Wulo 5:13 - BAEBOLO ANZƐƐ BULUKU NWUANZANWUANZA

¹³ Ɛtane rale ewiade kolaa na bɛava mɛla ne bɛamaa, yɛɛ mɔɔ ɛnee mɛla ɛnle ɛkɛ la, bɛmbu ɛtane nwo mgbonda bɛntia awie biala.

Wulo 5:13 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 13:13

Sodɔmma le amumuyɛ; bɛyɛle ɛtane mgbole bɛtiale Ɛdɛnkɛma.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 18:20

Akee Ɛdɛnkɛma zele Ebileham kɛ, “Sodɔm nee Gomɔla ɛtane ne ɛyɛ kpole, yɛɛ bɛ ɛtane ne mɔ anwo ngehanleɛ akee ɛzo somaa.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:32

Bɛla, maa yɛnloa egya nwanye yɛmaa ɔbo, na yɛ nee ye ɛla, amaa yɛ nee ye anyia mralɛ yɛazie yɛ gyakɛ anu.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:36

Zɛhae adenle zo yɛɛ Lɔɔto amra mraalɛ nwiɔ ne nee bɛ ze nrenzɛle a.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 19:4

Na mɔɔ ɔdwule mekɛ mɔɔ bɛkala la, Sodɔm suakpole ne azo mrenya ngakula nee mgbanyinli, bɛ muala kɔsɔɔti, ko bɔbɔ anga amozi, bɛrale bɛrabɛnrale bɛyiale sua ne mɔɔ bɛwɔ nu la.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:10

Na mɔɔ ɔyɛle la anzɔ Ɛdɛnkɛma anye, na ɔhunle ɔdaye noko.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 38:7

Na Dwuda ara nrenya kpanyinli Ɛɛ le amumuyɛ, yemɔti Ɛdɛnkɛma hunle ye.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 6:11

Na ɔrale kɛ ɛnee akee asɛɛ sonla ko bɔbɔ ɛnle azɛlɛ ye azo mɔɔ di boɛ wɔ Nyamenle anyunlu a; sonla ɛhunlɛ, asayɛlɛ, amumuyɛ nee basabasayɛlɛ ɛlie ebia wɔ azɛlɛ ye azo ɛleka biala.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 8:21

Nowa azu ne zɔle Ɛdɛnkɛma anye, na ɔzele kɛ, “Ɔvi ɛnɛ mɔɔ kɔ la menrɛdoa sonla nyɛleɛ menrɛmaa munzule mɔɔ le zɛhae la ɛnrɛha azɛlɛ ye bieko; menrɛzɛkye ewiade abɔdeɛ muala, kɛmɔ meyɛ la bieko. Meze kɛ sonla yemɔ, ye ngakula nu amuala ɛnee ye adwenle nee ye ahonle nu le bile.

Wulo 3:20

Ɔluakɛ awie biala mɔɔ di Mosisi mɛla ne azo la ɛngola ɛnzɔ Nyamenle anye. Mɛla ne gyima a le kɛ, ɔmaa sonla nwu ye ɛtane mɔɔ yeyɛ la.

Wulo 4:15

Mɛla ne azo ɛlilɛ bɔbɔ, yɛka Nyamenle ɛya; na ɛleka noko mɔɔ mɛla ɛnle la, menli ɛndo mɛla.

1 Kɔl 15:56

Ewule bɔlɔ a le ɛtane, yɛɛ ɛtane tumi ne vi mɛla ne anu.

1 Dw 3:14

Yɛze kɛ yɛvi ewule nu yɛra ngoane nu; yɛze ɛhye, ɔluakɛ yɛkulo yɛ mediema ne mɔ. Awie biala mɔɔ ɛnlɛ ɛhulolɛ la de ewule nu.

1 Dw 3:4

Awie biala mɔɔ yɛ ɛtane la di fɔlɛ kɛ ɔto Nyamenle mɛla ne, ɔluakɛ ɛtane le mɛladonlɛ.