Wulo 6:18 - BAEBOLO ANZƐƐ BULUKU NWUANZANWUANZA

¹⁸ bɛliele bɛ bɛvile ɛtane nu na bɛrayɛle ahanra bɛmanle tenleneyɛlɛ.

Wulo 6:18 ပူးပေါင်းရင်းမြစ်များ

Edwɛndolɛ Buluku ne 116:16

O Ɛdɛnkɛma, mele wɔ sonvolɛ; mele wɔ sonvolɛ, wɔ sonvolɛ raalɛ ara nrenya. Wɔzianyi me nwɔnzɔnwɔnzɔ ne.

Edwɛndolɛ Buluku ne 119:32

Mebanriandi meava wɔ mɛla ne mɔ adenle zo, saa ɛmaa me ndelebɛbo yɛ kpole a.

Edwɛndolɛ Buluku ne 119:45

na me nwo badɔ me wɔ me ɛlualɛ nu, ɔluakɛ meli wɔ mɛla ne azo.

Ayezaya Buluku ne 26:13

O Ɛdɛnkɛma yɛ Nyamenle, menlenlɛ bie mɔ ɛzie yɛ ɛlɛ, noko wɔmɔ ala yɛɛ yɛdie wɔ yɛto nu a.

Ayezaya Buluku ne 54:17

noko akodeɛ biala mɔɔ bɛyɛ bɛatia wɔ la ɛnrɛyɛ kpalɛ ɛlɛ; yɛɛ awie biala mɔɔ kɛva edwɛkɛ kɛdo ɛ nwo zo la, ɛbaha wɔado ɔ nwo zo. Ɛdɛnkɛma sonvolɛma agyadeɛ, nee bɛ ti mɔɔ medie la a le ɛhye. Medame Ɛdɛnkɛma a mese a.”

Edwɛkpa ne kɛmɔ Luku hɛlɛle la 4:18

“Awulae Sunsum ne wɔ me nwo zo, ɔboalekɛ yekpa nu yeye me kɛ menva Edwɛkpa ne membɛlɛ ehyianvolɛma. Yezoa me kɛ membɔ fanwodi nwo nolo mengile bɛdabɛ mɔɔ bɛhye bɛ nuokɛ la, na memaa anyenzinliravolɛma ɛnwu debie. Menye bɛdabɛ mɔɔ bɛlɛsisi bɛ la menvi anwongyelelɛ nu,

Dw 8:32

bɛbanwu nɔhalɛ ne, na nɔhalɛ ne bamaa bɛanyia bɛ ti.”

Dw 8:36

Saa Ralɛ ne yɛ bɛ alehelɛ a, ɛnee bɛle alehelɛ amgba.

Wulo 6:14

Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Wulo 6:22

Na kɛkala, bɛye bɛ bɛvi ɛtane nu na bɛrayɛ Nyamenle ahanra, bɛ nvasoɛ a le bɛ ɛbɛla mɔɔ bɛte nwolɛ na bɛadu bɛ nwo bɔkɔɔ bɛamaa ye, na ɔlua zo bɛanyia ngoane mɔɔ ɛnlɛ awieleɛ la.

Wulo 6:7

Ɔluakɛ sonla wu a, ɛnee ɔnle ɛtane tumi bo bieko.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:1

Yɛlɛ fanwodi; Kelaese ɛraye yɛ kɔme kpomgbolo. Yemɔti, bɛgyinla kpundii kɛ bɛdi bɛ ti anwo, na bɛmmamaa adenle bɛmaa bɛyɛ bɛ ngɛkɛlɛ bieko.

1 Pit 2:16

Bɛdɛnla kɛ bɛdi bɛ ti anwo, noko bɛmmafa bɛ ti anwo ɛlilɛ ne bɛkedɛheda ɛtane zo. Bɛdɛnla kɛ bɛle Nyamenle ngɛkɛlɛ.