Wulo 5:10 - BAEBOLO ANZƐƐ BULUKU NWUANZANWUANZA

¹⁰ Mɔɔ ɛnee yɛle Nyamenle kpɔvolɛma la, yelua ɔ Ra ne ewule zo ɔ nee yɛ ɛli ngamɔnu na yeyɛ yɛ ɔ gɔnwo mɔ a, ɛnee fane nyɛ yɛɛ akee ɔnrɛlua tease Kelaese ne ati ɔnrɛlie yɛ ngoane ɛ?

Wulo 5:10 ပူးပေါင်းရင်းမြစ်များ

2 Edk 29:24

Na sɛlɛvolɛma ne mɔ hunle mbɔnkye ne mɔ na bɛvale bɛ mogya ne bɛbɔle ɛtanefakyɛ azu wɔ azukponle ne azo, bɛvale bɛkpɔdale Yizilayɛma kɔsɔɔti ati. Ɔluakɛ belemgbunli ne zele kɛ ɔwɔ kɛ bɛbɔ ɛyelalɛ azu ne nee ɛtanefakyɛ azu ne wɔ Yizilayɛma kɔsɔɔti ati.

Yizikeɛle Buluku ne 45:20

Siane ne anu kenle nsuu ne azo, ɔwɔ kɛ bɛyɛ zɔhane ala bɛmaa awie biala mɔɔ ɔlua nvonleɛ zo ɔyɛle ɛtane anzɛɛ ɔ nye ɛnla nwolɛ na ɔyɛle ɛtane la. Ɛhye yɛɛ bɛbayɛ bɛayɛ mgbɔdalɛ nzɛlɛlɛ bɛamaa Ɛzonlenlɛ Sua ne a.

Daneɛle Buluku ne 9:24

“Ɛnyelɛzodeɛnwunlɛ ne kile kɛ wɔ menli Yizilayɛma bava ɛvolɛ ɛya nna abulahɔnla (ɛvolɛ abulasuu fane nsuu) a alie bɛ nwo nee bɛ suakpole ne wɔ ɛtane nee munzule nu, bɛayɛ bɛ ɛtane nwo mgbɔdalɛ nzɛlɛlɛ na bɛali pɛlepɛle dahuu a, amaa ɛnyelɛzodeɛnwunlɛ ne nee Nyamenle nrɛlaleɛ ne ali munli, na bɛadu Ɛzonlenlɛ Sua ne bɛamaa Nyamenle bieko.

Sɛlɛ 6:30

Noko ɔnle kɛ bɛdi ɛtane azubɔdeɛ biala mɔɔ bɛkɛva ye mogya ne bie bɛkɛhɔ Ɛdɛnkɛma Ndanlɛ Sua ne anu kɛ bɛkazɛlɛ mgbɔdalɛ wɔ ɛleka nwuanzanwuanza ne la bie. Ɔwɔ kɛ bɛyela ye.

Dw 14:19

Ɔnrɛhyɛ biala ɛnee ewiade ɛnnwu me bieko, na bɛmɛ, bɛbanwu me, na kɛmɔ mede ngoane nu la, bɛdabɛ noko bɛbadɛnla ngoane nu.

Dw 5:26

Kɛmɔ Selɛ ne a le ngoanemaavolɛ la, zɔhane ala yɛɛ yeyɛ Ralɛ ne ngoanemaavolɛ a.

Dw 6:40

Ɔluakɛ mɔɔ Egya kpondɛ la a le kɛ, bɛdabɛ mɔɔ bɛkɛnwu Ralɛ ne na bɛkɛlie ye bɛkɛli la kɛnyia ngoane mɔɔ ɛnlɛ awieleɛ; na mebadwazo bɛ meara ngoane nu wɔ mekɛ mɔɔ li awieleɛ la.”

Dw 6:57

Egya mɔɔ zoanle me la de aze, yɛɛ ɔdaye ɔ ti melɛ ngoane. Zɔhane ala yɛɛ mɔɔ kɛva me kɛli la, medame me ti ɔkɛnyia ngoane a.

Wulo 11:28

Dwuuma kpole Edwɛkpa ne la ati, Nyamenle ɛyɛ kpɔvolɛ wɔ bɛmɛ mɔɔ bɛnle Dwuuma la ati. Noko kɛmɔ Nyamenle ɛkpa nu ɛye bɛ la ati, bɛle ɔ gɔnwo mɔ wɔ bɛ nlenya mɔ ati.

Wulo 5:11

Noko tɛ ɔ muala ɛ. Yɛdua Awulae Gyisɛse Kelaese anwo zo yɛdi fɛlɛko wɔ Nyamenle anu, ɔluakɛ yeyɛ yɛ Nyamenle agɔnwo mɔ.

Wulo 5:6

Mekɛ mɔɔ ɛnee moalɛ ɛwie bɔkɔɔ la, Kelaese wule manle bɛdabɛ mɔɔ bɛnze Nyamenle la wɔ mekɛ mɔɔ Nyamenle ɔdaye ɔhyehyɛle la anu.

Wulo 8:32

Nea, yeanva ɔ Ra ne yeanyɛ yɛ abokɛ na yeva ye yebɔ azu wɔ yɛ muala yɛ ti! Na saa yeva ɔ Ra ne yemaa wɔ yɛ ti a, ɛnee fane nyɛ yɛɛ akee ɔnrɛva ninyɛne muala ɔnrɛboka ɔ Ra ne anwo ɔnrɛmaa yɛ a?

Wulo 8:34

Nwane a kɛhola kɛbua bɛ fɔlɛ a? Asoo Kelaese Gyisɛse, mɔɔ wule, na bɛdwazole ye bɛrale ngoane nu, na ɔde Nyamenle asa fema zo ɛlɛsɛlɛ Nyamenle amaa yɛ la ɔ?

Wulo 8:7

Yemɔti mɔɔ maa nwonane nu adwenleadwenle keda ɔ nwo zo la le Nyamenle kpɔvolɛ; ɔluakɛ ɔnli Nyamenle mɛla ne azo, yɛɛ ɔdi zo bɔbɔ a ɔnrɛyɛ boɛ;

2 Kɔl 5:20

Yɛle Kelaese agyakɛ anu gyinlavolɛma, na ɔlua yɛ nwo zo Nyamenle ɛlɛtu folɛ. Zɔhane ati yɛgyi Kelaese agyakɛ anu yɛbodo yɛsɛlɛ bɛ kɛ bɛmaa Nyamenle adenle bɛmaa ɔhakyi bɛ kɛ bɛnle agbɔvolɛ na bɛle ɔ gɔnwo mɔ.

2 Kɔl 5:21

Kelaese anyɛ ɛtane, noko ɔlua yɛmɛ yɛ ti Nyamenle vale ye yɛle ɛtane mumua ne, amaa ɔlua ɔ nwo zo yɛanyia Nyamenle kpalɛyɛlɛ ne.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:16

Kelaese luale ye ewule mɔɔ ɔwule meanubaka ne azo la yele ɛkpɔlɛ wɔ bɛ avinli na ɔhanle Dwuuma nee bɛdabɛ mɔɔ bɛnle Dwuuma la ɔbɔle nu ɔmanle Nyamenle.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 2:3

Nɔhalɛ, ɛnee yɛdayɛ noko yɛle kɛ bɛdabɛ ala la; yɛbɔle ɛbɛla mɔɔ yɛdayɛ yɛkulo la, yɛyɛle mɔɔ yɛ nwonane ne atiakunluwɔzo nee yɛ adwenle zele yɛ la, na ɔlua zo yɛhanle Nyamenle ɛya kɛ awie biala la.

Kɛlata mɔɔ bɛhɛlɛle bɛhɔmanle Hibuluma la 2:17

Ɛhye kile kɛ ɔwɔ kɛ ɔyɛ kɛ ɔ mediema ne mɔ la wɔ adenle biala anu, amaa yeayɛ bɛ Sɛlɛvolɛ Kpanyinli mɔɔ di nɔhalɛ na ɔse anwunvɔne wɔ ye Nyamenle gyimayɛlɛ nu, na yeali bɛ ti mgbɔdalɛ, amaa bɛava menli ɛtane bɛahyɛ bɛ.

Kɛlata mɔɔ bɛhɛlɛle bɛhɔmanle Hibuluma la 7:25

Ɛhye ati ɔkola kɛkala nee mekɛ biala ɔdie bɛdabɛ mɔɔ bɛdua ɔ nwo zo bɛba Nyamenle ɛkɛ ne la ngoane, ɔluakɛ ɔde aze na ɔdi bɛ ti mgbɔdalɛ wɔ Nyamenle ɛkɛ ne dahuu.

1 Dw 2:1

Me mra ngakula, melɛkɛlɛ bɛ kɛlata ɛhye, amaa bɛanyɛ ɛtane, na saa bɛ nuhua bie yɛ ɛtane a, yɛlɛ kamaavolɛ wɔ Selɛ ne anwo lɔ mɔɔ kpa yɛ ti kyɛlɛ a, yemɔ a le Gyisɛse Kelaese, mɔɔ le fɔɔnwonli ko ne.

1 Dw 4:10

Ɛhulolɛ kɛ de la ɛne: tɛ yɛmɛ a yɛhulole Nyamenle a, yemɔ a ɔhulole yɛ na ɔzoanle ɔ Ra ne kɛ ɔrayɛ yɛ ɛtane ne mɔ anwo mgbɔdalɛdeɛ, amaa ɔlua ɔ nwo zo bɛava yɛ ɛtane ne mɔ bɛahyɛ yɛ.

Yekile 1:18

Mame a mele teasenli ne a. Menwule, na kɛkala mede aze dahuu. Melɛ Ewule nee Ɛbolɔ sanvɛ ne.