Wulo 5:9 - BAEBOLO ANZƐƐ BULUKU NWUANZANWUANZA

⁹ Nyamenle ɛlua Kelaese ewule zo ɛmaa yɛzɔ ɔ nye; fane nyɛ yɛɛ akee ɔnrɛlua Kelaese anwo zo ɔnrɛlie yɛ ɔnrɛvi ye ɛya ne anu ɛ?

Wulo 5:9 ပူးပေါင်းရင်းမြစ်များ

Dw 5:24

“Meka nɔhalɛ ne meahile bɛ: Mɔɔ kɛdie me edwɛkɛ na ɔkɛlie mɔɔ zoanle me la kɛli la lɛ ngoane mɔɔ ɛnlɛ awieleɛ. Bɛnrɛbua ye ndɛne, na ɔvi ewule nu yera ngoane nu.

Wulo 1:18

Bɛhile bɛmaa yɛnwu kɛ Nyamenle ɛya ne vi anwuma bara bɛdabɛ mɔɔ bɛmbu Nyamenle na bɛfa bɛ ngunziyɛlɛ bɛkeda nɔhalɛ ne azo la anwo zo.

Wulo 5:1

Kɛmɔ ɔlua diedi zo yɛzɔ Nyamenle anye la, yɛlua Awulae Gyisɛse Kelaese anwo zo yɛnyia yɛ ti wɔ Nyamenle ɛkɛ.

Wulo 5:10

Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

Wulo 8:1

Zɔhane ati bɛdabɛ mɔɔ bɛ nee Kelaese Gyisɛse le ko la ɛnlɛ ndeanlɛ biala.

Wulo 8:30

Yemɔti bɛdabɛ mɔɔ Nyamenle ɛkpa nu ɛye bɛ la yɛɛ ɔfɛlɛ bɛ na ɔdielie bɛ ɔmaa bɛsɔ ɔ nye, na ɔ nee bɛ tɛnla anyunlunyia nu a.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:13

Kɛkala, bɛ nee Kelaese Gyisɛse ɛyɛ ko, amaa ɔlua zo bɛmɛ mɔɔ anrɛɛ bɛwɔ moa moa la, bɛlua Kelaese mogya ne mɔɔ ɔhwinle ɔguale la azo bɛhwe bɛ bɛbikye Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

1 Tɛs 1:10

Bɛkile kɛ kɛkala bɛlɛkendɛ ɔ Ra Gyisɛse kɛ ɔvi anwuma ɔbara. Yemɔ yɛɛ Nyamenle dwazole ye vile ewule nu, na ɔdie yɛ ɔfi Nyamenle ɛya kpole ne mɔɔ bara la anu a.

Kɛlata mɔɔ bɛhɛlɛle bɛhɔmanle Hibuluma la 9:14

Kɛmɔ ɛhye le nɔhalɛ la, ɛnee ɛnea a ɛkɛnwu kɛ Kelaese mogya ne kola di gyima kpole maa ɔbo zolɛ. Yelua Sunsum ne mɔɔ ɛnwu ɛlɛ la azo yeva ɔ nwo yebɔ azu mɔɔ di munli la yemaa Nyamenle. Ye mogya ne bade yɛ adwenle nu avi nyɛleɛ mgbane mgbane mɔɔ fa yɛ kɔ ewule nu la anwo na yɛazonle tease Nyamenle ne.

Kɛlata mɔɔ bɛhɛlɛle bɛhɔmanle Hibuluma la 9:22

Nɔhalɛ, mɛla ne kile kɛ mogya ala a bɛfa bɛte debie biala anwo a, yɛɛ ɔwɔ kɛ bɛtwi mogya na bɛava bɛali ɛtane nwo mgbɔdalɛ.

1 Dw 1:7

Na saa yɛdua wienyi nu, kɛmɔ Nyamenle de wienyi nu la a, ɛnee yɛle agɔnwolɛma, na ɔ Ra Gyisɛse mogya ne mɔɔ ɔhwinle ɔguale la te yɛ nwo fi ɛtane biala anwo.