Wulo 6:10 - BAEBOLO ANZƐƐ BULUKU NWUANZANWUANZA

¹⁰ Ye ewule ne mɔɔ ɔwule la, ɔwule kokye ala ɔyele ɔ nwo wɔ ɛtane asa anu, na ngoane nu mɔɔ kɛkala ɔde la, ɔde ɔmaa Nyamenle.

Wulo 6:10 ပူးပေါင်းရင်းမြစ်များ

Edwɛkpa ne kɛmɔ Luku hɛlɛle la 20:38

Ɛhye kile kɛ ɔle teasema Nyamenle, ɔnle bɛdabɛ mɔɔ bɛwu la Nyamenle; ɔluakɛ ɔ nye zo a bɛ muala bɛde ngoane nu.”

Wulo 6:11

Zɔhane ala yɛɛ ɔwɔ kɛ bɛdabɛ noko bɛdwenle bɛmaa bɛ nwo kɛ bɛwu bɛvi ɛtane tumi ne abo, na ɔlua Kelaese Gyisɛse ati bɛde aze bɛmaa Nyamenle.

Wulo 6:9

Yɛze kɛ bɛdwazo Kelaese bɛvi ewule nu na ɔnrɛwu bieko; ewule ɛnlɛ ɔ nwo zo tumi bieko.

Wulo 8:3

Mɔɔ nwonane ne bɛtɛɛyɛlɛ ti mɛla ne angola anyɛ la, Nyamenle ɛyɛ. Yemɔ a le kɛ, ɔzoanle ɔdaye ɔ Ra ne ɔmanle ɔvale sonla nwonane ɛtane ɛhye bie ɔrale na ɔradeanle ɛtane ne mɔɔ de sonla nu la.

2 Kɔl 5:15

Ɔwule ɔmanle menli muala, amaa bɛdabɛ mɔɔ bɛde ngoane nu la andɛnla ammaa bɛ ngome bɛ nwo, na bɛadɛnla bɛamaa sonla ne mɔɔ bɛ ti a ɔwule na bɛdwazole ye bɛrale ngoane nu la.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

1 Pit 3:18

Ɔluakɛ Kelaese mumua ne wule kokye wɔ awie biala ɛtane ti. Ɔle sonlakpalɛ, noko ɔwule ɔmanle ɛtanevolɛma, amaa yealie yɛ yeahɔmaa Nyamenle. Bɛhunle ye wɔ nwonane nu, noko bɛdwazole ye wɔ sunsum nu,

1 Pit 4:6

Ɛhye ati yɛɛ bɛbɔle Edwɛkpa ne nolo bɛhilele mɔwuamra a, amaa saa bɛlua bɛ nwonane ɛhye azo bɛbua bɛ ndɛne, kɛmɔ bɛbua awie biala la a, sunsum nu bɛadɛnla, kɛmɔ Nyamenle kpondɛ la.