Wulo 4:20 - BAEBOLO ANZƐƐ BULUKU NWUANZANWUANZA

²⁰ Ye diedi ne anga aze wɔ Nyamenle ɛwɔkɛ ne anwo, na ye diedi ne manle ye anwosesebɛ na ɔyele Nyamenle ayɛlɛ.

Wulo 4:20 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 15:6

Ebilam liele Ɛdɛnkɛma lile, na ɛhye manle ɔzɔle Ɛdɛnkɛma anye na ɔliele ye ɔdole nu.

2 Arl 7:19

safohyenle ne buale ye kɛ, “Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a ɔnrɛzi zɔhane ɛlɛ.” Na Yilaehya zele ye kɛ, “Ɛ nye banwu ye na ɛnrɛli bie.”

2 Arl 7:2

Na belemgbunli sonvolɛ ne mɔɔ nee ye lua la zele Yilaehya kɛ, “Ɛhye, yemɔ tafela. Saa Ɛdɛnkɛma mumua ne tukuedukue anwuma nvɛnzɛlɛ bɔbɔ a, ɔnrɛzi zɔhane ɛlɛ.” Yilaehya buale kɛ, “Ɛ nye banwu ye na ɛnrɛli bie.”

Ayezaya Buluku ne 35:4

Bɛha bɛhile bɛdabɛ mɔɔ bɛle avoanvoanle la kɛ, “Bɛmaa bɛ nwo ɛyɛ se, bɛmmasulo! Bɛnlea, bɛ Nyamenle ne bara arali bɛ ti nzenralɛ. Nyamenle bara aralie bɛ ti. Ɔbara yearalie bɛ ngoane.”

Ayezaya Buluku ne 7:9

Yizilayɛ ati zɔ Samɛlea yɛɛ Samɛlea ati zɔ Belemgbunli Pikaa. “Maa Belemgbunli Ehaze ɛde ɔ bo kɛ saa ye diedi gyi kpundii ɛdeɛ a ɛnee ɔdaye ɔgyi kpundii.”

Daneɛle Buluku ne 10:19

Ɔzele me kɛ, “Ayi, Nyamenle kulo wɔ kpole, mmasulo. Anzonudwolɛ ɛha wɔ. Gyinla ɛ nwo na si ahonle.” Ɔhanle zɔhane la, akee menyianle anwosesebɛ na menganle kɛ, “Me menle, tendɛ, na kɛkala, wɔmaa menyia anwosesebɛ.”

Daneɛle Buluku ne 11:32

Belemgbunli ne babɛlɛbɛla bɛdabɛ mɔɔ bɛgyakyi Nyamenle ɛzonlenlɛ la yeamaa bɛali ɔ nzi, na bɛdabɛ mɔɔ bɛze bɛ Nyamenle ne la bagyinla bɛ gyakɛ anu na bɛaheha bɛ nwo.

Hagae Buluku ne 2:4

Noko akee bɛzi ahonle, Zɛlubabɛle! Medame Ɛdɛnkɛma a mese a. Dwɔhyua, Gyɛhɔzeedake ara, Sɛlɛvolɛ Kpanyinli, bɛzi ahonle. Bɛzi ahonle, bɛdabɛ Yizilayɛma kɔsɔɔti mɔɔ bɛwɔ maanle ye anu la. Medame Ɛdɛnkɛma a mese a. Medame Tumivolɛ Ɛdɛnkɛma mese: Bɛyɛ gyima ne, na me nee bɛ lua,

Zɛkalaya Buluku ne 8:13

Na kɛmɔ bɛyɛ amowa ɛfenle wɔ maanle maanle ne mɔ avinli la, zɔhane ala, O Dwuuma nee Yizilayɛma, yɛɛ mebalie bɛ na bɛayɛ nyilalɛ bɛamaa maanle maanle ne mɔ a. Yemɔti bɛmmasulo, na bɛnyia akɛnrasesebɛ.”

Zɛkalaya Buluku ne 8:9

Tumivolɛ Ɛdɛnkɛma se, “Bɛdabɛ mɔɔ bɛlɛtie edwɛkɛ ɛhye mɔ bɛavi me kpɔmanvolɛma anloa la, bɛnyia akɛnrasesebɛ, kɛmɔ mekɛ mɔɔ bɛwula Tumivolɛ Ɛdɛnkɛma Sua ne aze la bɛnyianle la, amaa bɛahola bɛazi Ɛdɛnkɛma Ɛzonlenlɛ Sua ne.

Edwɛkpa ne kɛmɔ Mateyu hɛlɛle la 9:8

Menli ne mɔ nwunle ye zɛhae la, ɛzulolɛ hanle bɛ, na bɛyele Nyamenle ayɛlɛ kɛ yeva tumi mɔɔ le zɛhae la yemaa sonla a.

Edwɛkpa ne kɛmɔ Luku hɛlɛle la 1:18

Zɛkalaya bizale Nyamenle soanvolɛ ne kɛ, “Kɛkala mɔɔ me nee me ye yɛwie mrelera yɛ la, ɛnee kɛ ɔkɛyɛ na meanwu ɛhye nɔhalɛ ɛ?”

Edwɛkpa ne kɛmɔ Luku hɛlɛle la 1:45

Nyilalɛ ɛha wɔ kɛ ɛliele ɛlile kɛ mɔɔ Awulae hanle hilele wɔ la bayɛ zɔhane a.”

1 Kɔl 16:13

Bɛyɛ bɛ nye gyɛlɛmgbɛɛnye, bɛgyinla kpundii wɔ diedi ne anu, bɛnyia akɛnrasesebɛ, bɛmaa bɛ nwo ɛyɛ se.

2 Kɔl 12:10

Kelaese ati, me kunlu dwo me nwo wɔ me bɛtɛɛyɛlɛ, aholoba ɛbɔlɛ, ngyegyelɛ, kpɔdekpɔdeyɛlɛ, yɛɛ munzule nu, ɔluakɛ mɔɔ menwɔyɛ bɛtɛɛ la ɛnee me nwo ɛyɛ se kpalɛ.

Pɔɔlo Kɛlata mɔɔ ɔhɛlɛle ɔhɔmanle Ɛfɛsɛsema la 6:10

Awieleɛ ne, bɛlua Awulae tumi bedevinli ne azo bɛmaa bɛ nwo ɛyɛ se.

2 Tem 2:1

Me ra, wɔmɔ maa ɛ nwo ɛyɛ se wɔ ɛlolɛ ne mɔɔ Kelaese Gyisɛse ati ɔle yɛ ɛdeɛ la anu.

1 Sam 30:6

Edwɛkɛ dole Devidi, ɔluakɛ ye menli ne yɛle kɛ bɛsi ye awolɛ, ɔboalekɛ awie biala ɛlɛdi nyane kpole kɛ bɛhye ɔ ye nee ɔ mra bɛhɔ a. Na Devidi Ɛdɛnkɛma ye Nyamenle ne manle ye akɛnrazilɛ.