Wulo 5:15 - BAEBOLO ANZƐƐ BULUKU NWUANZANWUANZA

¹⁵ Noko bɛ mu nwiɔ bɛnle ko, ɔluakɛ Nyamenle ɛlolɛ ahyɛlɛdeɛ ne ɛnle kɛ Adam ɛtane ne la. Ɔle nɔhalɛ kɛ sonla ko ne ɛtane ti menli dɔɔnwo wule ɛdeɛ, noko Nyamenle ɛlolɛ ahyɛlɛdeɛ ne mɔɔ ɔlua sonla ko ne, mɔɔ le Gyisɛse Kelaese ɛlolɛ zo ɔfa ɔkyɛ mgbane la wɔ ɛkɛ maa menli somaa.

Wulo 5:15 ပူးပေါင်းရင်းမြစ်များ

Ayezaya Buluku ne 53:11

Ɔbanwu ye amaneɛnwunlɛ ne abo aleɛ na ɔ nye alie, na ɔlua me sonvolɛ tenlene ko ne anwo zo, bɛbava menli dɔɔnwo kɛ bɛle tenlenema; na ɔbazoa bɛ ɛtane ne mɔ anwo ndeanlɛ.

Daneɛle Buluku ne 12:2

Menli mɔɔ ɛwu la anu dɔɔnwo badwazo ara ngoane nu; bie mɔ banyia ngoane mɔɔ ɛnlɛ awieleɛ, bie mɔ dɔɔnwo noko babɔ anyiemgba mɔɔ ɛnlɛ awieleɛ.

Edwɛkpa ne kɛmɔ Mateyu hɛlɛle la 20:28

ɔluakɛ medame Sonla Ra bɔbɔ, meamba kɛ bɛzonle me; membale kɛ mebazonle, na meava me ngoane meayɛ ɛkpɔnedeɛ meamaa menli dɔɔnwo.”

Edwɛkpa ne kɛmɔ Mateyu hɛlɛle la 26:28

ɛhye a le me mogya ne mɔɔ bɛhwi bɛgua wɔ menli dɔɔnwo bɛ ɛtane fakyɛ ti, na ɔsɔ Nyamenle ngyekyeleɛ ne anloa la.

Dw 3:16

Ɔluakɛ Nyamenle hulole ewiade amra kpole kpalɛ la ati yɛɛ ɔvale Ɔ Ra kokye ne ɔmanle a, amaa awie biala mɔɔ kɛlie ye kɛli la anwu na yeanyia ngoane mɔɔ ɛnlɛ awieleɛ.

Dw 4:10

Gyisɛse buale kɛ, “Saa ɛze kɛ Nyamenle ahyɛlɛdeɛ ne si de, nee ahenle mɔɔ ɛlɛsɛlɛ wɔ nzule ne la a, anrɛɛ wɔbiza ye wɔmaa yemaa wɔ ngoane nzule.”

Ɛzoanvolɛma Gyima ne 15:11

Kyɛkyɛ! Kɛmɔ yɛdie yɛdi na ɔlua Awulae Gyisɛse ɛlolɛ zo bɛbalie yɛ ngoane la, zɔhane ala yɛɛ bɛdabɛ noko bɛ ɛdeɛ ne de a.”

Wulo 5:12

Yemɔti kɛmɔ ɛtane luale sonla ko anwo zo a rale ewiade, na sonla ko ne ɛtane ne vale ewule rale la, yɛɛ ewule dele kpondenle aleɛabo amra anwo zo a, ɔluakɛ menli kɔsɔɔti ɛyɛ ɛtane.

Wulo 6:23

Ɔluakɛ ɛtane ahatualɛ a le ewule, na Nyamenle ahyɛlɛdeɛ ne mɔɔ ɔfa ɔmaa mgbane la a le ngoane mɔɔ ɛnlɛ awieleɛ wɔ yɛ Awulae Kelaese Gyisɛse ati.

2 Kɔl 5:14

Ɔluakɛ Kelaese ɛhulolɛ ne a sie yɛ a, ɔboalekɛ yɛdie yɛto nu kɛ sonla ko wule manle menli kɔsɔɔti, na ye zɔhane ati menli kɔsɔɔti ɛwu.

2 Kɔl 9:15

Bɛmaa yɛyɛ Nyamenle mo wɔ ye nwanwane ahyɛlɛdeɛ ne ati.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:8

Ɔluakɛ Nyamenle ɛlolɛ zo yɛɛ bɛ diedi ti yelie bɛ ngoane a.

Kɛlata mɔɔ bɛhɛlɛle bɛhɔmanle Hibuluma la 2:9

Na yɛnwu Gyisɛse mɔɔ mekɛ ekyi bie anu ɔdaye noko bɛyɛle ye ekyi bɛdɛlale Nyamenle soanvolɛma la, kɛ bɛwula ye anyunlunyia na bɛdi ye eni wɔ nyane ewule mɔɔ ɔwule la ati. Nyamenle luale ɔdaye ye ɛlolɛ zo yɛɛ ɔmanle ɔwule wɔ awie biala ati a.

1 Dw 2:2

Kelaese a le sonla mɔɔ yɛlua ɔ nwo zo mɔɔ bɛva yɛ ɛtane ne mɔ bɛhyɛ yɛ a, yɛɛ tɛ yɛ ngome, na menli mɔɔ wɔ ewiade la amuala boka nwolɛ.

1 Dw 5:11

Daselɛlilɛ ne a le ɛhye: Nyamenle ɛlua ɔ Ra ne anwo zo ɛmaa yɛ ngoane mɔɔ ɛnlɛ awieleɛ la.