Wulo 5:14 - BAEBOLO ANZƐƐ BULUKU NWUANZANWUANZA

¹⁴ Noko ɔvi Adam anwo zo toonwo mɔɔ radwule Mosisi anwo zo la, ewule nyianle sonla nwo zo tumi, bɔbɔ menli mɔɔ bɛ ɛtane ne mɔ ɛnle kɛ Adam mɛladonlɛ ɛdeɛ ne la. Adam le sonla ko ne mɔɔ ɔwɔ kɛ ɔba la sɔhovolɛ.

Wulo 5:14 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:25

Na ɔzɛkyele azuamgbole zɔhane mɔ, bɔnza ne anu amuala, nee menli mɔɔ wɔ azuamgbole ne mɔ azo la amuala, yɛɛ debie biala mɔɔ fifile azɛlɛ ne azo la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 4:8

Ɛhye anzi Keen zele ɔ diema Ebɛle kɛ, “Maa yɛhɔ ɛbɔ nu.” Bɛhɔle la, Keen holole ɔ diema Ebɛle anwo zo na ɔhunle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 7:22

Azɛlɛ resee zo debie biala mɔɔ die ɛnwomenle la wule, kokye anga.

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:22

Na akee belemgbunli ne yɛle ye mɛla manle maanlema kɛ, “Ralɛ nrenya biala mɔɔ Hibulunli biala kɛwo ye la, bɛvuandi ye bɛdo Azule Naele ne anu, na saa raalɛ a, bɛmmato ye nu.”

Mosisi Buluku ne mɔɔ tɔ zo nwiɔ mɔɔ bɛfɛlɛ ye Adendulɛ 1:6

Mekɛ ne hɔle bie la Dwosefi, ɔ mediema mrenya ne mɔ nee awolɛndoazo zɔhane anu amra kɔsɔɔti wule.

Hozia Buluku ne 6:7

“Bɛle kɛ Adam la, bɛtulule ngyekyeleɛ ne mɔɔ me nee bɛ kyekyele la, bɛanli nɔhalɛ bɛammaa me.

Dwona Buluku ne 4:11

Duzu ati yɛɛ mame, suakpole mɔɔ le kɛ Nenɛvɛ, mɔɔ ɛlie duma na menli mɔɔ bo apenle ngoko ɛya ko abulanwiɔ mɔɔ bɛnze bɛ bɛne a bɛnze bɛ fema, nee nyɛmoa wɔ zolɛ la, menrɛze bɛ anwunvɔne a?”

Wulo 5:12

Yemɔti kɛmɔ ɛtane luale sonla ko anwo zo a rale ewiade, na sonla ko ne ɛtane ne vale ewule rale la, yɛɛ ewule dele kpondenle aleɛabo amra anwo zo a, ɔluakɛ menli kɔsɔɔti ɛyɛ ɛtane.

Wulo 5:17

Sonla ko ne, Adam ɛtane ti yɛɛ ɛtane luale ranyianle sonla nwo zo tumi a. Zɔhane ala yɛɛ bɛdabɛ mɔɔ bɛbalua sonla ko ne, Gyisɛse Kelaese anwo zo bɛanyia ɛlolɛ ne molozo nee pɛlepɛlelilɛ ahyɛlɛdeɛ ne mɔɔ bɛfa bɛmaa mgbane la anwo bazo kpalɛ, na bɛalua ɔ nwo zo bɛali arelemgbunli wɔ bɛ ɛbɛlabɔlɛ nu a.

Wulo 5:21

Zɔhane ati, kɛmɔ ɛtane vale ewule a lile belemgbunli la, zɔhane ala yɛɛ Nyamenle ɛlolɛ ne fa kpalɛyɛlɛ di belemgbunli na ɔfa yɛ ɔdua Gyisɛse Kelaese, yɛ Awulae ne anwo zo ɔkɔ ngoane mɔɔ ɛnlɛ awieleɛ la anu a.

Wulo 8:20

Ɔluakɛ abɔdeɛ muala mgbane mɔɔ ɛyɛ la, tɛ ɔdaye ye ɛhulolɛ zo ɔ, na Nyamenle ngyehyɛlɛ ɔ. Noko anyelazo ɛhye wɔ ɛkɛ ne kɛ

Wulo 8:22

Ɔluakɛ yɛze kɛ toonwo mɔɔ yeradwu ɛnɛ la abɔdeɛ muala ɛlɛte nyane kɛ asɛɛ yevo awolɛ zo.

1 Kɔl 15:22

Kɛmɔ menli kɔsɔɔti dua Adam anwo zo wu la, zɔhane ala yɛɛ Nyamenle balua Kelaese anwo zo adwazo bɛ muala ara ngoane nu a.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

Kɛlata mɔɔ bɛhɛlɛle bɛhɔmanle Hibuluma la 9:27

Bɛhyehyɛ bɛmaa sonla biala kɛ ɔwu kokye, na ewule ne anzi Nyamenle abua ye ndɛne.