Wulo 4:17 - BAEBOLO ANZƐƐ BULUKU NWUANZANWUANZA

¹⁷ Nyamenle Edwɛkɛ ne se, “Meyɛ wɔ maanle maanle dɔɔnwo bɛ ze.” Nyamenle ɛhye mɔɔ Ebileham liele ye lile la a bɔle Ebileham ɛwɔkɛ ne a. Nyamenle ɛhye a maa mɔɔ ɛwu la dwazo ba ngoane nu na ɔ nloa edwɛkɛ maa mɔɔ ɛnle ɛkɛ la ba a.

Wulo 4:17 ပူးပေါင်းရင်းမြစ်များ

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:16

Mebayila ye, na yeayɛ maanle maanle bɛ nli. Ɔ bo zo amra bie mɔ bayɛ arelemgbunli.”

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 17:20

Yehyemeeyɛle ɛdeɛ, mede mɔɔ wɔha la. Nea, meyila ye na mebamaa ɔ sa zo ada, bɛ nwo azo dɔɔnwo. Ɔbayɛ arelemgbunli bulu nee nwiɔ bɛ ze, na mebamaa yeayɛ maanle kpole kpalɛ.

Mosisi Buluku ne mɔɔ lumua mɔɔ bɛfɛlɛ ye Mɔlebɛbo 28:3

Nyamenle Bedevinli ne ɛyila wɔ na ɔmaa wɔ mralɛ dɔɔnwo na bɛyɛ mɔnwo amaa bɛayɛ ɛlɔne.

Ayezaya Buluku ne 43:6

Mebaha meahile sɔlɔ amra kɛ, ‘Bɛgyakyi bɛ,’ na meaze nyiakɛ amra kɛ, ‘Bɛmmafa bɛ sa bɛka bɛ;’ me mra mrenya ne mɔ vi moa moa, yɛɛ me mra mraalɛ ne mɔ vi ewiade ɛleka biala bara.

Ayezaya Buluku ne 44:7

Nwane a le kɛ medame a? Bɛmaa ɔha ɔdo gua, bɛmaa ɔha ɔdo gua na ɔva ɔzi me nyunlu. Nwane a mɔmoane ɔholale ɔhanle mɔɔ bazi la a? Bɛmaa ɔha mɔɔ kenlebie bazi la ɔhile yɛ.

Ayezaya Buluku ne 48:13

Medame a menwulale azɛlɛ ye adiabo ne aze a, menvale me tumi a membɔle anwuma a; saa mefɛlɛ bɛ a, bɛfinde me nyunlu.

Ayezaya Buluku ne 49:12

Bɛnlea, ɛhye mɔ vi moa bara, bɛvi sɔlɔ nee adɔleɛ afoa nu, yɛɛ bɛvi Asewan azɛlɛ zo bɛbara.”

Ayezaya Buluku ne 51:2

Bɛnlea bɛ nlenya Ebileham, nee bɛ nla Sɛla mɔɔ zole bɛ; ɔluakɛ mɔɔ ɛnee Ebileham ɛtɛwole ralɛ la, yɛɛ menvɛlɛle ye a. Na menyilale ye memanle ɔ bo zo amra yɛle dɔɔnwo.

Ayezaya Buluku ne 55:12

“Ɔluakɛ ɛbavi Babelɔn anyelielɛ nu, bɛbali ɛ nyunlu bɛ nee wɔ ahɔ anzonudwolɛ nu, awoka mgbole nee ngyikyi ne mɔ amuala babɔ nu ado edwɛne, na ɛbɔ nu mbaka kɔsɔɔti babɔ bɛ sa nu.

Edwɛkpa ne kɛmɔ Mateyu hɛlɛle la 3:9

Bɛmmadwenle bɛka kɛ, ‘Yɛmɛ yɛ nlenya a le Ebileham.’ Meka meahile bɛ kɛ Nyamenle kola maa awolɛ ɛhye mɔ dwazo yɛ Ebileham nlɔnra.

Dw 5:21

Kɛmɔ Selɛ ne dwazo mɔwuamra na ɔmaa bɛ ngoane la, zɔhane ala yɛɛ Ralɛ ne ɔdaye ɔmaa awie biala mɔɔ ɔkulo kɛ ɔmaa ye ngoane la ngoane a.

Dw 5:25

Meka nɔhalɛ ne meahile bɛ: mekɛ ɛlɛba, yɛɛ yera bɔbɔ, mɔɔ mɔwuamra bade Nyamenle Ara ne ane, na bɛdabɛ mɔɔ bɛkɛde la bɛbadwazo bɛ bɛara ngoane nu.

Dw 6:63

Mɔɔ maa ngoane la a le Nyamenle Sunsum ne; sonla anwosesebɛ ɛngola ɛnyɛ ɛhwee. Edwɛkɛ ne mɔɔ meha mehile bɛ la a le Nyamenle Sunsum mɔɔ maa ngoane la.

Ɛzoanvolɛma Gyima ne 15:18

Awulae a vale ɛhye dole gua dɛbadɛba ne a.’ ”

Wulo 3:29

Na Nyamenle le Dwuuma angome Nyamenle ɔ? Anzɛɛ ɔnle bɛdabɛ noko mɔɔ bɛnle Dwuuma la Nyamenle ɔ? Kɛmɔti ɛ, ɔle bɛdabɛ noko bɛ Nyamenle!

Wulo 4:18

Ebileham liele Nyamenle ɛwɔkɛ ne lile na ɔmanle ɔ nye lale zo ɛsesebɛ, wɔ mekɛ mɔɔ ɛnee anyelazo ɛwie la, kɛ ɔbayɛ “maanle maanle bɛ ze.”

Wulo 4:2

Saa ye nyɛleɛ a manle ɔzɔle Nyamenle anye a, anrɛɛ ɛnee ɔlɛ debie ɔfa ɔtu ɔ nwo wɔ nwolɛ. Noko ɔngola ɔndu ɔ nwo wɔ Nyamenle anyunlu.

Wulo 8:11

Na saa Nyamenle Sunsum ne, mɔɔ dwazole Gyisɛse vile ewule nu la de bɛ nu a, ɛnee noko mɔɔ dwazole Gyisɛse vile ewule nu la bamaa bɛdabɛ noko bɛ sonlabaka ye mɔɔ wu la ngoane wɔ ye Sunsum ne mɔɔ wɔ bɛ nu la ati.

Wulo 9:11

Na amaa bɛ nuhua ko ɛvɛlɛlɛ ɛdeɛ ne ali munli, kɛmɔ Nyamenle hyehyɛle la, Nyamenle zele Relebɛka kɛ, “Kpanyinli ne bazonle kakula ne.” Ɔhanle ɛhye kolaa na bɛawo bɛ, na bɛanwu kpalɛ anzɛɛ ɛtane; ɛhye kile kɛ Nyamenle ɛvɛlɛlɛ ne gyi ye ɛhulolɛdeɛ zo na tɛ nyɛleɛ biala mɔɔ bɛyɛle la ati ɔ.

Wulo 9:26

Na ɛleka mɔɔ bɛwɔ a bɛzele bɛ kɛ, ‘Bɛnle me menli’ la, ɛkɛ ne ko ne ala yɛɛ bɛbavɛlɛ bɛ tease Nyamenle ne amra a.”

1 Kɔl 1:28

Nyamenle kpale nu yele deɛ mɔɔ ewiade nea a ɔmbu ye bie na ɔfa ye kɛ ɔnle debie biala la kɛ ɔfa yeazɛkye deɛ mɔɔ ewiade dwenle kɛ ɔ nwo hyia la.

1 Kɔl 15:45

Ɔluakɛ Nyamenle Edwɛkɛ ne se, “Nyamenle bɔle sonla mɔɔ lumua, mɔɔ le Adam, manle ɔrayɛle ɛkɛla mɔɔ de aze a.” Na Adam ne mɔɔ li amozi la le Nyamenle Sunsum mɔɔ maa ngoane a.

1 Tem 6:13

Megyi Nyamenle mɔɔ maa ninyɛne kɔsɔɔti ngoane, nee Kelaese Gyisɛse mɔɔ gyinlanle Pɔntɛse Paelɛte anyunlu lile ye diedi nwo daselɛ la anyunlu, meka meahile wɔ kɛ

Kɛlata mɔɔ bɛhɛlɛle bɛhɔmanle Hibuluma la 11:12

Yemɔti ɔlua sonla ko mɔɔ le Ebileham, mɔɔ ɛnee ɔle kɛ asɛɛ yewu, noko ɔtɛwole ralɛ ɛlɛ la anwo zo yɛɛ ɛnɛ nlɔnra dɔɔnwo mɔɔ le kɛ anwuma nwɔlɔra nee ɛnweazo anwea la ɛra a.

Kɛlata mɔɔ bɛhɛlɛle bɛhɔmanle Hibuluma la 11:3

Ɔlua diedi zo yɛɛ yɛnyia ndelebɛbo kɛ Nyamenle vale ɔ nloa edwɛkɛ ala a bɔle ewiade a, na mɔɔ ɛnɛ yɛnwu ye la vi mɔɔ yɛnnwu ye la anu a rale a.

Kɛlata mɔɔ bɛhɛlɛle bɛhɔmanle Hibuluma la 11:7

Diedi zo yɛɛ Nowa luale mɔɔ ɔdele Nyamenle kɔkɔbɔlɛ ne mɔɔ fane ninyɛne mɔɔ kenle bie bazi la anwo a. Ɔdiele Nyamenle ane na ɔbobɔle ɛlɛnemgbole ɔvale ɔliele ɔ nwo nee ye sua nu amra ngoane. Ɔluale zɛhae adenle zo ɔbule ewiade ye kɛ ɔle debie mgbane, na ɔ sa hanle Nyamenle nu fɔɔnwoyɛlɛ ne mɔɔ bɛdua diedi zo bɛ sa ka ye la.

1 Pit 2:10

Mekɛ bie ɛnee bɛnzɔho menli bɔbɔ, na ɛnɛ bɛle Nyamenle menli. Mekɛ bie ɛnee bɛnze Nyamenle anwunvɔnezelɛ ne deɛ holɛ, na ɛnɛ bɛ sa ɛha ye anwunvɔnezelɛ ne.

2 Pit 3:8

Na ayi mɔ, bɛmmamaa bɛ rɛle fi nɔhalɛ ko ɛhye. Awulae ɛdeɛ, kenle ko le ɔ nye zo ɛvolɛ apenle, yɛɛ ɛvolɛ apenle le ɔ nye zo kenle ko.