Wulo 6:14 - BAEBOLO ANZƐƐ BULUKU NWUANZANWUANZA

¹⁴ Ɔluakɛ ɔnle kɛ ɛtane yɛ bɛ menle bieko; bɛnle mɛla ne abo, bɛwɔ Nyamenle ɛlolɛ ne abo.

Wulo 6:14 ပူးပေါင်းရင်းမြစ်များ

Sɛlɛ 25:41

na akee ɔvi ɛ nwo ɛkɛ ne yeahɔ. Ɔkɔ a ɔ nee ɔ mra a kɔ a; ɔbahɔ ye abusua nu nee ɔ ze mɔ awuke nu.

Maeka Buluku ne 7:19

Ɛbanwu yɛ anwunvɔne bieko, ɛbakpa yɛ ɛtane kɔsɔɔti wɔagua. Ɛbado yɛ ɛtane ne mɔ wɔagua nyevile kunlu lɔ.

Edwɛkpa ne kɛmɔ Mateyu hɛlɛle la 1:21

Ɔbawo ralɛ nrenya na wɔado ye duma Gyisɛse, ɔboalekɛ ɔbalie ye menli ne yeavi bɛ ɛtane nu.”

Dw 1:14

Edwɛkɛ ne rayɛle sonla mɔɔ ɛlolɛ nee nɔhalɛ ɛyi ye tɛkɛɛ a, na ɔ nee yɛ dɛnlanle. Yɛnwunle ye anyunlunyia mɔɔ ɔnyianle ye kɛ ɔle Selɛ ne Ara kokye la.

Dw 1:17

Nyamenle luale Mosisi anwo zo vale mɛla ne rɛlɛle yɛ, na ɛlolɛ nee nɔhalɛ luale Gyisɛse Kelaese anwo zo a rale a.

Dw 8:36

Saa Ralɛ ne yɛ bɛ alehelɛ a, ɛnee bɛle alehelɛ amgba.

Wulo 11:6

Saa ɛlolɛ zo ala yɛɛ ɔlua a, ɛnee tɛ nyɛleɛ ti ɔ. Ɔluakɛ saa Nyamenle kpa nu aye sonla amaa ɔ nwo wɔ ahenle ne mɔdenlebɔ ti a, ɛnee Nyamenle ɛlolɛ ne ɛnle ɛlolɛ.

Wulo 4:16

Ɛwɔkɛ ne gyi diedi zo, amaa yɛanyɛ Nyamenle ɛlolɛ ahyɛlɛdeɛ yeammaa bɛdabɛ mɔɔ bɛdi Mosisi mɛla ne azo la angome, na yeayɛ ɛlolɛ mɔɔ ka Ebileham abo zo amra amuala mɔɔ lɛ diedi kɛ ɔdaye Ebileham la. Ɔluakɛ Ebileham le yɛ muala yɛ ze wɔ sunsum nu.

Wulo 5:17

Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.

Wulo 5:18

Zɔhane ati, kɛmɔ sonla ko mɛladonlɛ hwenle menli kɔsɔɔti hɔle ewule nu la, zɔhane ala yɛɛ sonla ko tenleneyɛlɛ babua menli kɔsɔɔti benle na yeamaa bɛ ngoane a.

Wulo 6:12

Zɔhane ati ɔnle kɛ ɛtane nyia bɛ nwo zo tumi bieko na ɔmaa bɛdi ye atiakunluwɔzo nzi.

Wulo 6:15

Duzu bieko? Ɛnee kɛmɔ yɛwɔ Nyamenle ɛlolɛ ne abo na yɛnle mɛla ne abo la ati, ɔwɔ kɛ yɛkɔ zolɛ yɛyɛ ɛtane ɔ? Kyɛkyɛ, ɔnle zɔhane!

Wulo 8:12

Zɔhane ati, me mediema, ɛzonle la yɛ nwo zo kɛ ɔnle kɛ yɛtɛnla yɛmaa yɛ sonlabaka ne.

Wulo 8:2

Ɔluakɛ Sunsum ne mɛla ne mɔɔ Kelaese Gyisɛse ati ɔmaa yɛ ngoane la ɛye me ɛvi ɛtane nee ewule mɛla ne abo.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 3:23

Mɔɔ ɛnee bɛtɛbukele diedi adenle ne la, mɛla ne bɔle yɛ kpanwu hɔdwule kɛ bɛbukele diedi adenle ne la.

Pɔɔlo Kɛlata mɔɔ ɔhɛlɛle ɔhɔmanle Galeehyeama la 4:21

Bɛmaa membiza bɛdabɛ mɔɔ bɛkulo kɛ bɛboa mɛla ne abo la kɛ, asoo bɛnde mɔɔ mɛla mumua ne se la?

Pɔɔlo Kɛlata mɔɔ ɔhɛlɛle ɔhɔmanle Galeehyeama la 5:18

Saa bɛmaa Nyamenle Sunsum ne kile bɛ adenle a, mɛla ne ɛngola ɛnkyekye bɛ bieko.

Pɔɔlo Kɛlata mɔɔ ɔhɛlɛle ɔhɔmanle Taetɛse la 2:14

Gyisɛse Kelaese vale ɔ nwo manle wɔ yɛ ti kɛ ɔbaye yɛ yeavi amumuyɛ muala anu, na yeayɛ yɛ ye menli mɔɔ anwo te na yɛle ɔ ngomekye ye ɛdeɛ la, amaa yɛ nye abolo kɛ yɛkɛyɛ kpalɛ.

Kɛlata mɔɔ bɛhɛlɛle bɛhɔmanle Hibuluma la 8:10

Akee ngyekyeleɛ fofolɛ mɔɔ me nee Yizilayɛma bakyekye wɔ mekɛ mɔɔ bara la ɛne: Mebava me mɛla meawula bɛ adwenle nu, na meahɛlɛ ye bɛ ahonle zo. Mebayɛ bɛ Nyamenle, na bɛayɛ me menli.