɛamaa pɛlepɛlelilɛ. Bɛlua ye ɛbodalɛ nganlɛ ne mɔ azo a bɛyɛ bɛ ayile a.

1 Dw 3:9

Awie biala mɔɔ le Nyamenle ara la ɛnyɛ ɛtane, ɔluakɛ Nyamenle su ne wɔ ye nu, na kɛmɔ ɔ Ze a le Nyamenle la, ɔngola ɔnyɛ ɛtane.